Emɔzo Buluku ne 8:5 - BAEBOLO ANZƐƐ BULUKU NWUANZANWUANZA

⁵ na bɛka kɛ, “Kenlenzu a siane fofolɛ ɛvoyialilɛ ne kɛwie na yɛanyia adenle yɛadɔne yɛ abɛlɛ a? Kenlenzu yɛɛ Ɛnwomenlelielɛ Kenle ne kɛze na yɛanyia adenle yɛadɔne yɛ hwiiti, yɛanyia adenle yɛazi yɛ ‘yifa’ ɛzuzudeɛ ne abo na yɛawodo yɛ ‘hyikɛle’ ɛzuzudeɛ ne anu, na yɛawua mɔɔ yɛfa tone yɛazuzu la anu,

Emɔzo Buluku ne 8:5 ပူးပေါင်းရင်းမြစ်များ

2 Arl 4:23

Ɔ hu bizale ye kɛ, “Duzu ati a ɛkɔ Nyamenle sonla ne ɛkɛ ne ɛnɛ ɛ? Ɛnɛ ɛnle ɛnwomenlelielɛ kenle yɛɛ siane ɛtɛfile.” Raalɛ ne buale kɛ, “Tɛ debie ɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:13

“Ka kile Yizilayɛma kɛ: Bɛzie me Ɛnwomenlelielɛ Kenle ne, ɔboalekɛ ɔle sɛkɛlɛneɛ ɔmaa bɛ nee medame wɔ mekɛ mɔɔ bara la amuala kɛ medame, Ɛdɛnkɛma a mede bɛ nwo meyɛ bɛ me menli a.

Mrɛlɛbulɛ Buluku ne 11:1

Ɛdɛnkɛma kyi tone mɔɔ bɛwua nu la, na ɔ nye die tone mɔɔ bɛnwua nu la anwo.

Mrɛlɛbulɛ Buluku ne 16:11

Tone kpalɛ mɔɔ nzisi ɛnle nu la le Ɛdɛnkɛma ɛdeɛ, yɛɛ ninyɛne mɔɔ wɔ kodoku ne anu la le ɔ sa anloa gyima.

Mrɛlɛbulɛ Buluku ne 20:23

Ɛzuzudeɛ ngakyile le Ɛdɛnkɛma kyibadeɛ, yɛɛ adalɛ tone ɛnle kpalɛ.

Ayezaya Buluku ne 1:13

Bɛmmafa azubɔdeɛ mgbane biala bɛfinde me nyunlu; mekyi bɛ ɛyɛlɛ evuanlɛ ne. Memkpondɛ kɛ menwu Siane Fofolɛ Ɛvoyialilɛ ne nee bɛ Ɛnwomenlelielɛ Kenle ɛzonlenlɛ ne mɔ. Memkpondɛ kɛ menwu ɛtanema ayia biala.

Ayezaya Buluku ne 58:13

Ɛdɛnkɛma se, “Saa bɛsia bɛ nzi bɛsie Ɛnwomenlelielɛ Kenle ne, bɛgyakyi bɛdabɛ bɛ ngome bɛ kpalɛyɛlɛ nwo gyimayɛlɛ wɔ me kenle nwuanzanwuanza ne, bɛmaa bɛ nye die Ɛnwomenlelielɛ Kenle ne ɛzielɛ nwo, na bɛbu medame Ɛdɛnkɛma me kenle nwuanzanwuanza ne bie, saa bɛdi kenle ne eni na bɛanyɛ mɔɔ bɛdabɛ bɛkulo la, anzɛɛ bɛamkpondɛ bɛ ngome bɛ anyelielɛ, bɛandendɛ ɛdendɛlɛ mgbane mgbane a,

Hozia Buluku ne 12:7

Ɛdɛnkɛma se, “Gualilɛnli mɔɔ lɛ tone ɛtane ɔ sa nu la kulo kɛ ɔdi ye ɛdɔvolɛma nzisi.

Hozia Buluku ne 12:8

Yifelaemma ɛha kɛ: Aa, yɛnyia yɛ nwo; yɛdu ahu! Noko bɛ anyiabɛnwo ne ɛnrɛhola ɛtane ne mɔ mɔɔ bɛyɛ la anwo kakɛ tua ɛlɛ.

Sɛlɛ 19:36

Bɛmaa bɛ tone ne mɔ ɛgyinla sɛsɛ. Bɛmmawua debie ɛzuzulɛ nu; medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la.

Zɛkalaya Buluku ne 5:6

Membizale ye kɛ, “Duzu debie ɔ?” Ɔbuale me kɛ, “Kɛndɛne ne a ɛlɛse la.” Ɔvale ɔzɔle zolɛ kɛ, “Ɔgyi ɛkɛ ne ɔmaa ewiade amra amuala ɛtane ne.”

Zɛkalaya Buluku ne 5:8

Na Nyamenle soanvolɛ ne hanle kɛ, “Raalɛ ɛhye gyi ɛkɛ ne maa amumuyɛ.” Akee ɔzuhunle ye ɔdole kɛndɛne ne anu na ɔhanle sumi nduazo ne ɔdole zolɛ.

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:10

Wɔ fɛlɛkolilɛ nu noko, Siane Fofolɛ Ɛvoyia ne mɔ nee ɛvoyia ngakyile ne mɔ ɛlilɛ nu, bɛwu aweɛne ndendenle ne mɔ anu bɛgua ɛyelalɛ azubɔdeɛ ne mɔ azo, nee bɛ anzonudwolɛ azubɔdeɛ ne mɔ azo, na mebaboa bɛ. Medame a mele Ɛdɛnkɛma bɛ Nyamenle ne a.”

Kɔlɔ 2:16

Yemɔti bɛmmamaa awie bua bɛ ndɛne wɔ mɔɔ bɛdi nee mɔɔ bɛno, anzɛɛ ɛvoyialilɛ nwo, anzɛɛ Siane Fofolɛ nee Ɛnwomenlelielɛ Kenle nwo.

1 Sam 20:5

Devidi zele Dwɔnatan kɛ, “Ɛhyema le Siane Fofolɛ Ɛvoyia na ɔnle kɛ ɔkpa me ti. Ɔwɔ kɛ mekɔ belemgbunli sua nu me nee ye kɔkpula yɛ sa. Na saa ɔyɛ wɔ ɛhulolɛ a, ɛnee maa me adenle maa menriandi mengɔnvea fienemgbole ne anu lɔ toonwo kenle nsa ne azo nɔsolɛ nu.