Kɔlɔ 2:3 - BAEBOLO ANZƐƐ BULUKU NWUANZANWUANZA

³ Kelaese anu a Nyamenle nrɛlɛbɛ ne mɔɔ anwonyia ɛyi ye tɛkɛɛ nee adwenlenubukelɛ vea a.

Kɔlɔ 2:3 ပူးပေါင်းရင်းမြစ်များ

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

Dwobu Buluku ne 28:21

Bɛva bɛvea anyewɔzoamra kɔsɔɔti, anwomanyunlu nloma bɔbɔ ɛnze.

Mrɛlɛbulɛ Buluku ne 2:4

saa ɛkpondɛ ye kɛ ɛkpondɛ ezukoa fufule, na ɛkpondɛ ye kpalɛ kɛ anwoneɛ mɔɔ vea la a,

Ayezaya Buluku ne 11:2

Ɛdɛnkɛma Sunsum ne bara ɔ nwo zo, ɔbanwu nrɛlɛbɛ, yeanyia ndelebɛbo, ɔbanyia anwosesebɛ, yeayɛ folɛtuvolɛ, ɔbanyia adwenle na yeazulo Ɛdɛnkɛma.

Ayezaya Buluku ne 40:14

Nwane a Ɛdɛnkɛma bizale ye adwenle a, yɛɛ nwane a hilehilele ye pɛlepɛlelilɛ adenle a? Nwane a bukele Ɛdɛnkɛma adwenle nu manle ɔnyianle ndelebɛbo a?

Edwɛkpa ne kɛmɔ Mateyu hɛlɛle la 10:26

“Yemɔti bɛmmasulo awie biala, ɔluakɛ debie biala ɛnle ɛkɛ mɔɔ bɛheda zolɛ mɔɔ bɛnrɛdukue zolɛ a, yɛɛ debie biala ɛnle fealera nu mɔɔ ɛnrɛla ali a.

Edwɛkpa ne kɛmɔ Luku hɛlɛle la 11:49

Ɛhye ati a Nyamenle Nrɛlɛbɛ ne hanle la, ɔse: ‘Bɛbayɛ Nyamenle kpɔmanvolɛma nee bɛdabɛ mɔɔ mebazoa bɛ wɔ bɛ nwo la kpɔdekpɔde na bɛahu bie mɔ.’

Wulo 11:33

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

1 Kɔl 1:24

na bɛdabɛ mɔɔ Nyamenle ɛvɛlɛ bɛ la, Dwuuma o, bɛdabɛ mɔɔ bɛnle Dwuuma la o, Kelaese a le Nyamenle tumi ne yɛɛ ɔdaye ko ne ala a ɔle Nyamenle nrɛlɛbɛ ne a.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:8

mɔɔ ɔvale ɔmanle yɛ la le kpole mɔɔ bɛngola bɛnzuzu a! Ɔlua nrɛlɛbɛ nee adwenlenunwunlɛ zo

Kɔlɔ 1:19

Ɔluakɛ Nyamenle ɔdaye ɔhulole yɛɛ ɔvale ye su ne amuala ɔwulale Ralɛ ne nu a.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

2 Pit 1:5

Ɔlua ɛhye ala ati ɔwɔ kɛ bɛbɔ mɔdenle bɛfa kpalɛyɛlɛ bɛboka bɛ diedi nwo na bɛfa deɛnwunlɛ bɛboka bɛ kpalɛyɛlɛ nwo.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.