Kɔlɔ 1:5 - BAEBOLO ANZƐƐ BULUKU NWUANZANWUANZA

⁵ ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

Kɔlɔ 1:5 ပူးပေါင်းရင်းမြစ်များ

Edwɛndolɛ Buluku ne 31:19

O, wɔ kpalɛyɛlɛ ne zonle, wɔva wɔzie wɔmaa bɛdabɛ mɔɔ bɛsonle wɔ la. Ɛkile ye wɔ bɛdabɛ mɔɔ bɛbafea wɔ nu la anwo zo, wɔ menli kɔsɔɔti anye zo.

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Wulo 10:8

Mɔɔ ɔka la a le ɛhye, “Nyamenle edwɛkɛ ne ɛbikye bɛ, ɔla bɛ nloa na ɔwɔ bɛ ahonle nu,” na yemɔ a le diedi nwo edwɛkɛ ne mɔɔ yɛbɔ ye nolo yɛkile bɛ la.

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

1 Kɔl 15:19

Saa ngoane ɛhye anu ala yɛɛ yɛlɛ anyelazo wɔ Kelaese anu a, ɛnee noko yɛyɛ anwunvɔne kpole kpalɛ yɛtɛla menli kɔsɔɔti.

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

2 Kɔl 6:7

yɛ nɔhalɛ nrɛlaleɛ ne, nee Nyamenle tumi ne azo yɛla yɛ nwo ali yɛhile kɛ yɛle Nyamenle sonvolɛma. Pɛlepɛlelilɛ a le yɛ konle dadeɛ mɔɔ yɛfa yɛko na yɛfa yɛpepɛ yɛdie yɛ nwo a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:14

Na menwunle kɛ bɛnlua nɔhalɛ adenle ne azo, kɛmɔ Edwɛkpa ne kile la, menzele Pita wɔ bɛ kɔsɔɔti bɛ nyunlu ɛkɛ ne kɛ, “Ɛle Dwuunli, noko wɔ ɛbɛla ne ɛngile kɛ ɛle Dwuunli. Na duzu ati a akee ɛkpondɛ kɛ bɛmɛ mɔɔ bɛnle Dwuuma la bɛkakyi bɛyɛ Dwuuma mgbemgbene nu ɛ?”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:5

na yɛammaa bɛ adenle fee, amaa yɛazie nɔhalɛ ne mɔɔ fane Edwɛkpa ne anwo, kɛmɔ kɛkala ɔde la gyɛlɛɛnye yɛamaa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:21

Nɔhalɛ, bɛde ɔ nwo edwɛkɛ yɛɛ bɛhilehile bɛ nɔhalɛ ne, kɛmɔ ɔwɔ Gyisɛse anu la.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,

2 Pit 1:12

Zɔhane ati meyɛ me adwenle kɛ dahuu mebahakyehakye bɛ wɔ ninyɛne ɛhye mɔ anwo, noko meze kɛ bɛze bɛ dɛba na bɛ ti ɛmi nɔhalɛ ne mɔɔ bɛnyia ye la anu kpalɛ.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.