Kɔlɔ 2:2 - BAEBOLO ANZƐƐ BULUKU NWUANZANWUANZA

² Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

Kɔlɔ 2:2 ပူးပေါင်းရင်းမြစ်များ

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

Edwɛndolɛ Buluku ne 133:1

Bɛnlea kɛ ɔsi ɔle kɛnlɛma nee kpalɛ, kɛ mediema kɛbɔ nu kɛdɛnla koyɛlɛ nu!

Ayezaya Buluku ne 32:17

Ɔlua tenleneyɛlɛ ne azo, anzonudwolɛ bara; tenleneyɛlɛ ne bava anzonudwolɛ nee anwondɔlɛ ara dahuu.

Ayezaya Buluku ne 40:1

Yɛ Nyamenle ne se, “Bɛkyekye me menli ne arɛle, bɛkyekye bɛ rɛle.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Gyɛlɛmaya Buluku ne 9:24

Saa awie ɛlɛtu ɔ nwo a, ɔdu ɔ nwo kɛ ɔze me na ɔte me edwɛkɛ bo, kɛ mame a mele Ɛdɛnkɛma a. Me ɛhulolɛ ne gyi kpundii, yɛɛ meyɛ mɔɔ le pɛpɛ nee fɔɔnwo. Ɛhye mɔ a sɔ me nye a. Medame Ɛdɛnkɛma a mese a.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Luku hɛlɛle la 1:1

Nana Tiyɔfelɛse. Menli dɔɔnwo ɛbɔ mɔdenle ɛhɛlɛ ninyɛne mɔɔ ɛsisi yɛ nwo ɛke la anwo bie.

Dw 10:30

Selɛ ne nee medame yɛle ko.”

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 16:15

Mɔɔ Egya lɛ bɛ la amuala le me ɛdeɛ; ɛhye ati yɛɛ meha kɛ Sunsum ne baha mɔɔ menwɔva menwɔmaa ye la ahile bɛ a.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 5:17

Gyisɛse buale bɛ kɛ, “Egya yɛ gyima kenle biala, yemɔti ɔwɔ kɛ medame noko meyɛ gyima.”

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 6:69

Kɛkala yɛlie yɛli, na yɛze kɛ wɔmɔ a ɛle Nwuanzanwuanza Ko ne mɔɔ vi Nyamenle ɛkɛ ɛra a.”

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

1 Kɔl 14:31

Ɔluakɛ bɛ muala bɛlɛ adenle bɛtendɛ bɛbɔ Nyamenle edwɛkɛ ne nolo ngoko ngoko, amaa bɛ muala bɛazukoa na bɛ nwo ayɛ se.

1 Kɔl 2:12

Tɛ ewiade ɛhye anu sunsum a yɛnyia ye a. Sunsum ne mɔɔ vi Nyamenle ɛkɛ ne la a yɛnyia ye a, amaa yɛanwu ninyɛne mɔɔ Nyamenle ɛva ɛlo yɛ la amuala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:3

Nyamenle yele ye ngyehyɛlɛ ne mɔɔ vea la hilele me. (Mehɛlɛ ɛhye anwo edwɛkɛ sikalɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:22

Yemɔti yɛɛ melɛsoa ye bɛ nwo lɔ a, amaa bɛanwu kɛ yɛ muala yɛ nwo si de la na eza yeamaa bɛ anwosesebɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:1

Bɛdie Kelaese bɛdi la ati bɛ nwo yɛ se. Ye ɛhulolɛ ne kyekye bɛ rɛle. Sunsum ne maa bɛdi ahua, ɔmaa bɛyɛ atiakunlukɛnlɛma bɛmaa bɛ nwo ngoko ngoko, na bɛse bɛ nwo anwunvɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Kɔlɔ 1:26

Ɔle fealera nu debie mɔɔ Nyamenle vale veale aleɛabo amra ɛvolɛ dɔɔnwo mɔɔ ɛraze ɛhɔ la, na kɛkala yeye yehile ye menli ne a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

Kɔlɔ 3:14

Na bɛva ɛhulolɛ bɛboka ɛhye mɔ anwo, na yemɔ yɛɛ kɛmaa bɛkɛli munli a.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

Kɔlɔ 4:8

Ɛhye ati a melɛsoa ye wɔ bɛ nwo lɔ a, amaa yeaha kɛ yɛ agbɔkɛ nu si de la yeahile bɛ na bɛ nye alie.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 6:11

Yɛ kunlu a anrɛɛ bɛ nuhua ko biala bagyinla kpundii ahɔ awieleɛ, amaa mɔɔ bɛ nye la zolɛ la bɛ sa aha ye.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

1 Dw 3:19

Ɛhye a kɛmaa yɛkɛnwu kɛ yɛlɛ nɔhalɛ ne wɔ yɛ nu, na yɛkɛzi pi wɔ Nyamenle anyunlu

1 Dw 5:7

Alasevolɛ nsa a wɔ ɛkɛ a: