Kɔlɔ 2:7 - BAEBOLO ANZƐƐ BULUKU NWUANZANWUANZA

⁷ Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

Kɔlɔ 2:7 ပူးပေါင်းရင်းမြစ်များ

Edwɛndolɛ Buluku ne 1:3

Ɔle kɛ azule nloa baka, mɔɔ so ma wɔ ye ɛlobɔ nloa, ye nya ɛmkpolo ɛlɛ, yɛɛ ɔkpazi debie biala anu.

Edwɛndolɛ Buluku ne 92:13

Bɛlua bɛ wɔ Ɛdɛnkɛma awuke nu, bɛnyi buzubuzu wɔ Nyamenle alienwo ɛkɛ.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Gyɛlɛmaya Buluku ne 17:8

Ɔle kɛ baka mɔɔ gyi azule nloa, ye ndinli dwu azule ne anu, ɔnzulo wawaa mekɛ, dahuu ye nya le duhuduhu, ezule ɛndɔ na azɛlɛ nwo we a ɔndwenle nwo, ɔluakɛ ɔso mekɛ biala.

Edwɛkpa ne kɛmɔ Luku hɛlɛle la 6:48

Ɔle kɛ nrenya bie mɔɔ ɛnee ɛlɛsi ye sua la, ɔpɛle kuma ne ɔmanle ɔhɔle kolaa na yeawula sua ne aze wɔ bolɛ zo. Ezule ne bule aze na ɔravale sua ne, na yeangola ye bu, ɔluakɛ bɛzile ye boɛ.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 1:21

Nyamenle ɔdaye a ɔsi yɛ nee bɛdabɛ pi wɔ Kelaese ati a; Nyamenle ɔdaye mumua ne a yeye yɛ yezie ɛkɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:21

Nɔhalɛ, bɛde ɔ nwo edwɛkɛ yɛɛ bɛhilehile bɛ nɔhalɛ ne, kɛmɔ ɔwɔ Gyisɛse anu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

1 Tɛs 5:18

na bɛyɛ Nyamenle mo wɔ gyinlabelɛ biala anu. Mɔɔ Nyamenle kpondɛ kɛ bɛdabɛ mɔɔ bɛ nee Kelaese Gyisɛse lua la yɛ la ɛne.

2 Tɛs 2:17

ɛmaa bɛ akɛnrasesebɛ na ɔmaa bɛyɛ se, bɛyɛ nla, bɛha na bɛyɛ mɔɔ le kpalɛ la amuala. la amuala.

Kɛlata mɔɔ bɛhɛlɛle bɛhɔmanle Hibuluma la 13:15

Yemɔti, bɛmaa yɛva ayɛlɛyelɛ yɛlua Gyisɛse anwo zo yɛmaa Nyamenle. Ɛhye a le azubɔlɛ kpalɛ mɔɔ ɛnloanlɛ mɔɔ bɔ ye duma kɛ ɔle Awulae la kola bɔ a.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.

Dwuudu Kɛlata ne 1:20

Ayi mɔ, bɛhɔ zolɛ bɛnyi na bɛgyinla kpundii wɔ bɛ diedi nwuanzanwuanza ne anu. Bɛzɛlɛ wɔ Sunsum Nwuanzanwuanza ne tumi ne anu,

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,