Emɔzo Buluku ne 9:11 - BAEBOLO ANZƐƐ BULUKU NWUANZANWUANZA

¹¹ Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Emɔzo Buluku ne 9:11 ပူးပေါင်းရင်းမြစ်များ

Dwobu Buluku ne 1:10

Wɔbɔ ɔdaye, ɔ mra nee debie biala mɔɔ ɔlɛ la anwo bane. Dahuu ɛsinza ye, ye abusua ne nee debie biala mɔɔ ɔlɛ la. Wɔyila ɔ sa anloa gyima zo yɛɛ dahuu ye anwonyia ne, kpole ala a ɔyɛ a.

Edwɛndolɛ Buluku ne 143:5

Mekakye dɛba, medwenledwenle mɔɔ wɔyɛ la anwo; menwu mɔɔ wɔyɛ la amuala.

Edwɛndolɛ Buluku ne 80:12

Duzu ati a akee wɔbubu ye bane ne mɔ, na bɛdabɛ mɔɔ bɛfa adenle ne azo la tete ye ma ɛ?

Edwɛndolɛ Buluku ne 89:40

Wɔbubu ɔ nwo bane kɔsɔɔti wɔgua; wɔgologolo ye aranemgbole ne mɔ wɔgua.

Ayezaya Buluku ne 16:5

akee bɛbava ɛhulolɛ kpundii bɛazie ebia; ahenle mɔɔ badɛnla zolɛ la vi Belemgbunli Devidi abusua nu. Ɔbava nɔhalɛlilɛ yeazie menli ne, ɔbayɛ sonla mɔɔ kulo tenleneyɛlɛ, yɛɛ ɔbava pɛlepɛlelilɛ yeabua ndɛne.)

Ayezaya Buluku ne 5:5

“Akee meka meahile bɛ, mɔɔ meyɛ me vanye egyinli ne la ɛne. Mebubu ɛhane ne mɔɔ mehye ye nwolɛ la meamaa nane ali vanye ne. Bane biala mɔɔ melie ye nwolɛ la, mebubu ye meamaa bɛaratietia ma ne mɔ azo.

Ayezaya Buluku ne 58:12

Bɛ mɔmoane azua mɔɔ ɛbubu dɛbadɛba la, bɛbasisi bɛ muala, yɛɛ bɛbadwazo mɔɔ mekɛ dɔɔnwo bɛwulale bɛ adiabo ne mɔ aze na bɛanzi la. Bɛbavɛlɛ bɛ kɛ bɛmɛ a bɛyɛle bane ne mɔ mɔɔ bubule la boɛ na bɛsisile azua mɔɔ gologolole guale la a.”

Ayezaya Buluku ne 63:11

Na ɔhakyele mɔmoane, ɔhakyele ye sonvolɛ Mosisi. Na bɛhanle kɛ, “Ɔdaye a ɔle Nyamenle ne mɔɔ ɔyele ye menli ne ɔvile Ndɔ Nyevile ne anu a. Ɔdaye a ɔmanle ye Sunsum Nwuanzanwuanza ne nee bɛ luale a.

Ayezaya Buluku ne 65:9

Mebava Gyekɔbo abo zo amra ne meara na meamaa Dwudama bie mɔ aradɛnla me awoka ne mɔ azo. Menli ne mɔɔ mekpa nu meye bɛ, menli ne mɔɔ sonle me la badɛnla awoka ne mɔ azo.

Gyɛlɛmaya Buluku ne 18:9

Zɔhane ala yɛɛ saa mese kɛ meboa maanle bie meamaa yeakpazi, yeagyinla

Gyɛlɛmaya Buluku ne 30:9

Bɛbazonle medame, Ɛdɛnkɛma bɛ Nyamenle ne, nee Devidi abo zo sonla ne mɔɔ mebaye ye meamaa bɛ kɛ ɔli belemgbunli la.

Gyɛlɛmaya Buluku ne 46:26

Mebaye bɛ meamaa menli mɔɔ kpondɛ bɛ ahu bɛ la. Mebava bɛ meamaa Babelonia Belemgbunli Nɛbukadenɛza nee ye safohyenlema ne. Nzinlii, menli badɛnla Yigyibiti bieko kɛ anrɛɛ mɔmoane ɔde la. Medame, Ɛdɛnkɛma a mese a.”

