Kɔlɔ 1:29 - BAEBOLO ANZƐƐ BULUKU NWUANZANWUANZA

²⁹ Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

Kɔlɔ 1:29 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 13:24

“Bɛbɔ mɔdenle bɛva anlenkɛ ekyi ne anu, ɔboalekɛ menli dɔɔnwo babɔ mɔdenle kɛ bɛfa nu, noko bɛnrɛhola.

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

1 Kɔl 12:11

Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Kɔl 12:6

Anwosesebɛ mɔɔ bɛfa bɛyɛ gyima ngakyile dɔɔnwo la wɔ ɛkɛ, noko Nyamenle ko ne ala a maa awie biala anwosesebɛ maa ɔfa ɔsonle a.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 13:3

Bɛkɛnwu kɛ amgba Kelaese dua me nwo zo tendɛ. Ɔ nee bɛ bali ye ɛsesebɛ na bɛanwu kɛ ɔnle bɛtɛɛ na ɔlɛ tumi.

2 Kɔl 5:9

Debie mɔɔ hyia kpalɛ la a le kɛ, saa yɛwɔ yɛ sua nu ɛke o, anzɛɛ nehane o, yɛkɛzɔ ɔ nye.

2 Kɔl 6:5

Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:19

nee kɛ ye tumi ne kpole si de la. Tumi ɛhye mɔɔ ɛlɛdi gyima wɔ yɛmɛ mɔɔ yɛdie ye yɛdi la anu la, yemɔ ala a le anwosesebɛ bedevinli ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20

Anyunlunyia ɛlua asɔne ne nee Kelaese Gyisɛse anwo zo ɛha Nyamenle mɔɔ dua tumi ne mɔɔ yɛ gyima yɛ nu la azo maa ɔbo mɔɔ yɛbiza nee mɔɔ yɛdwenle nwo la azo la, wɔ ɛnɛ nee mekɛ mɔɔ ɛnlɛ awieleɛ! Amen.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:7

Nyamenle ɛlua ye tumi ne gyimalilɛ zo ɛmaa me ahyɛlɛdeɛ mɔɔ sonle bolɛ, kɛ menyɛ Edwɛkpa ne anwo sonvolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:30

Kɛmɔ mekɛ bie bɛnwunle kɛ ɛnee melɛko wɔ diedi nu la, zɔhane ala yɛɛ kɛkala noko bɛte kɛ megua zolɛ a. Bɛhakye kɛ bɛdabɛ bɛrazɔ konle ko ne ala anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Kɔlɔ 2:1

Bɛmaa menga gyima ɛsesebɛ mɔɔ meyɛ memaa bɛ nee menli mɔɔ wɔ Lawɔdesia, nee bɛdabɛ mɔɔ bɛtɛnwunle me nyunlu ɛlɛ la mengile bɛ.

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

2 Tɛs 3:8

Yɛanli awie biala debie mɔɔ yɛandua a. Yɛyɛle gyima, yɛhwinle yɛ ti anwo alehyenlɛ nee aledwolɛ, amaa yɛanyɛ kpomgbolo yɛamkpolo awie biala akɔme.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Kɛlata mɔɔ bɛhɛlɛle bɛhɔmanle Hibuluma la 12:4

Bɛ nee ɛtane bɛ konle ye anu, bɛtɛdwule ye kpɔmgbɔse ne mɔɔ ɛhunlɛ bɔbɔ finde nu a.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

Yekile 2:3

Meze kɛ ɛlɛ abotane ɛlɛkomo ɛ nwo zo, ɛlɛsɔ amaneɛ sa wɔ me duma ne ati, yɛɛ ɔtɛyɛle wɔ ɛvɛlɛ.