Emɔzo Buluku ne 7:5 - BAEBOLO ANZƐƐ BULUKU NWUANZANWUANZA

⁵ Na menganle kɛ, “O Awulae Nyamenle, mebodo wɔ, gyakyi! Kɛ ɔkɛyɛ na Yizilayɛma adɛnla ngoane nu ɛ? Bɛ nwo anzo!”

Emɔzo Buluku ne 7:5 ပူးပေါင်းရင်းမြစ်များ

Edwɛndolɛ Buluku ne 85:4

O yɛ ngoanelielɛ Nyamenle, fa yɛ sie yɛ gyinlabelɛ dɛba ne, na maa ɛ kunlu ɛdwo yɛ nwo.

Ayezaya Buluku ne 1:9

Saa Tumivolɛ Ɛdɛnkɛma anvavi, angyakyi yɛ menli ekyi a anrɛɛ yɛyɛle kɛ Sodɔm nee Gomɔla la.

Ayezaya Buluku ne 10:25

Ɔluakɛ ɔnrɛhyɛ biala na me ɛya ne mɔɔ meva ye bɛ nwo la adwo, na meava ɛya meadea Aseleama.

Gyɛlɛmaya Buluku ne 30:19

Bɛdabɛ mɔɔ bɛde suakpole ne azo la bado moyɛlɛ edwɛne, bɛbadeɛdea nu anyelielɛ nu. Mebamaa bɛ nwo azo, bɛ nwo ɛnrɛha ekyi. Mebamaa bɛanyia bɛ nyunlu, bɛnrɛyɛ koahweabanema.

Yizikeɛle Buluku ne 9:8

Mɔɔ bɛlɛku menli ne mɔ na ɔhale me ngome la, mendule mendɔle mutule nu na mendeanle nu kɛ, “O, Awulae Nyamenle! Ɛfa Gyɛlusalɛm anwo ɛya wɔahu Yizilayɛma mɔɔ ɛha la ɔ?”

Dwowɛle Buluku ne 2:17

Bɛmaa sɛlɛvolɛma mɔɔ ɛlɛsonle Nyamenle wɔ Ɛdɛnkɛma Ɛzonlenlɛ Sua ne anuhɔlɛ ne nee azukponle ne avinli la ɛzu ɛzɛlɛ kɛ, “O Ɛdɛnkɛma, nwu wɔ menli ne anwunvɔne. Mmamaa maanle maanle ne mɔ kpo yɛ, bɛsi yɛ amgbu bɛka kɛ, ‘Bɛ Nyamenle ne wɔ nienwu?’ ”

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:19

Ɛdɛnkɛma, ɔlua wɔ ɛhulolɛ kpundii ne mɔɔ ɛngakyi ɛlɛ la ati, mesɛlɛ wɔ, fa menli ɛhye mɔ ɛtane ne kyɛ bɛ, kɛmɔ sumunli kɛ bɛvile Yigyibiti la, wɔva wɔhyɛ bɛ toonwo yeradwu ɛnɛ la.”