Kɔlɔ 2:13 - BAEBOLO ANZƐƐ BULUKU NWUANZANWUANZA

¹³ Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Kɔlɔ 2:13 ပူးပေါင်းရင်းမြစ်များ

Edwɛndolɛ Buluku ne 119:50

Ɛhye le me arɛlekyekyelɛ wɔ me amaneɛnwunlɛ nu, ɔluakɛ wɔ ɛwɔkɛ ne maa me ngoane.

Edwɛndolɛ Buluku ne 32:1

Nyilalɛ ɛha sonla ne mɔɔ bɛva ye mɛladonlɛ bɛhyɛ ye, na bɛva ye ɛtane bɛhyɛ ye la.

Edwɛndolɛ Buluku ne 71:20

Ɛdawɔ mɔɔ wɔmaa menwu amaneɛ mgbole ɛhye mɔ la, ɛbakpogya me zo bieko wɔavi ɛbɛla kuma nu, saa mewɔ azɛlɛ kuma bo bɔbɔ a, ɛbaye me wɔavinde bieko.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 31:34

Bɛ nuhua biala ɛnrɛhilehile ɔ gɔnwo anzɛɛ ɛnrɛze adiema kɛ, ‘Maa mengile wɔ Nyamenle,’ ɔluakɛ bɛ kɔsɔɔti, kpanyinli o, kakula o, bɛbanwu me. Mebava bɛ ɛtane meahyɛ bɛ, yɛɛ menrɛhakye bɛ ɛtane ne mɔ mɔɔ bɛyɛ la bieko. Medame Ɛdɛnkɛma a mese a.”

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 9:60

Gyisɛse buale ye kɛ, “Gyakyi menli mɔɔ ɛnde Nyamenle Edwɛkɛ ne abo la ati, bɛle kɛ avunli la maa bɛzie bɛ avunli. Wɔmɔ kɔ na kɔbɔ Nyamenle Belemgbunlililɛ ne nolo.”

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Wulo 4:17

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

1 Kɔl 15:36

Kɔnwɔne! Ɛdua ma na ɔtɛkpɔlɔle a ɔnfifi.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:1

Dɛba ne, bɛ mɛladonlɛ nee bɛ ɛtane ne mɔ manle bɛwule sunsum nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:11

Bɛmɛ mɔɔ bɛnle Dwuuma la, bɛhakye kɛ dɛba ne ɛnee Dwuuma fɛlɛ bɛ kɛ bɛle menli mɔɔ ɛnze Nyamenle a. Ɔluakɛ Dwuuma yɛ bɛ mrenyanu nzonlɛ na bɛmɛ mɔɔ bɛnle Dwuuma la bɛnyɛ bɛ mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

1 Tem 5:6

Na kunlanvolɛ mɔɔ ɛlɛdi ɔ ti la, kanzɛ ɔde ngoane nu bɔbɔ a yewu dɛbadɛba.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

Kɛlata mɔɔ bɛhɛlɛle bɛhɔmanle Hibuluma la 6:1

Zɔhane ati, bɛmaa yɛhɔ zolɛ yɛzukoa yɛyɛ mgbanyinli na yɛgyakyi Kelaese ɛdoavolɛ nwo ɛzukoalɛdeɛ ne mɔ mɔɔ lumua la. Tɛ bɔ zo mɔɔ eza yɛbɔ ɔ bo yɛazukoa kɛ ɔwɔ kɛ yɛfi ninyɛndane nwo na yɛdie Nyamenle yɛdi ɔ, anzɛɛ ngilehilelɛ mɔɔ fane ɛzɔnenlɛ ngakyile nwo,

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Gyemise Kɛlata ne 2:17

Zɔhane ati diedi mɔɔ gyimayɛlɛ ɛmboka nwo la le wulera.

Gyemise Kɛlata ne 2:20

Kɔnwɔne! Ɛkulo kɛ bɛkile wɔ kɛ diedi mɔɔ gyimayɛlɛ ɛmboka nwo la ɛnzo ma ɔ?

Gyemise Kɛlata ne 2:26

Yemɔti, kɛmɔ nwonane mɔɔ sunsum ɛnle nu la le funli la, zɔhane ala yɛɛ diedi mɔɔ gyimayɛlɛ ɛmboka nwolɛ la le wulera a.

1 Dw 2:12

Me mra ngakula, melɛkɛlɛ bɛ, ɔboalekɛ ɔlua Kelaese ati, Nyamenle ɛva bɛ ɛtane ne mɔ ɛhyɛ bɛ.