Kɔlɔ 1:26 - BAEBOLO ANZƐƐ BULUKU NWUANZANWUANZA

²⁶ Ɔle fealera nu debie mɔɔ Nyamenle vale veale aleɛabo amra ɛvolɛ dɔɔnwo mɔɔ ɛraze ɛhɔ la, na kɛkala yeye yehile ye menli ne a.

Kɔlɔ 1:26 ပူးပေါင်းရင်းမြစ်များ

Edwɛndolɛ Buluku ne 25:14

Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 20:7

Bɛbuale ye kɛ, ‘Ɔboalekɛ awie biala ɛtɛbɔle yɛ ɛkpa.’ Na ɔzele bɛ kɛ, ‘Ɛnee bɛdabɛ noko bɛhɔyɛ gyima wɔ me vanye egyinli ne anu.’

Edwɛkpa ne kɛmɔ Maake hɛlɛle la 4:11

Ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ ne mɔɔ vea la ali wienyi ɛhile bɛ, na bɛdabɛ mɔɔ bɛmbikye me la, bɛte ye wɔ mrɛlɛ nu,

Edwɛkpa ne kɛmɔ Luku hɛlɛle la 8:10

na ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ mɔɔ vea la ali wienyi ɛhile bɛ, na menli mɔɔ ɛha la bɛte ye wɔ mrɛlɛ nu, amaa bɛnea a bɛannwu ye, yɛɛ bɛtie a bɛande ɔ bo.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

2 Tem 1:10

yɛɛ ɛnɛ bɛlua yɛ ngoanedievolɛ Kelaese Gyisɛse ɛralɛ ne ati bɛla ye ali a. Ɔpɛle ewule tumi ne anu na ɔluale Edwɛkpa ne azo ɔlale ngoane mɔɔ ɛnlɛ awieleɛ la ali ɔhilele yɛ.