Emɔzo Buluku ne 7:7 - BAEBOLO ANZƐƐ BULUKU NWUANZANWUANZA

⁷ Awulae yele debie bieko hilele me. Menwunle kɛ Awulae gyi bane bie mɔɔ bɛvale ɛzuzunyɛma bɛdole nwo a bɛdole la anwo, na ɔlɛ ɛzuzunyɛma ne ɔ sa nu.

Emɔzo Buluku ne 7:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

2 Sam 8:2

Eza ɔlile Mowabema anwo zo konim. Ɔmanle bɛdedale aze ɛhonlone ɛhonlone. Menli nsa biala bɛhunle nuhua nwiɔ na bɛgyakyile ko. Yemɔti Mowabema yɛle Devidi ngɛkɛlɛ na bɛduale adwule bɛmanle ye.

2 Arl 21:13

Mebadea Gyɛlusalɛm, kɛmɔ mendeanle Samɛlea la, nee kɛmɔ menvale menyɛle Yizilayɛ Belemgbunli Ehabe nee ɔ bo zo amra la. Mebabɔ Gyɛlusalɛm tɔɔ meahu menli mɔɔ wɔ zolɛ la amuala, meakpoɔkpoa zolɛ bɔkɔɔ kɛ bɛkpoa ewula la.

Ayezaya Buluku ne 28:17

Mebamaa pɛlepɛlelilɛ ayɛ ɛzuzulɛ nyɛma ne na tenleneyɛlɛ ayɛ ɔ ti bolɛ ne. Ezuawolɛ ahumu bapia ɛvealeka ɛtane ne ahɔ na nzule ayi ava bodane ne.”

Ayezaya Buluku ne 34:11

Kyɛnyema nee fuke bava ɛkɛ ne ayɛ bɛ ɛdeɛ, yɛɛ kpadule nee kɔkɔsɛlɛ badɛnla ɛkɛ ne bie. Ɔbamaa menli mɔɔ wɔ maanle ne anu la anye zo ada bɛ na ye mgbanyima abɔ atondo.

Gyɛlɛmaya Awolɛyelɛ 2:8

Ɛdɛnkɛma vuale kɛ ɔka Zayɔn bane ne mɔ yeagua; ɔvale ɛzuzudeɛ ɔzuzule bane ne; yeangakyi adwenle ne mɔɔ ɔvale kɛ ɔsɛkye ye la; ɔmanle bane nee aranemgbole bubule guale, bɛ muala bɛgulule nu bɛgolole bɛguale.

Yizikeɛle Buluku ne 40:3

Ɔ nee me radwule ɛkɛ ne la, ɛnee nrenya bie mɔɔ anwo ta kɛ kɔbele la, lɛ bolɔfodɔ nyɛma nee nzuzulɛ baka ɔ sa nu gyi ɛkɛ; ɔgyi suakpole ne anuhɔlɛ kpole ne anloa.

Emɔzo Buluku ne 7:6

Ɛdɛnkɛma hakyile ye adwenle na ɔhanle kɛ, “Ɛhye noko ɛnrɛyɛ zɔhane.”

Emɔzo Buluku ne 7:8

Na Ɛdɛnkɛma zele me kɛ, “Emɔso, duzu a ɛnwu ye a?” Membuale ye kɛ, “Menwu ɛzuzunyɛma” Na ɔzele me kɛ, “Melɛfa ɛhye meahile kɛ me menli ne le kɛ bane mɔɔ ɛndenrɛ la. Me adwenle mɔɔ meva kɛ metea bɛ la, menrɛhakyi ye bieko.

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Yekile 11:1

Akee bɛvale baka mɔɔ zɔho kpɔma na bɛfa bɛsuzu debie la bɛmanle me na bɛzele me kɛ, “Dwazo na suzu Nyamenle Ɛzonlenlɛ Sua ne nee azukponle ne, na tia menli mɔɔ ɛlɛsonle sua ne anu la.

Yekile 21:15

Nyamenle soanvolɛ ne mɔɔ dendɛle hilele me la lɛ ezukoa nvutuke baka ɛzuzudeɛ kɛ ɔfa yeazuzu suakpole ne, anuhɔlɛ ne mɔ, yɛɛ ye bane ne mɔ.