Emɔzo Buluku ne 7:8 - BAEBOLO ANZƐƐ BULUKU NWUANZANWUANZA

⁸ Na Ɛdɛnkɛma zele me kɛ, “Emɔso, duzu a ɛnwu ye a?” Membuale ye kɛ, “Menwu ɛzuzunyɛma” Na ɔzele me kɛ, “Melɛfa ɛhye meahile kɛ me menli ne le kɛ bane mɔɔ ɛndenrɛ la. Me adwenle mɔɔ meva kɛ metea bɛ la, menrɛhakyi ye bieko.

Emɔzo Buluku ne 7:8 ပူးပေါင်းရင်းမြစ်များ

2 Arl 21:13

Mebadea Gyɛlusalɛm, kɛmɔ mendeanle Samɛlea la, nee kɛmɔ menvale menyɛle Yizilayɛ Belemgbunli Ehabe nee ɔ bo zo amra la. Mebabɔ Gyɛlusalɛm tɔɔ meahu menli mɔɔ wɔ zolɛ la amuala, meakpoɔkpoa zolɛ bɔkɔɔ kɛ bɛkpoa ewula la.

Ayezaya Buluku ne 28:17

Mebamaa pɛlepɛlelilɛ ayɛ ɛzuzulɛ nyɛma ne na tenleneyɛlɛ ayɛ ɔ ti bolɛ ne. Ezuawolɛ ahumu bapia ɛvealeka ɛtane ne ahɔ na nzule ayi ava bodane ne.”

Ayezaya Buluku ne 34:11

Kyɛnyema nee fuke bava ɛkɛ ne ayɛ bɛ ɛdeɛ, yɛɛ kpadule nee kɔkɔsɛlɛ badɛnla ɛkɛ ne bie. Ɔbamaa menli mɔɔ wɔ maanle ne anu la anye zo ada bɛ na ye mgbanyima abɔ atondo.

Gyɛlɛmaya Buluku ne 15:6

Bɛkpo medame Ɛdɛnkɛma, atua ala a bɛte a, yemɔti a medende me sa metia bɛ na mezɛkye bɛ a; akee mezi bɛ nwo abotane mevɛ.

Gyɛlɛmaya Awolɛyelɛ 2:8

Ɛdɛnkɛma vuale kɛ ɔka Zayɔn bane ne mɔ yeagua; ɔvale ɛzuzudeɛ ɔzuzule bane ne; yeangakyi adwenle ne mɔɔ ɔvale kɛ ɔsɛkye ye la; ɔmanle bane nee aranemgbole bubule guale, bɛ muala bɛgulule nu bɛgolole bɛguale.

Hozia Buluku ne 1:6

Gomɛ nrenzɛle bieko na ɔwole ralɛ raalɛ. Ɛdɛnkɛma zele Hozia kɛ, “To ye ‘Bɛnzeyeanwunvɔne,’ ɔluakɛ menrɛze Yizilayɛma anwunvɔne bieko, yɛɛ menrɛva bɛ ɛtane ne mɔ menrɛhyɛ bɛ fee.

Emɔzo Buluku ne 7:7

Awulae yele debie bieko hilele me. Menwunle kɛ Awulae gyi bane bie mɔɔ bɛvale ɛzuzunyɛma bɛdole nwo a bɛdole la anwo, na ɔlɛ ɛzuzunyɛma ne ɔ sa nu.

Emɔzo Buluku ne 8:2

Ɛdɛnkɛma bizale me kɛ, “Emɔso, duzu a ɛnwu ye la?” Membuale ye kɛ, “Menwu mbakama kɛndɛne ko.” Ɛdɛnkɛma zele me kɛ, “Me menli Yizilayɛma awieleɛ kenle ne ɛdwu. Menrɛhakyi me adwenle, ɛdeanlɛ ne ala a metea bɛ a.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Zɛkalaya Buluku ne 4:2

Na ɔbizale me kɛ, “Duzu a ɛnwu ye a?” Membuale ye kɛ, “Menwu ezukoa nvutuke kɛnlaneɛbaka, dwora gyi zolɛ, na ahɛnlaneɛ nsuu gyigyi zolɛ. Kɛnlaneɛ ne mɔ mɔɔ gyigyi kɛnlaneɛbaka ne azo la, ko biala anloa nsuu.

Zɛkalaya Buluku ne 5:2

Na Nyamenle soanvolɛ ne bizale me kɛ, “Duzu a ɛnwu ye a?” Membuale ye kɛ, “Menwu nwoma mɔɔ ɛdu faa la; ye tendenle le mita ngɔnla yɛɛ ye tɛtɛlɛ le mita nna nee foa ko.”