Emɔzo Buluku ne 9:1 - BAEBOLO ANZƐƐ BULUKU NWUANZANWUANZA

¹ Menwunle kɛ Ɛdɛnkɛma gyi azukponle ne anwo, na ɔzele me kɛ: “Si Ɛzonlenlɛ Sua ne mpila ndendenle ne mɔ ati ne mɔ ɛsesebɛ maa nwolodo ne mɔ ɛkpusu. Bubu bɛ maa bɛha bɛgua menli ne amuala ati zo. Mebava dadeɛ meahu menli mɔɔ kɛha la; ko bɔbɔ ɛnrɛhola nriandi; kokye bɔbɔ ɛnrɛvi ɛsalɛ.

Emɔzo Buluku ne 9:1 ပူးပေါင်းရင်းမြစ်များ

2 Edk 18:18

Maekaya zɔle ye edwɛkɛ ne azo kɛ, “Zɔhane ati tie mɔɔ Ɛdɛnkɛma se la. Menwunle kɛ Ɛdɛnkɛma de ye belemgbunli ebia nu na anwuma ɛlɔnema kɔsɔɔti gyigyi ye bɛne nee fema.

Edwɛndolɛ Buluku ne 68:21

Nyamenle bagelegele ye kpɔvolɛma ati, bɛdabɛ mɔɔ bɛdua fɔlɛlilɛ ndenle nu la.

Edwɛndolɛ Buluku ne 68:22

Awulae se, “Me nee bɛ vi Beehyan bazia ara, me nee bɛ vi nyevile kunlu lɔ bazia ara,

Ayezaya Buluku ne 30:16

Bɛ edwɛkɛ se, “Kyɛkyɛ! Yɛfo mgbɔnwɔ zo yɛahɔ waa.” Yemɔti waa ala yɛɛ bɛbahɔ a. Eza bɛse, “Yɛfo mgbɔnwɔ mɔɔ anwo yɛ ndɛ kpalɛ la azo yeahɔ ndɛndɛ.” Yemɔti bɛ kpɔvolɛma ne noko anwo bayɛ ndɛ.

Ayezaya Buluku ne 6:1

Ɛvolɛ ne mɔɔ Belemgbunli Ɛzaya wule la ala anu, menwunle kɛ Awulae de belemgbunli ebia nu, hyeleenyi wɔ anwuma, na ye tɛladeɛ ne anloa ɛyi Ɛzonlenlɛ Sua ne.

Gyɛlɛmaya Buluku ne 11:11

Yemɔti, medame Ɛdɛnkɛma, bɛnlea, memaa munzule ado bɛ.

Gyɛlɛmaya Buluku ne 42:16

konle ne mɔɔ bɛsulo ye la bado bɛ wɔ Yigyibiti azɛlɛ zo; ɛhɔne ne mɔɔ bɛsulo ye la bazi bɛ nwo zo wɔ Yigyibiti, na ɛkɛ ne a bɛbawu a.

Gyɛlɛmaya Buluku ne 48:44

Ɛdawɔ mɔɔ ɛkɛnriandi ɛzulolɛ ne la, ɛbahɔdɔ kuma ne anu, yɛɛ ɛdawɔ mɔɔ ɛkɛvo kuma ne ɛkɛvinde file zo la, ɛbahɔdɔ ɛhane nu, ɔluakɛ medame, mebamaa ɛhye mɔ asisi Mowabema anwo zo wɔ mekɛ mɔɔ mebadea bɛ la. Medame Ɛdɛnkɛma a mese a.

Yizikeɛle Buluku ne 1:28

Wienyi ne le kɛ ezule mɔɔ ɛmunla la nyangondonle ne mɔɔ kɛdo la. Kɛ Ɛdɛnkɛma anyunlunyia ne sɔhovolɛ de la ɛne. Mɔɔ menwunle ɛhye la, membutule me nye aze, na mendele awie ane kɛ ɔlɛtendɛ.

Yizikeɛle Buluku ne 10:4

Ɛdɛnkɛma anyunlunyia ne vi tease abɔdeɛ ne mɔ ati zo hɔle Ɛzonlenlɛ Sua ne anu. Amungu ne rayile sua ne, na Ɛdɛnkɛma anyunlunyia ne yile alie nwo ɛkɛ ne manle ɔyɛle wienyi.

