Emɔzo Buluku ne 9:10 - BAEBOLO ANZƐƐ BULUKU NWUANZANWUANZA

¹⁰ Bɛdabɛ ɛtanevolɛma mɔɔ bɛwɔ me menli ne avinli mɔɔ bɛka kɛ, ‘Nyamenle ɛnrɛmaa munzule biala ɛnrɛdo yɛ’ la badɔ dadeɛ nloa.”

Emɔzo Buluku ne 9:10 ပူးပေါင်းရင်းမြစ်များ

Edwɛndolɛ Buluku ne 10:11

Ɔdwenle ɔka kɛ, “Nyamenle arɛle ɛvi, yeheda ɔ nye, ɔnrɛnwu ye ɛlɛ.”

Nolo 8:11

Kɛmɔ bɛndua amumuyɛyɛlɛ nwo kakɛ ndɛndɛ la ati, menli fa sie bɛ nyunlu yɛ amumuyɛ dahuu.

Ayezaya Buluku ne 33:14

Ɛtanevolɛma mɔɔ wɔ Zayɔn la ahonle ɛdu, ɛzulolɛ kpole ɛha bɛdabɛ mɔɔ bɛnze Nyamenle la, bɛ nwo ɛlɛwozo bɛ. Bɛse, “Nwane bɔbɔ yɛɛ wɔ yɛ avinli mɔɔ kɛhola senle gbolamgbolam nu tɛnla a? Nwane a wɔ yɛ avinli mɔɔ kɛhola senle mɔɔ ɛnnu ɛlɛ la anu tɛnla a?”

Ayezaya Buluku ne 5:19

Dahuu bɛ edwɛkɛ a le kɛ, “Bɛmaa ɔha ɔ nwo ɔyɛ ye waa, ɔyɛ ye gyima ne ndɛndɛ ɔmaa yɛnlea. Bɛmaa Yizilayɛ Nwuanzanwuanza Ko ne ɛrɛla, ɛrayɛ mɔɔ yehyehyɛ la ɔmaa yɛnlea!”

Ayezaya Buluku ne 56:12

Bɛse, ‘Ayi mɔ, bɛrɛla bɛmaa yɛhɔkpondɛ nwanye bie yɛnlo. Bɛmaa yɛhɔnlo nza ɛsesebɛ yɛbo; ɛhyema noko bayɛ kɛ ɛnɛ la, ɔbayɛ ɛzulolɛ kpole kpalɛ.’ ”

Gyɛlɛmaya Buluku ne 18:18

Akee menli ne hanle kɛ, “Bɛmaa yɛva Gyɛlɛmaya anwo adwenle, ɔluakɛ ɔwɔ kɛ sɛlɛvolɛ a kilehile mɛla ne anu a, na nrɛlɛbɛvolɛ tu folɛ, yɛɛ Nyamenle kpɔmanvolɛ ka Nyamenle nrɛlaleɛ ne. Bɛmaa yɛdo ye ɛzonle na yɛduodua yɛ nzo wɔ ye edwɛkɛhanlɛ nwo.”

Gyɛlɛmaya Buluku ne 23:17

Bɛka bɛkile menli mɔɔ ɛndie me ne la kɛ, ‘Debie biala bayɛ boɛ!’ yɛɛ bɛka bɛkile awie biala mɔɔ yɛ mɔɔ ɔdaye ɔ kunlu dwo nwolɛ la kɛ, ‘Munzule biala ɛnrɛdo wɔ.’ ”

Gyɛlɛmaya Buluku ne 29:32

medame Ɛdɛnkɛma, mebadea Nihɛlamenli Hyɛmaya nee ɔ bo zo amra. Ɔ nwo sonla ɛnrɛdɛnla aze na ɔ nye anwu kɛ mebazi meamaa me menli ne akpazi la, ɔboalekɛ yeha yehile menli ne kɛ bɛde me nwo atua. Medame Ɛdɛnkɛma a mese a.’ ”

Yizikeɛle Buluku ne 20:38

Mebakpa bɛ nuhua meaye atuadelɛma nee bɛdabɛ mɔɔ bɛto me mɛla ne la wɔ bɛ avinli. Mebaye bɛ meavi azɛlɛ ne mɔɔ bɛde zolɛ kɛkala la azo, noko bɛ gyakɛ ba ɛnrɛtia Yizilayɛ azɛlɛ zo. Na akee bɛbanwu kɛ medame a mele Ɛdɛnkɛma a.”

Emɔzo Buluku ne 6:1

Munzule ɛha bɛdabɛ mɔɔ bɛ nwo ɛdɔ bɛ wɔ Zayɔn, nee bɛdabɛ mɔɔ bɛdwenle kɛ bɛ nwo le kɔlɔnwo wɔ Samɛlea la, bɛmɛ mgbolema mɔɔ bɛwɔ Yizilayɛ, mɔɔ menli ba bɛ ɛkɛ babiza moalɛ la!

Emɔzo Buluku ne 6:3

Bɛnlie bɛndo nu kɛ munzule kenle ne ɛbikye, na konle ala a bɛtwe bɛba ɔ?

Emɔzo Buluku ne 9:8

Medame, Awulae Nyamenle, melɛnea ɛtane belemgbunli maanle Yizilayɛ, na mebazɛkye ye, meaye ye meavi azɛlɛ ye azo. Noko menrɛzɛkye Gyekɔbo abo zo amra ne amuala.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Zɛkalaya Buluku ne 1:6

Noko me mɛla ne nee me ngyehyɛlɛ ne mɔ, mɔɔ menvale menzoanle me sonvolɛma kpɔmanvolɛma la ɛhyɛ ɛdɛla bɛ ze mɔ. Yemɔti bɛnlunle bɛ nwo na bɛhanle kɛ, ‘Kɛ Tumivolɛ Ɛdɛnkɛma zile hyehyɛle kɛ ɔ nee yɛ di wɔ yɛ ndenle nee yɛ nyɛleɛ ne mɔ ati la, zɔhane ala yɛɛ ɔ nee yɛ ɛli a.’ ”

Malakae Buluku ne 3:15

Noko nea, ɛnɛ, yɛfa sonla mɔɔ le mgbanyizonle la kɛ Nyamenle ɛyila ye. Menli mɔɔ di ɛtane la kpazi, yɛɛ bɛdabɛ mɔɔ bɛfa bɛ ɛtane bɛsɔ Nyamenle bɛnea la anwo dwɔɔ.’ ”

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.