Gyɛlɛmaya Awolɛyelɛ 5:21

O Ɛdɛnkɛma, fa yɛ bɔ wɔ ɛbolɛ. Maa yɛnyia gyinlagyakɛ kɛ dɛba ne la.

Yizikeɛle Buluku ne 17:24

Mbaka mɔɔ wɔ azɛlɛ ne azo la amuala banwu kɛ medame a mele Ɛdɛnkɛma a. Meka mbaka ndendenle aze, na memaa mbaka nzinrenzinra nyi ndendenle. Memaa mbaka amolɛ kyengye, na memaa mbaka wulera yɛ amolɛ. Medame Ɛdɛnkɛma a mese a; mebayɛ mɔɔ meha kɛ meyɛ la.”

Yizikeɛle Buluku ne 36:11

Mebamaa menli nee nane azo awoka ne mɔ azo; bɛ nwo bazo na bɛawo dɔɔnwo. Mebamaa bɛadɛnla, kɛmɔ alumua ne bɛde la, na meayɛ kpalɛ dɔɔnwo meamaa bɛ, meadɛla mɔɔ mɔmoane menyɛle la. Na akee bɛbanwu kɛ medame a mele Ɛdɛnkɛma a.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Obadaya Buluku ne 1:17

“Noko Zayɔn Boka azo menli ne bie mɔ bavi ɛsalɛ na ɛkɛ ne bayɛ ɛleka nwuanzanwuanza. Na Gyekɔbo abo zo amra bazia arava bɛ agyadeɛ.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Maeka Buluku ne 7:11

Mekɛ ɛlɛba mɔɔ bɛbalie Gyɛlusalɛm bane ne mɔ fofolɛ a. Mekɛ ne anu bɛbadɛlɛ bɛ ɛweɛne ne anu.

Maeka Buluku ne 7:14

O Ɛdɛnkɛma, fa wɔ kpɔma ne na nea wɔ menli ne mɔɔ le wɔ agyadeɛ la anwo zo kɛ mboaneneavolɛ ka mboane la. Bɛ ngome bɛwɔ tola bie anu wɔ kpɔkɛ bie anu; maa bɛvinde bɛhɔdidi Beehyan nee Geleade fienemgbole nu, kɛmɔ bɛyɛle ye dɛba ne la.

Maeka Buluku ne 7:8

O me kpɔvolɛ, mmadi me nwo zo wulupe. Saa metɔ aze a mebadwazo. Saa metɛnla awozinli nu a Ɛdɛnkɛma bayɛ me kɛnlaneɛ.

Zɛkalaya Buluku ne 12:7

“Medame Ɛdɛnkɛma, mebamaa Dwuda ɛlɔnema alumua ali konim, amaa Devidi abo zo amra nee Gyɛlusalɛmma annyia bɛ nyunlu andɛla Dwudama.

Zɛkalaya Buluku ne 14:10

Azɛlɛ ne kpokpoti, ɔvi Giba mɔɔ kɔdwu Relemɔn mɔɔ wɔ Gyɛlusalɛm nyiakɛ la bayɛ fienemgbole. Na Gyɛlusalɛm bagyinla kpundii wɔ ɔ bo zo ne wɔ boka zo, ɔvi Bɛngyaman Anlenkɛ Kpole nloa yeahɔ anlenkɛ kpole dɛba ne anwo, yeahɔdwu Muleɛ Anlenkɛ Kpole ne anloa, na ɔvi Hananili Tawa ne anwo yeahɔdwu belemgbunli ne nwanyeyɛlɛ ɛleka ne mɔ.

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:18

Ɔbava Yidɔm azɛlɛ ne yeayɛ ye ɛdeɛ, Na yeava ye kpɔvolɛma, Siyɛ, azɛlɛ ne yeayɛ ye ɛdeɛ, Mekɛ mɔɔ ɛnee Yizilayɛ ɛlɛdi konim la.