Yizikeɛle Buluku ne 15:7

Mebava me nye meawula bɛ nyunlu kpalɛ, mɔɔ saa bɛ bie mɔ nriandi fi senle ne anu bɔbɔ a, senle ala a bayela bɛ a, na bɛanwu kɛ medame a mele Ɛdɛnkɛma a, na mefa me nye mewula ɛ nyunlu a ɛnee meva me nye mewula ɛ nyunlu.

Yizikeɛle Buluku ne 9:2

Na menli nsia vi anwuma lɔ anlenkɛ kpole ne anwo rale, ko biala lɛ ye konle ninyɛne mɔɔ ɔbava yeahu menli ne la ɔ sa nu. Nrenya bie mɔɔ wula lenen tɛladeɛ la nee bɛ a lua a, na ngɛlata kodoku zia ye foa ko. Na bɛwolole Ɛzonlenlɛ Sua ne anu bɛhɔgyinlanle kɔbele azukponle ne anwo.

Emɔzo Buluku ne 3:14

Kenle mɔɔ menwɔdea Yizilayɛma wɔ bɛ ɛtane ne mɔ ati la, mebazɛkye Bɛtɛle azukponle ne mɔ, na azukponle biala mgbɛne zo nna ne azo kpokpɔkoo ne mɔ babubu agua aze.

Emɔzo Buluku ne 7:17

Yemɔti, Amazaya, Ɛdɛnkɛma se menga mengile wɔ kɛ, ‘Ɛ ye bayɛ tuutuu ala suakpole ye azo, yɛɛ ɛ mra mrenya nee ɛ mra mraalɛ badɔ dadeɛ nloa. Bɛbahyɛ wɔ azɛlɛ ne bɛamaa awie mɔ, yɛɛ ɛdawɔ mumua ne ɛbawu menli mɔɔ ɛnze Nyamenle la maanle nu. Na Yizilayɛma ɛdeɛ, bɛbahye bɛ bɛ nee bɛ avi bɛ maanle ye anu ahɔ nlɔnu.’ ”

Emɔzo Buluku ne 7:9

Ɛleka ne mɔ mɔɔ Ayezeke zonlenle la, mebazɛkye bɛ. Mebazɛkye Yizilayɛ ɛleka nwuanzanwuanza ne mɔ. Mebamaa belemgbunli Gyɛlɔbowam abo zo amra amuala awu dadeɛ nloa.”

Habakɛke Buluku ne 3:13

Ɛhɔle wɔ menli ne mɔ ngoane ɛlielɛ, ɛhɔle kɛ ɛkalie sonla ne mɔɔ wɔkpa nu wɔye ye la. Ɛgelegelele amumuyɛnli ne ati, ɛkpale ɔ nwo, ɔvi ye ɛzɔlɛ nwo ɔdwule ɔ kɔme anwo.

Zɛfanaya Buluku ne 1:12

“Mekɛ ne anu mebava kɛnlaneɛ meanleɛnlea Gyɛlusalɛm ahodoka ne mɔ anu kpalɛ, na meadea bɛdabɛ mɔɔ bɛ sa yi bɛ nwo a bɛka kɛ, ‘Ɛdɛnkɛma ɛnrɛyɛ debie kpalɛ anzɛɛ ɛtane biala’ la.

Zɛfanaya Buluku ne 2:14

Mboane, nlankɛ nee nane ngakyile, ɛkpɔtɛ nee ɛzonlɛ mɔ bava bɛ maanle ne azuamgbole ne mɔ ayɛ bɛ alaleɛ. Kpadule bavea azua ne mɔ anu, na bɛ ɛzunlɛ balielie nvɛnzɛlɛ ne mɔ anu, ɔluakɛ ye sida mbaka mgbunla ne mɔ anwo bala ɛkɛ.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 1:32

Daselɛ mɔɔ Dwɔn lile la ɛne. Ɔse, “Menwunle kɛ Sunsum ne vi anwuma ɛlɛdwu ɔ nwo zo kɛ abubule la, na ɔrazinzele ɔ nwo zo.

Ɛzoanvolɛma Gyima ne 26:13

Na wɔ adevinli ne, kɛyɛ sɛnzɛngyinla, Nana, yɛɛ menwunle kɛ wienyi mɔɔ ta tɛla sɛnzɛne la, vi anwuma ɛrabɛnra ɛyia me nee menli mɔɔ me nee bɛ lua la a.

Dwɔhyua Buluku ne 10:18

Na Dwɔhyua zele bɛ kɛ, “Bɛhundo awolɛ mgbole bɛnyi bɔne ne. Bɛmaa menli ɛzinza ɛkɛ ne

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.