Emɔzo Buluku ne 8:9 - BAEBOLO ANZƐƐ BULUKU NWUANZANWUANZA

⁹ Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Emɔzo Buluku ne 8:9 ပူးပေါင်းရင်းမြစ်များ

Dwobu Buluku ne 5:14

Awozinli fa bɛ alehyenlɛ nu, na bɛdi nvuovua ewiazo ketekete kɛ nɔɔzo.

Ayezaya Buluku ne 13:10

Anwomanyunlu nwɔlɔra nee bɛ sɔsɔkɛ ne amuala, biala ɛnrɛda; sɛnzɛne ne balu wɔ ye ɛdudulɛ nu, yɛɛ siane ne ɛnrɛda.

Gyɛlɛmaya Buluku ne 13:16

Bɛwula Ɛdɛnkɛma bɛ Nyamenle ne anyunlunyia kolaa na yeamaa awozinli ava bɛ, na bɛandu koti wɔ awoka ne mɔ azo, amaa saa bɛkpondɛ wienyi a yeangakyi awozinli kabii.

Gyɛlɛmaya Buluku ne 15:9

Raalɛ ne mɔɔ wole mralɛ nsuu la, nyane ngome ɛmaa ɔ nye zo ɛbulu. Ye sɛnzɛne lunle ewia henlema, bɛbɔ ye anyiemgba, bɛgua ɔ nyunlu aze. Mebamaa bɛ kpɔvolɛma ahu bɛdabɛ mɔɔ bɛha la. Medame Ɛdɛnkɛma a mese a.”

Yizikeɛle Buluku ne 32:7

Saa meminli ɛ bo zo a, mebaheda anwomanyunlu, na meamaa nwɔlɔra anlu. Mebava amungu meaheda sɛnzɛne ne anyunlu, yɛɛ siane ɛnrɛda.

Emɔzo Buluku ne 4:13

Ɔluakɛ bɛnlea, Nyamenle ne mɔɔ bɔle awoka ne mɔ, na ɔbɔle anwoma, ɔda ye adwenle ali ɔkile sonla; ɔkakyi alehyenlɛ ɔmaa ɔyɛ aledwolɛ, na ɔtietia azɛlɛ ye azo awoka zo la, ye duma ɛne, bɛfɛlɛ ye “Ɛdɛnkɛma, Tumivolɛ Nyamenle!”

Emɔzo Buluku ne 5:8

Mɔɔ bɔle nwɔlɔra Nsuu nee Apea Nsa, na ɔmaa awozinli kakyi alehyenlɛ, ɔmaa alehyenlɛ du yɛ aledwolɛ; yemɔ mɔɔ ɔtwe nyevile nu nzule ɔkɔ na ɔmaa ɔkakyi ezule ɔtɔ azɛlɛ ye azo la, ye duma a le Ɛdɛnkɛma.

Maeka Buluku ne 3:6

“Bɛmɛ kpɔmanvolɛma, aleɛ badwo bɛ, bɛnrɛnwu ɛnyelɛzodeɛnwunlɛ; awozinli bava bɛ, na bɛnrɛde ɛbizalɛ edwɛkɛ biala. Sɛnzɛne ne badɔ Nyamenle kpɔmanvolɛma ati zo, yɛɛ alehyenlɛ ne bayɛ awozinli ava bɛ.”

Zɛkalaya Buluku ne 14:7

Ɔbayɛ kenle mɔɔ Ɛdɛnkɛma ɔdaye ala a ɔze a. Aleɛ ɛnrɛdwo na aleɛ ahye, ɔluakɛ aledwolɛ bayɛ wienyi kɛ alehyenlɛ la.

Edwɛkpa ne kɛmɔ Mateyu hɛlɛle la 24:29

Gyisɛse hɔle zolɛ hilele nu kɛ, “Anwongyelelɛ mekɛ ne anzi, awozinli baheda sɛnzɛne ne azo, siane ne ɛnrɛda, nwɔlɔra badudu agua aze, na bɛbadudu anwumaneamra bɛavi bɛ ndenle ne mɔ azo.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Maake hɛlɛle la 15:33

Ɔdwule sɛnzɛngyinla la, awozinli hedale maanle ne azo dedee dɔnehwele nsa.

Edwɛkpa ne kɛmɔ Luku hɛlɛle la 23:44

Kɛyɛ sɛnzɛngyinla yɛɛ ewia ne nlunle a, na awozinli hedale maanle ne amuala azo toonwo ewiazo dɔne nsa. Ɛzonlenlɛ Sua ne anu mgbɛnu ɛdanlɛ ne dele sinli nwiɔ.

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 8:12

Akee Nyamenle soanvolɛ ne mɔɔ tɔ zolɛ nna la bɔle ye aweɛne tendenle ne. Sɛnzɛne ne anu hyɛle nsa, bɛbɔle ko, na ye ɛdalɛ ne nlunle; siane ne anu hyɛle nsa, yɛɛ nwɔlɔra ne mɔ anu hyɛle nsa na bɛ nuhua ngoko nlunle. Yemɔti alehyenlɛ nu hyɛle nsa mɔɔ sɛnzɛne ɛnvinde ko anu a, yɛɛ aledwolɛ noko anu hyɛle nsa mɔɔ siane nee nwɔlɔra ɛnda ko anu a.