Kɔlɔ 2:23 - BAEBOLO ANZƐƐ BULUKU NWUANZANWUANZA

²³ Ngyehyɛlɛ zɛhae mɔ ɔyɛ a zɔho kɛ gyi nrɛlɛbɛ zo wɔ bɛ anwuma soanvolɛma ɛzonlenlɛ nu, bɛ adalɛ anyelielɛ ne mɔɔ bɛnyia ye wɔ bɛ ngome bɛ nwo, nee nwonane ne nyanehilelɛ nwo la anu; na ɔmboa sonla ɔmmaa ɔngomo ɔ nwo zo. Bɛ nwonane nu atiakunluwɔzo ne bɔbɔ akee yɛ kpole.

Kɔlɔ 2:23 ပူးပေါင်းရင်းမြစ်များ

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:29

Awie ɛnrɛkpɔ ɔdaye ɔ nwo ɛlɛ; mɔɔ ɔyɛ la a le kɛ ɔdi ɔ nwo adane na ɔnea ye sonlabaka ne boɛ, kɛmɔ Kelaese noko yɛ Asɔne ne la,

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:22

Ngyehyɛlɛ ɛhye mɔ kɔsɔɔti fane ninyɛne mɔɔ saa ɛnyia bɛfa bɛyɛ debie ko a, bɛfa bɛyɛ debie bieko a ɔnyɛ boɛ la anwo. Bɛle menli ngilehilelɛ nee ngyehyɛlɛ.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.