Emɔzo Buluku ne 8:11 - BAEBOLO ANZƐƐ BULUKU NWUANZANWUANZA

¹¹ “Bɛnlea, mekɛ ne ɛlɛba mɔɔ mebamaa ɛhɔne azi azɛlɛ ne azo a. Tɛ aleɛ ɛhɔne anzɛɛ nzule ɛhɔne ɔ. Ɛdɛnkɛma edwɛkɛ ne anwo ɛhɔne nee nzuhɔne a bahu bɛ a. Medame, Awulae Nyamenle a mese a.

Emɔzo Buluku ne 8:11 ပူးပေါင်းရင်းမြစ်များ

2 Edk 15:3

Mekɛ tendenle mɔɔ ɛraze ɛhɔ la ɛnee Yizilayɛma ɛnzonle nɔhalɛ Nyamenle ne. Bɛnlɛ sɛlɛvolɛma mɔɔ kilehile bɛ a, yɛɛ bɛnlɛ mɛla.

Edwɛndolɛ Buluku ne 74:9

Yɛnnwu yɛ sɛkɛlɛneɛ ne mɔ; Nyamenle kpɔmanvolɛ bieko ɛnle ɛkɛ, yɛɛ awie ɛnze kenle mɔɔ ɛhye mɔ kɛze a.

Mrɛlɛbulɛ Buluku ne 29:18

Ɛleka mɔɔ bɛnga Nyamenle nrɛlaleɛ la, menli yɛ debie biala mɔɔ bɛkulo la; nyilalɛ ɛha sonla ne mɔɔ di mɛla zo la.

Ayezaya Buluku ne 5:6

Meto ye ɛkɛ ne mgbane, bɛnrɛbɔ nuhua ndile, yɛɛ bɛnrɛpepɛ vanye mbaka ne mɔ azo. Ndile nee mbowule bafifi ava ye. Eza menrɛmaa ezule ɛnrɛdɔ ɛnrɛgua zolɛ.”

Yizikeɛle Buluku ne 7:26

Munzule badoa munzule, yɛɛ huhuhuhu badoa huhuhuhu; bɛbakpondɛ ɛnyelɛzodeɛnwunlɛ bɛavi Nyamenle kpɔmanvolɛma ɛkɛ, na Nyamenle mɛla ne baminli sɛlɛvolɛma ne mɔ ati anu, yɛɛ bɛnrɛnyia folɛdulɛ bɛnrɛvi mgbanyima ne mɔ ɛkɛ.

Hozia Buluku ne 2:3

Saa yeangyakyi a, mebakpa ɔ nwo meamaa yealɛ ɔ nwo zɔ kɛ kenle mɔɔ bɛwole ye la. Mebamaa yeayɛ kɛ fienemgbole nu azɛlɛ mɔɔ ɛwe la, na meamaa nzuhɔne ngome ahu ye ado ye lɔ.

Maeka Buluku ne 3:6

“Bɛmɛ kpɔmanvolɛma, aleɛ badwo bɛ, bɛnrɛnwu ɛnyelɛzodeɛnwunlɛ; awozinli bava bɛ, na bɛnrɛde ɛbizalɛ edwɛkɛ biala. Sɛnzɛne ne badɔ Nyamenle kpɔmanvolɛma ati zo, yɛɛ alehyenlɛ ne bayɛ awozinli ava bɛ.”

Edwɛkpa ne kɛmɔ Mateyu hɛlɛle la 9:36

Ɔnwunle menli somaa ne la, alɔbɔlɛ hunle ye, ɔluakɛ bɛbɔ asande na bɛluolua nu mgbane mgbane kɛ mboane mɔɔ ɛnlɛ neavolɛ la.

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”

1 Sam 28:6

na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.

1 Sam 3:1

Mekɛ mɔɔ kakula Samoɛle wɔ Ɛdɛnkɛma ɛzonlenlɛ ndetelɛ bo wɔ Yilae ɛkɛ ne la, ɛnee nrɛlaleɛ mɔɔ vi Ɛdɛnkɛma ɛkɛ ne ba, nee ɛnyelɛzodeɛnwunlɛ anzo biala.