Emɔzo Buluku ne 8:10 - BAEBOLO ANZƐƐ BULUKU NWUANZANWUANZA

¹⁰ Mebamaa bɛ ɛvoyialilɛ ne mɔ ahakyi ɛzɛneyɛlɛ na meamaa bɛ edwɛne fɛlɛko ne mɔ ahakyi awolɛyelɛ. Mebamaa bɛakpa bɛ ti, bɛaheda ɛrele, na bɛayɛ kɛ awovolɛ mɔɔ ɛlɛsu bɛ ra nrenya kokye mɔɔ ɛwu la. Kenle zɔhane bayɛ ɛnwonle ɛnwonle toonwo ahɔ ye awieleɛ.

Emɔzo Buluku ne 8:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:16

Akee ɔhɔdɛnlanle amozi moa kɛyɛ mita ɛya ko, na ɔhanle ɔhilele ɔ nwo kɛ, “Menrɛhola me ra ye anyunlu nea wɔ ye ewule nu.” Heega de ɛkɛ ne la ɛnee yehakyi ɔ nzi yezi kakula ne, na kakula ne bɔle ɔ bo kɛ ɔsu.

Dwobu Buluku ne 20:23

Kanza maa ɔli ɔ ko ɛyi tɛkɛɛ, Nyamenle bava ye ɛya kpole ne agua ɔ nwo zo, yeamaa yeali ye kɛ aleɛ.

Dwobu Buluku ne 3:5

Maa awozinli kabii nee awozinli mindomindo ɛva ye. Maa amungu ɛheda zo; maa alehyenlɛ ne anu awozinli ɛha ɛzulolɛ.

Dwobu Buluku ne 30:31

Me getaa edwɛne ɛhakyi awolɛyelɛ, yɛɛ me fulutu edwɛne ɛhakyi ɛzunlɛ.

Ayezaya Buluku ne 3:24

Bɛ nwo ɛnrɛbɔ evuanlɛ, bɛ nwo babɔ ɛnyane; bɛnrɛhye falɛ, bɛbahye nyɛma; bɛ ti enrinli ngɛnlɛma ne, bɛnrɛyɛ bɛ bieko, bɛ ti zo bakpa; bɛnrɛwula adɛladeɛ ngɛnlɛma, bɛbava ɛrele bɛakyekye bɛ nwo, na bɛ anwofɛlɛko ne bahakyi anyiemgba.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Buluku ne 48:37

Awie biala ɛkpa ɔ ti, ɛkpa ɔ kɛsa. Bɛbodɛboda bɛ sa anwo amuala na bɛheda ɛrele.

Gyɛlɛmaya Buluku ne 6:26

Ɛdɛnkɛma zele ye menli ne kɛ, “Bɛheda ɛrele na bɛva nzonle bɛbɔ bɛ nwo. Bɛzu bɛye awolɛ kpalɛ kɛ bɛsu ralɛ nrenya kokye mɔɔ ɛwu la, ɔboalekɛ sɛkyevolɛ ne mɔɔ bazɛkye bɛ la barateta bɛ arɛlevilɛ nu.

Gyɛlɛmaya Awolɛyelɛ 5:15

Yɛ fɛlɛkolilɛ ɛwie; yɛ agolezilɛ ɛhakyi yɛ nyanelilɛ.

Yizikeɛle Buluku ne 7:18

Bɛbaheda ɛrele, na ɛzulolɛ ava bɛ aze. Bɛ nyunlu bayɛ nyiane nyiane ngome na bɛ ti zo adudu.

Yizikeɛle Buluku ne 7:2

Ɔse, “Wɔmɔ, o sonla ra, mɔɔ medame Awulae Nyamenle melɛ ye meka meahile Yizilayɛma la ɛne: Yewie! Azɛlɛ ye muleɛ nna ne amuala ɛzɛkyelɛ ala ɛne!

Hozia Buluku ne 2:11

Mebamaa yeagyakyi ye anyelielɛ ne mɔ, ye ɛvoyia ne mɔ, ye siane fofolɛ ɛvoyialilɛ ne mɔ, ye Ɛnwomenlelielɛ Ɛvoyia ne mɔ, yɛɛ ye nyamenlezonlenlɛ ɛvoyialilɛ ne mɔ kɔsɔɔti.

Hozia Buluku ne 2:13

Mebadea ye wɔ mekɛ mɔɔ ɔ rɛle vile me na ɔhɔkpunle ɛyɛlɛ ɔmanle ye awozonle Beeyale ne mɔ, na ɔvale anwoneɛ ɔzieziele ɔ nwo ɔdoale ye kulovolɛma la; kɛ medame Ɛdɛnkɛma mese la ɛne.

Dwowɛle Buluku ne 1:8

Bɛzu kɛ belamunli raalɛ mɔɔ ɛheda ɛrele ɛlɛsu nrenya mɔɔ gyale ye ye mbɛlɛra nu la.

Sɛlɛ 13:40

“Saa nrenya bie ati avinli enrinli tu a, ɛnee ɔ ti zo a ɛdu a na ɔ nwo te.

Emɔzo Buluku ne 5:21

Ɛdɛnkɛma se, “Mekyi yɛɛ mekpo bɛ nyamenlezonlenlɛ ɛvoyia ne mɔ; yɛɛ me nye ɛnlie bɛ ɛzonlenlɛ ne mɔ anwo.

Emɔzo Buluku ne 5:23

Bɛva bɛ alɛra edwɛne ne mɔ mɔɔ bɛlɛto la bɛhɔ nehane; mengulo kɛ mete bɛ getaa ne mɔ ane bɔbɔ.

Emɔzo Buluku ne 8:3

Kenle zɔhane edwɛne mɔɔ bɛto wɔ suakunlu ɛkɛ ne la amuala bahakyi awolɛyelɛ. Ɛleka biala bayɛ avunli ngome, bɛbayɛ koonwu bɛavuandi bɛ bɛagua.”

Nahum Buluku ne 1:10

Bɛyela kɛ mbowule mɔɔ ɛdo ɛsɛka nu, bɛyela kɛ abɛlɛ dosinli.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Mɛla 16:14

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, nyɛvolɛ, Livaema, nrisa nee ahunlanvolɛ mɔɔ wɔ bɛ azua ne mɔ azo la ɛbɔ nu ɛli ɛvoyia ne anyelielɛ nu.