Kɔlɔ 2:8 - BAEBOLO ANZƐƐ BULUKU NWUANZANWUANZA

⁸ Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

Kɔlɔ 2:8 ပူးပေါင်းရင်းမြစ်များ

Sɔlɔmɔn Edwɛne 2:15

Bɛhye ɛzonlɛ ne mɔ bɛmaa yɛ, ɛzonlɛ ngyikyi ne mɔ, mɔɔ sɛkye vanye egyinli ne mɔ la, ɔluakɛ yɛ vanye egyinli ne mɔ ɛbɔ ndotolo.”

Gyɛlɛmaya Buluku ne 29:8

Tumivolɛ Ɛdɛnkɛma, Yizilayɛ Nyamenle ne se: Bɛmmamaa bɛ Nyamenle kpɔmanvolɛma nee bɛ menli mɔɔ tendɛ nwomenle nloa azo mɔɔ wɔ bɛ avinli la bɛlɛbɛla bɛ, yɛɛ bɛmmatie bɛ ɛlalɛ mɔɔ bɛka la;

Edwɛkpa ne kɛmɔ Mateyu hɛlɛle la 10:17

Bɛnlea bɛ nwo boɛ wɔ menli sa nu, ɔluakɛ bɛbahye bɛ bɛ nee bɛ ahɔ kɔɔto; bɛbabila bɛ empele wɔ bɛ nyianu azua ne mɔ anu,

Edwɛkpa ne kɛmɔ Mateyu hɛlɛle la 16:6

Gyisɛse zele bɛ kɛ, “Bɛnlea bɛ nwo boɛ wɔ Falasiima nee Sadusiima mgbɔvonle ne anwo.”

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 17:32

Mɔɔ bɛdele kɛ Pɔɔlo ɛlɛka ewudwazo nwo edwɛkɛ la, bie mɔ golole ɔ nwo, yɛɛ bie mɔ noko zele kɛ, “Yɛkulo kɛ ɛsi edwɛkɛ ɛhye azo na ɛka ye bieko ɛkile yɛ wɔ kenle fofolɛ.”

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

1 Kɔl 10:12

Zɔhane ati bɛmaa mɔɔ dwenle kɛ ɔgyi boɛ la ɛnlea boɛ na yeandɔ aze.

1 Kɔl 8:9

Noko bɛnlea boɛ na bɛ fanwodi nyɛleɛ ɛhye ammaa bɛdabɛ mɔɔ bɛ diedi ɛtɛtinle la andu koti.

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:14

Wɔ me tipɛne ne mɔ anu, biala ɛnle ɛkɛ mɔɔ nee me sɛ wɔ Dwuuma maamɛla ne azo ɛlilɛ nu a, yɛɛ eza me nye bolo yɛ nlenya mɔ ngilehilelɛ ne mɔɔ bɛgyakyile yɛ la anwo ɛsesebɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:15

Na saa bɛyɛ bɛ nwo kɛ ɛbɔ nu nane, bɛkeka bɛ nwo, na bɛyɛ bɛ nwo anwula a, ɛnee noko bɛnlea boɛ na bɛanguhu bɛ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:20

Na bɛmɛ, tɛ mɔɔ bɛzukoale ye wɔ Kelaese ɛkɛ ne la ɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Mɛla 6:12

anrɛɛ bɛnlea boɛ na bɛ rɛle anvi Ɛdɛnkɛma mɔɔ yele bɛ vile Yigyibiti akɛlɛzonlenlɛ nu rale la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:2

Bɛnlea boɛ wɔ nindavoma anwo; menli ɛhye mɔ ɛhakyi ahwea mɔɔ nganlɛ ala a bɛkulo kɛ bɛbɔ bɛ nwo a.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɔlɔ 2:22

Ngyehyɛlɛ ɛhye mɔ kɔsɔɔti fane ninyɛne mɔɔ saa ɛnyia bɛfa bɛyɛ debie ko a, bɛfa bɛyɛ debie bieko a ɔnyɛ boɛ la anwo. Bɛle menli ngilehilelɛ nee ngyehyɛlɛ.

Kɔlɔ 2:23

Ngyehyɛlɛ zɛhae mɔ ɔyɛ a zɔho kɛ gyi nrɛlɛbɛ zo wɔ bɛ anwuma soanvolɛma ɛzonlenlɛ nu, bɛ adalɛ anyelielɛ ne mɔɔ bɛnyia ye wɔ bɛ ngome bɛ nwo, nee nwonane ne nyanehilelɛ nwo la anu; na ɔmboa sonla ɔmmaa ɔngomo ɔ nwo zo. Bɛ nwonane nu atiakunluwɔzo ne bɔbɔ akee yɛ kpole.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Kɛlata mɔɔ bɛhɛlɛle bɛhɔmanle Hibuluma la 3:12

Me mediema diedima, bɛnlea boɛ na bɛ bie mɔ ansolo, na bɛande bɛ nwo bɛanvi tease Nyamenle ne anwo.

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

2 Dw 1:8

Bɛnlea bɛ nwo boɛ na bɛamminli mɔɔ bɛvɛ nwolɛ bɛnyia ye la, amaa bɛanyia bɛ ahatualɛ ne amuala.