Emɔzo Buluku ne 8:12 - BAEBOLO ANZƐƐ BULUKU NWUANZANWUANZA

¹² Menli bakpɔsa ɛnwea ɛnwea, bɛvi sɔlɔ bɛahɔ nyiakɛ na bɛvi aduduleɛ bɛahɔ adɔleɛ. Bɛbanriandi bɛahɔ bɛara ɛleka biala kɛ bɛkakpondɛ Ɛdɛnkɛma edwɛkɛ ne, na bɛnrɛnyia ye.

Emɔzo Buluku ne 8:12 ပူးပေါင်းရင်းမြစ်များ

Mrɛlɛbulɛ Buluku ne 1:28

Akee bɛbazu bɛavɛlɛ me, na menrɛdɛne bɛ zo, bɛbakpondɛ me kpalɛ kpalɛ, na bɛnrɛnwu me.

Mrɛlɛbulɛ Buluku ne 14:6

Adubɛnwo sonla ɛnnwu nrɛlɛbɛ ɛlɛ, na sonla mɔɔ lɛ ndelebɛbo la lɛ adwenle.

Mrɛlɛbulɛ Buluku ne 29:18

Ɛleka mɔɔ bɛnga Nyamenle nrɛlaleɛ la, menli yɛ debie biala mɔɔ bɛkulo la; nyilalɛ ɛha sonla ne mɔɔ di mɛla zo la.

Yizikeɛle Buluku ne 20:3

Ɔse, “Sonla ra, ka kile Yizilayɛ mgbanyima ne mɔ kɛ, kɛ medame Awulae Nyamenle mese la ɛne: Bɛbabiza me edwɛkɛ la, yemɔti a bɛra a. Suzuamgba ala mɔɔ medame a mele tease Nyamenle ne la, bɛmbiza me edwɛkɛ biala. Medame Awulae Nyamenle a mese a.

Yizikeɛle Buluku ne 20:31

Bɛhu bɛ mra mrenya bɛyela bɛ bɛbɔ azu bɛmaa awozonle bɛgua bɛ nwo evinli toonwo a yeradwu ɛnɛ a. Yizilayɛma, na akee mame yɛɛ bɛbabiza me bɛanwu mɔɔ ɔwɔ kɛ bɛyɛ la ɔ? Suzuamgba ala mɔɔ medame a mele Awulae Nyamenle ne la, mese, menrɛmaa adenle menrɛmaa bɛnrɛbiza me edwɛkɛ biala.

Daneɛle Buluku ne 12:4

“Na wɔmɔ, Daneɛle, to buluku ne anu na sɔ ɔ nloa, yɛɛ mɔɔ wɔde la maa ɔha ɛ ti anu, kɔkpula awieleɛ mekɛ ne. Menli banriandi ahɔ ara, na ndelebɛbo bayɛ kpole.”

Hozia Buluku ne 5:6

Bɛbava bɛ mboane nee bɛ nlankɛ bɛabɔ azu bɛakpondɛ Ɛdɛnkɛma, na bɛnrɛnwu ye, ɔluakɛ yehwe ɔ nwo yevi bɛ nwo.

Edwɛkpa ne kɛmɔ Mateyu hɛlɛle la 12:30

“Awie biala mɔɔ ɛmboka me nwo la tia me, yɛɛ mɔɔ nee me ɛnguohua la sande nu.

1 Sam 3:1

Mekɛ mɔɔ kakula Samoɛle wɔ Ɛdɛnkɛma ɛzonlenlɛ ndetelɛ bo wɔ Yilae ɛkɛ ne la, ɛnee nrɛlaleɛ mɔɔ vi Ɛdɛnkɛma ɛkɛ ne ba, nee ɛnyelɛzodeɛnwunlɛ anzo biala.