Emɔzo Buluku ne 9:7 - BAEBOLO ANZƐƐ BULUKU NWUANZANWUANZA

⁷ Ɛdɛnkɛma se, “Yizilayɛma, kɛ mesi medwenle Sudanema anwo la, zɔhane ala yɛɛ medwenle bɛdabɛ noko bɛ nwo a. Menyele Filisitiama menvile Kiliti na menyele Seleama menvile Kɛɛ, kɛmɔ menyele bɛdabɛ noko menvile Yigyibiti azɛlɛ zo la.

Emɔzo Buluku ne 9:7 ပူးပေါင်းရင်းမြစ်များ

2 Arl 16:9

Tegelate Paelisɛ diele Ehaze modolɛ ne na ɔvale ye ɛlɔnema ɔrale Dɛmasekɛse ɔrahonle ɔvale suakpole ne, ɔhunle Belemgbunli Rilizen na ɔhyele menli ne bie mɔ nuokɛ ɔ nee bɛ hɔle Kɛɛ.

2 Edk 14:12

Yemɔti Ɛdɛnkɛma lile Sudanema anwo zo konim, na ɔmanle bɛ kpɔvolɛma ne guale ndwɛlɛ aze wɔ Belemgbunli Esa nee Dwuda ɛlɔnema anyunlu.

2 Edk 14:9

Sudanenli bie mɔɔ bɛfɛlɛ ye Zilaa la vale konle radoale Belemgbunli Esa. Ɔlɛ ɛlɔnema mgbe yɛɛ konle ehwili ɛya nsa, na bɛrale toonwo bɛradwule Malihyaa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:51

Na kenle ko zɔhane, Ɛdɛnkɛma yele Yizilayɛma ɛwolaa ne vile Yigyibiti azɛlɛ zo.

Ayezaya Buluku ne 20:4

Yemɔti Aselea maanle maanle belemgbunli ne bahye Yigyibitima nuokɛ na yeazoa Sudanema yeahɔ nlɔnu. Ɔbahye ngakula nee mgbanyinli mɔɔ lɛ bɛ nwo zɔ, bɛ gyakɛ gua aze, na bɛ butua gua zo la yeahɔ, yeava yeagua Yigyibitima anyunlu aze.

Ayezaya Buluku ne 22:6

Yilam ɛlɔnema lɛ ɛda dede konle ehwili nu nee mgbɔnwɔ zo, yɛɛ Kɛɛ ɛlɔnema ɛye bɛ enyinlike ne mɔ ɛlɛ.

Ayezaya Buluku ne 43:3

Ɔluakɛ medame a mele Ɛdɛnkɛma bɛ Nyamenle ne, Yizilayɛ Nwuanzanwuanza Ko ne, bɛ Dievolɛ ne a. Mefa Yigyibiti meyɛ bɛ ɛkpɔnedeɛ, mefa Sudan nee Siba memaa na medie bɛ.

Gyɛlɛmaya Buluku ne 13:23

Asoo sonla bile kola kakyi ye bile ne, anzɛɛ sobolɛ mɔɔ ɛtane ala a bɛdi la, bɛdabɛ noko bɛkola bɛdi boɛ.

Gyɛlɛmaya Buluku ne 47:4

Filisitia ɛzɛkyelɛ mekɛ ɛdwu, bɛbade boavolɛ biala mɔɔ ɛha la bɛavi Taya nee Saedɛn anwo, ɔluakɛ medame Ɛdɛnkɛma, melɛsɛkye Filisitiama mɔɔ vi Kiliti ɛnweanloa rale la amuala.

Hozia Buluku ne 12:13

Ɛdɛnkɛma zoanle Nyamenle kpɔmanvolɛ manle ɔhɔyele Yizilayɛma ɔvile Yigyibiti na ɔnleanle bɛ gyɛlɛɛnye.

Emɔzo Buluku ne 1:5

Mebagologolo suakpole Dɛmasekɛse nlenkɛ mgbole ne mɔ na meaye Evɛn Bɔnza ne anu amra nee Bɛteyidɛn meavi me nye zo. Bɛbahye Seleama bɛahɔ nlɔnu wɔ Kɛɛ.”

Emɔzo Buluku ne 2:10

Eza menyele bɛ menvile Yigyibiti azɛlɛ zo, na menlile bɛ nyunlu wɔ fienemgbole ne anu toonwo ɛvolɛ abulanla, na menvale Amɔlema azɛlɛ ne memanle bɛ, memanle bɛvale bɛyɛle bɛ ti anwo ɛdeɛ.

Mɛla 2:23

Menli mɔɔ vi Kiliti la rabɔle Avemma mɔɔ ɛnee de Mɛdetɛlenia Nyevile ne anloa la abo zo na bɛdabɛ noko bɛvale bɛ azɛlɛ ne toonwo bɛhɔdwule azɛlɛ ne nyiakɛ nehane, wɔ Gaza, na bɛdɛnlanle zolɛ.)