Emɔzo Buluku ne 8:8 - BAEBOLO ANZƐƐ BULUKU NWUANZANWUANZA

⁸ Yemɔti azɛlɛ ne bakpusu, na awie biala mɔɔ wɔ maanle ne anu la banwu nyane. Maanle ne anu bapi na yeabɔ kɛ Yigyibiti Azule Naele ne di yitwe la.

Emɔzo Buluku ne 8:8 ပူးပေါင်းရင်းမြစ်များ

Edwɛndolɛ Buluku ne 18:7

Azɛlɛ ye bɔle twitwi na ɔkpusule, awoka ne adiabo ne mɔ kpusule, ɔboalekɛ Nyamenle vale ɛya.

Ayezaya Buluku ne 5:25

Zɔhane ati Ɛdɛnkɛma ɛya ne dwazole ye menli ne anwo zo, ɔdenrɛle ɔ sa ɔzɛkyele bɛ, na awoka ne mɔ kpusule. Bɛ avunli yɛle kɛ ewula wɔ gua ne mɔ azo. Ɛhye mɔ amuala anzi, Ɛdɛnkɛma ɛya ne ɛtɛdwole, na ɔ sa ne mɔɔ yedenrɛ nu la tɛbɔ ɛkɛ.

Gyɛlɛmaya Buluku ne 12:4

Yɛ azɛlɛ ye ɛzɛkye ɛhyɛ; ndile mɔɔ wɔ zo la kɔsɔɔti ɛyela. Nyɛmoa nee nloma ɛlɛwu, wɔ menli mɔɔ de zo la amumuyɛ ti, ɔboalekɛ menli ka kɛ, “Ɛdɛnkɛma ɛnrɛnwu mɔɔ yɛlɛyɛ la.”

Gyɛlɛmaya Buluku ne 46:7

Nwane a ɛlɛmaa ɔ nwo zo kɛ Azule Naele ne, kɛ azule mɔɔ ɛyi ɛbu aze la?

Gyɛlɛmaya Buluku ne 46:8

Yigyibiti dwazo kɛ azule Naele, ɔle kɛ azule mɔɔ ɛyi ɛbu aze la. Ɔhanle kɛ, ‘Mebayi meava ewiade; mebazɛkye azuamgbole nee zolɛ ezuavolɛ.’

Gyɛlɛmaya Buluku ne 51:29

Azɛlɛ ye te nyane na ɔkpusu, ɔluakɛ medame Ɛdɛnkɛma melɛdi Babelonia ɛbɔlɛ nwo ngyehyɛlɛ ne azo. Mehyehyɛ kɛ mebɔ Babelonia, meado azɛlɛ ne mgbane mɔɔ awie ɛndɛnla zolɛ a.

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Hozia Buluku ne 10:5

Menli mɔɔ de suakpole Samɛlea azo la bazulo, bɛ nwo awozo bɛ, wɔ bɛ nvutuke ɛnlankɛ ananze ne mɔɔ ɛvi Bɛtɛle la ati. Menli ne bazu ye, yɛɛ sɛlɛvolɛma ne mɔ mɔɔ sonle ananze ne la bazu aye awolɛ wɔ ye anyunlunyia ne mɔɔ ɛdɔ aze ɛbɔ la ati.

Hozia Buluku ne 4:3

Yemɔti azɛlɛ ne bayɛ resee yɛɛ debie biala mɔɔ wɔ zolɛ la bawu. Ɛbɔ nu nane kɔsɔɔti, anwomanyunlu nloma kɔsɔɔti, nyevile nu fɛlɛ bɔbɔ, bɛ muala bɛbawu.”

Emɔzo Buluku ne 8:10

Mebamaa bɛ ɛvoyialilɛ ne mɔ ahakyi ɛzɛneyɛlɛ na meamaa bɛ edwɛne fɛlɛko ne mɔ ahakyi awolɛyelɛ. Mebamaa bɛakpa bɛ ti, bɛaheda ɛrele, na bɛayɛ kɛ awovolɛ mɔɔ ɛlɛsu bɛ ra nrenya kokye mɔɔ ɛwu la. Kenle zɔhane bayɛ ɛnwonle ɛnwonle toonwo ahɔ ye awieleɛ.

Emɔzo Buluku ne 9:5

Awulae, Tumivolɛ Nyamenle ne mɔɔ fa ɔ sa ka azɛlɛ ye a ɔkpusu, na menli kɔsɔɔti mɔɔ de zolɛ la di nyane, na maanle ne anu pi na ɔbɔ, kɛ Yigyibiti Azule Naele ne di yitwe la;

Nahum Buluku ne 1:8

Ɔbava azuyilɛ kpole yeazɛkye ye kpɔvolɛma, yeavoa bɛ, yeaminli bɛ bo zo.

Edwɛkpa ne kɛmɔ Mateyu hɛlɛle la 24:30

Na akee medame Sonla Ra, me nwo sɛkɛlɛneɛ bavinde anwomanyunlu; menli muala mɔɔ wɔ aleɛabo la bali nyane wɔ mekɛ mɔɔ bɛkɛnwu medame Sonla Ra kɛ melua amungu nu na melɛ tumi nee anyunlunyia kpole melɛba la.