Kɔlɔ 2:10 - BAEBOLO ANZƐƐ BULUKU NWUANZANWUANZA

¹⁰ na kɛmɔ yemɔ a ɔbo sunsum nu arelemgbunli nee tumivolɛma anwo zo la, bɛ nee ye ɛyɛ ko na bɛli munli.

Kɔlɔ 2:10 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Dw 1:16

Ye ɛlolɛ bebelebe ne ati, yeyila yɛ muala kɔsɔɔti, na ɔyila yɛ dahuu.

1 Kɔl 15:24

Akee awieleɛ mekɛ ne bara na Kelaese bali mgbolema, tumivolɛma nee arelemgbunli kɔsɔɔti anwo zo konim, na yeava Belemgbunlililɛ ne yeawula Nyamenle Selɛ ne asa anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:19

Mesɛlɛ kɛ anrɛɛ bɛanwu ye ɛhulolɛ ne mɔɔ bo sonla adwenle zo la, na Nyamenle su ne mɔɔ maa sonla sɔ Nyamenle anye la ayi bɛ tɛkɛɛ.

Kɔlɔ 2:15

Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.