Kɔlɔ 2:14 - BAEBOLO ANZƐƐ BULUKU NWUANZANWUANZA

¹⁴ Ɔpɛle yɛ ɛtane nwo kakɛ biala mɔɔ maa mɛla ne kyekye yɛ la anu, ɔyele ye ɛkɛ ne na ɔvale ɔbɔle meanubaka ne azo.

Kɔlɔ 2:14 ပူးပေါင်းရင်းမြစ်များ

Nihɛmaya Buluku ne 4:5

Mmafea bɛ ɛtane ne mɔ azo, yɛɛ mmafa bɛ ɛtane ne mɔ ɛkyɛ bɛ, ɔluakɛ bɛfutu wɔ ahonle wɔ banelielɛma ye anyunlu.”

Ɛseta Buluku ne 3:12

Wɔ siane ne mɔɔ lumua la anu, ye kenle bulu nee nsa ne azo, Heeman manle bɛyiale belemgbunli ne kɛlɛhɛlɛvolɛma ne mɔ na ɔmanle bɛhɛlɛle mɛla mɔɔ yeli la anwo ngɛlata kɛ bɛva bɛhɔmaa mgbanyima mɔɔ le kɛ safohyenlema, amɛnladoma, yɛɛ arane mbɔlɔba mgbanyima ne mɔ amuala. Maanle ko biala anu amra kɛlata ɛdeɛ ne bɛhɛlɛle ye wɔ bɛdabɛ bɛ aneɛ nee bɛ ɛhɛlɛndenle nu. Bɛhɛlɛle ngɛlata ne mɔ wɔ Belemgbunli Zɛzɛse duma nu.

Ɛseta Buluku ne 8:8

Na ɛdawɔ noko ɛze kɛ kɛlata mɔɔ bɛkɛva belemgbunli ne duma bɛkɛhɛlɛ na bɛkɛva ye kpɔdelera ne bɛkɛzi zolɛ la, bɛndwe bɛnzia, yɛɛ bɛmpɛ nuhua. Zɔhane ati bɛdabɛ bɛva belemgbunli ne duma bɛhɛlɛ mɔɔ bɛdabɛ bɛnea a bɛkulo kɛ Dwuuma yɛ la, bɛva belemgbunli ne kpɔdelera ne bɛzi zolɛ na bɛva bɛhɔmaa bɛ.”

Edwɛndolɛ Buluku ne 51:1

O Nyamenle, nwu me anwunvɔne, kɛmɔ wɔ ɛhulolɛ kpundii ne de la; wɔ anwunvɔnezelɛ kpole ne ati, nunu me mɛladonlɛ ne mɔ.

Edwɛndolɛ Buluku ne 51:9

Ye ɛ nye fi me ɛtane ne mɔ anwo, na nunu me amumuyɛ ne mɔ amuala.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Ayezaya Buluku ne 57:14

Na bɛbaha kɛ, “Bɛha bɛ nwo, bɛha bɛ nwo, bɛziezie adenle ne, bɛye debie biala mɔɔ tua adenle la bɛvi me menli ne adenle nu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:23

“Akee sɛlɛvolɛ ne ɛhɛlɛ amonle ne debie zo na ɔwowo ɔgua kanrɛlɛ ne mɔɔ nzule ɛnwonle ne wɔ nu la anu.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

2 Tɛs 2:7

Kɛkala, menli somaa ɛlɛyɛ ninyɛndane atia mɔɔ Nyamenle ɛhyehyɛ la, noko mɔɔ bazi la ɛnrɛzi kɔkpula mekɛ mɔɔ bɛkɛye ahenle ne mɔɔ si ye aze la ɛkɛ ne la,

Kɛlata mɔɔ bɛhɛlɛle bɛhɔmanle Hibuluma la 7:18

Ɛhye kile kɛ ɛnee bɛzie ngyehyɛlɛ dɛba ne ahane, ɔboalekɛ ɔnli munli yɛɛ nvasoɛ biala ɛnle zolɛ.

Kɛlata mɔɔ bɛhɛlɛle bɛhɔmanle Hibuluma la 8:13

Saa Nyamenle ɛlɛka ngyekyeleɛ fofolɛ nwo edwɛkɛ a, ɛnee ɔkile kɛ yemaa alumua ngyekyeleɛ ne ɛyɛ mgbane. Debie biala mɔɔ kɛkpa nwolɛ la ɛngyɛ biala na yeaminli.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.