Kɔlɔ 2:15 - BAEBOLO ANZƐƐ BULUKU NWUANZANWUANZA

¹⁵ Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

Kɔlɔ 2:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Edwɛkpa ne kɛmɔ Mateyu hɛlɛle la 12:29

“Awie biala ɛnrɛhola ɛnrɛwolo sonla mɔɔ anwo yɛ se la sua nu ɛnrɛva ye ninyɛne mɔɔ ɔlɛ la, kyesɛ ɔdumua ɔkyekye ye na yeahola yeawua ye.

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

Edwɛkpa ne kɛmɔ Luku hɛlɛle la 11:22

Na saa awie mɔɔ anwo yɛ se tɛla ye la ba na ɔ nee ye bɛko na ɔfo ɔ nwo zo a, ɔsesa ye konle ninyɛne ne mɔɔ le ye nzuzuguazo la ɔkɔ na ɔ nee ye ɛlɔnema bɛkyɛ ninyɛne ne mɔɔ ɔwuale la.

Dw 16:11

yɛɛ bɛvo wɔ Nyamenle ndɛnebualɛ ne anwo, ɔboalekɛ mɔɔ sie ɛtane ewiade ɛhye la bɛbua ye ndɛne dɛbadɛba.

Dw 19:30

Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.

1 Kɔl 15:24

Akee awieleɛ mekɛ ne bara na Kelaese bali mgbolema, tumivolɛma nee arelemgbunli kɔsɔɔti anwo zo konim, na yeava Belemgbunlililɛ ne yeawula Nyamenle Selɛ ne asa anu.

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:8

Nyamenle Edwɛkɛ ne se, “Mekɛ mɔɔ ɔvole ɔhɔle anwuma la, ɔhyele menli dɔɔnwo nuokɛ ɔ nee bɛ hɔle; na ɔvale ahyɛlɛdeɛ ɔmanle aleɛabo amra.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Kɔlɔ 1:16

Ɔ nwo zo a Nyamenle luale bɔle ninyɛne kɔsɔɔti a: mɔɔ wɔ anwuma o nee mɔɔ wɔ aze o, mɔɔ bɛnwu bɛ nee mɔɔ bɛnnwu bɛ la amuala, ewiade ye anu tumima nee arelemgbunli nee bɛdabɛ mɔɔ bɛsie ɛnɛ mekɛ ye anu awozinli ewiade ye nee sunsum nu ɛlɔnema; Nyamenle luale Kelaese anwo zo a bɔle ninyɛne kɔsɔɔti a, yɛɛ Kelaese ati a ɔbɔle bɛ a.

Kɔlɔ 2:10

na kɛmɔ yemɔ a ɔbo sunsum nu arelemgbunli nee tumivolɛma anwo zo la, bɛ nee ye ɛyɛ ko na bɛli munli.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.