Kɔlɔ 1:23 - BAEBOLO ANZƐƐ BULUKU NWUANZANWUANZA

²³ Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:23 ပူးပေါင်းရင်းမြစ်များ

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Gyɛlɛmaya Awolɛyelɛ 3:66

O Ɛdɛnkɛma, dua wɔ ɛya ne azo foa bɛ, na bɔ bɛ bo zo fi aleɛabo.”

Yizikeɛle Buluku ne 18:26

Saa sonlakpalɛ twe ɔ nwo fi ye kpalɛyɛlɛ nwo na ɔyɛ ɛtane a, ye ɛtane ne ati, ɔbawu.

Zɛfanaya Buluku ne 1:6

nee bɛdabɛ mɔɔ bɛhakyi bɛ nzi bɛzi Ɛdɛnkɛma, mɔɔ bɛmkpondɛ ye, yɛɛ bɛmbiza ye ɛkɛ ne edwɛkɛ la, mebazɛkye bɛ muala.”

Edwɛkpa ne kɛmɔ Maake hɛlɛle la 16:15

Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

Edwɛkpa ne kɛmɔ Luku hɛlɛle la 22:32

Na mezɛlɛ memaa wɔmɔ Saemɔn, amaa wɔ diedi amkpo aze. Na saa ɛsia ɛba me nwo bieko a, si ɛ mediema ne mɔ ahonle.”

Edwɛkpa ne kɛmɔ Luku hɛlɛle la 6:48

Ɔle kɛ nrenya bie mɔɔ ɛnee ɛlɛsi ye sua la, ɔpɛle kuma ne ɔmanle ɔhɔle kolaa na yeawula sua ne aze wɔ bolɛ zo. Ezule ne bule aze na ɔravale sua ne, na yeangola ye bu, ɔluakɛ bɛzile ye boɛ.

Dw 15:6

Awie biala mɔɔ andɛnla me nu la bɛfuandi ye bɛto kɛ baka ɛhane mɔɔ bɛpɛ la; ɔwe na ɔkyengye. Mbaka ngane mɔɔ le zɛhae la, bɛboɔboa bɛ nloa na bɛfuandi bɛ bɛgua senle nu bɛyela bɛ.

Ɛzoanvolɛma Gyima ne 1:17

Ɔluakɛ ɛnee Dwudase boka yɛ nwo wɔ gyima ɛhye anu.”

Ɛzoanvolɛma Gyima ne 1:25

maa ɔrayɛ wɔ ɛzoanvolɛ, ɔli gyima ne mɔɔ Dwudase gyakyile ziele ahane hɔle ye ɛdeɛ nu la.”

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 2:5

Dwuuma mɔɔ Nyamenle ɛzonlenlɛ ti bɛvi maanle gyɛne gyɛne nu bɛrale la tɛbɔ Gyɛlusalɛm.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 26:16

Na dwazo gyinla ɛ gyakɛ anu. Meye me nwo mehile wɔ, amaa meayɛ wɔ me sonvolɛ na wɔali me nwo daselɛ wɔ mɔɔ wɔnwu ye ɛnɛ, nee mɔɔ nzinlii mebaye meahile wɔ la amuala anwo.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:7

Alumua ne ɛnee bɛlɛbɔ mɔdenle kpalɛ! Na nwane a ɛze bɛ kɛ bɛmmadie nɔhalɛ ne bɛdi a?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:21

Kelaese a sɔ sua mumua ne maa ɔgyinla ɔyɛ ɛzonlenlɛ sua nwuanzanwuanza ɔmaa Awulae a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:16

mɔɔ yɛ nwonane ye nvɛyeba ne mɔ amuala sosɔ ye na ɔmaa biala yɛ ye gyima kɛmɔ ɔfɛta la, na nwonane ne nyi ɛhulolɛ nu a.

Mɛla 2:25

Ɔvi ɛnɛ kenle ye mebabɔ ɔ bo kɛ memaa bɛ nwo ayɛ awie biala mɔɔ wɔ aleɛabo la ɛzulolɛ. Biala mɔɔ kɛde bɛ nganeɛ la anwo bawozo ye na ɔ rɛle abɔ.’

Mɛla 4:19

Eza bɛnlea boɛ, amaa saa bɛmaa bɛ nye zo anwuma na bɛnwu sɛnzɛne ne, siane ne, nee nwɔlɔra ne mɔ nee ninyɛne mɔɔ wɔ anwomanyunlu la a, bɛangakyi bɛangɔnzonle bɛ. Bɛle ninyɛne mɔɔ Ɛdɛnkɛma bɛ Nyamenle ne ɛva ɛziezie ɛkɛ ne wɔ menli mɔɔ wɔ aleɛabo la ati.

Kɔlɔ 1:25

Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tɛs 3:3

amaa bɛ biala andoa nyane mɔɔ bɛlɛkile bɛ la ati yeamkpo aze. Bɛdabɛ bɛze ye wienyi kɛ ɔyɛ Nyamenle ɛhulolɛ kɛ bɛkɛhile yɛ abodelɛ ɛhye mɔ amuala.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.