Kɔlɔ 1:2 - BAEBOLO ANZƐƐ BULUKU NWUANZANWUANZA

² Yɛfa yɛahɔmaa Nyamenle menli ne mɔɔ wɔ Kɔlɔsae na bɛle yɛ mediema nɔhavoma kpalɛ mɔɔ die Kelaese di nɔhalɛ nu la. Yɛ Ze Nyamenle ɛlo bɛ na ɔmaa bɛ anzonudwolɛ.

Kɔlɔ 1:2 ပူးပေါင်းရင်းမြစ်များ

Edwɛndolɛ Buluku ne 16:3

Anwondelɛma mɔɔ wɔ azɛlɛ ne azo la le menli kpalɛ, me nye die bɛ nwo somaa.

Ɛzoanvolɛma Gyima ne 9:13

Ananayase zele kɛ, “Awulae, menli dɔɔnwo ɛha sonla ɛhye anwo edwɛkɛ nee debie mɔɔ yeva yehile wɔ menli ne mɔɔ wɔ Gyɛlusalɛm la ɛhile me.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:3

Nyamenle Selɛ ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:9

Ebileham liele lile na bɛyilale ye. Zɔhane ala yɛɛ bɛdabɛ mɔɔ bɛdie bɛdi la amuala nyia nyilalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:1

Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la yɛɛ ɛlɛkɛlɛ kɛlata ɛhye a. Ɔlɛ ɔkamaa Nyamenle menli ne mɔɔ wɔ Ɛfɛsɛse mɔɔ Kelaese Gyisɛse ati bɛdi nɔhalɛ wɔ bɛ ɛbɛlabɔlɛ nu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:21

Tekekɛse mɔɔ le adiema kulovolɛ nee sonvolɛ mɔɔ di nɔhalɛ maa Awulae gyima ne la bamaa bɛade me nwo edwɛkɛ muala, amaa bɛanwu kɛ me nwo si de la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

2 Pit 1:2

Nyamenle ɛlo bɛ dɔɔnwo na ɔmaa bɛ nzo nu ɛdwo bɛ molozo kɛ bɛnwu ye nee yɛ Awulae Gyisɛse a.

Dwuudu Kɛlata ne 1:2

Nyamenle ɛnwu bɛ anwunvɔne, ɔmaa bɛ anzonudwolɛ, na ɔva ɛhulolɛ ɔyi bɛ tɛkɛɛ.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.