Kɔlɔ 1:25 - BAEBOLO ANZƐƐ BULUKU NWUANZANWUANZA

²⁵ Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

Kɔlɔ 1:25 ပူးပေါင်းရင်းမြစ်များ

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 9:17

Saa melɛ medame me ɛhulolɛ yɛɛ melɛyɛ gyima ne a, anrɛɛ me nye bala ahatualɛ zo, na meyɛ ye kɛ ɔle ɛzonle ɔla me nwo zo, ɔboalekɛ Nyamenle a ɛva ɛwula me sa nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:2

Medie medi kɛ bɛde kɛ Nyamenle ɛlolɛ zo ala yɛɛ yeva gyima ɛhye yemaa me kɛ menyɛ a, wɔ bɛ kpalɛ ti.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:7

Nyamenle ɛlua ye tumi ne gyimalilɛ zo ɛmaa me ahyɛlɛdeɛ mɔɔ sonle bolɛ, kɛ menyɛ Edwɛkpa ne anwo sonvolɛ.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.