Kɔlɔ 1:8 - BAEBOLO ANZƐƐ BULUKU NWUANZANWUANZA

⁸ Ɔdaye yɛɛ eza yeha ɛhulolɛ ne mɔɔ Sunsum ne ɛva ɛmaa bɛ la anwo edwɛkɛ yehile yɛ a.

Kɔlɔ 1:8 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 4:22

Debie biala mɔɔ vea la bala ali wienyi, yɛɛ mɔɔ bɛheda zolɛ la anwo bala zo.

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.