Emɔzo Buluku ne 7:2 - BAEBOLO ANZƐƐ BULUKU NWUANZANWUANZA

² Wɔ me ɛnyelɛzodeɛnwunlɛ ne anu, menwunle kɛ abɛbɛ ne mɔ ɛli nya nee ndile amolɛ biala mɔɔ wɔ azɛlɛ ne azo la, na menganle kɛ, “O Awulae Nyamenle, mebodo wɔ, fa wɔ menli ne mɔ ɛtane kyɛ bɛ! Kɛ ɔkɛyɛ na Yizilayɛma adɛnla ngoane nu ɛ? Bɛ nwo anzo!”

Emɔzo Buluku ne 7:2 ပူးပေါင်းရင်းမြစ်များ

Edwɛndolɛ Buluku ne 12:1

Ɛdɛnkɛma, boa yɛ; ɔluakɛ sonlakpalɛ ko bɔbɔ ɛnle ɛkɛ; nɔhalɛma ɛwie menli ne avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:15

Bɛvale azɛlɛ ne bɔkɔɔ, na azɛlɛ ne azo yɛle fii kokye. Bɛlile aleɛ nee mbakama mɔɔ ezuawolɛ ne gyakyile la; debie amunli kokye bɔbɔ anga, yɛɛ nzoleɛ biala anga baka kpole anzɛɛ ekyi bɔbɔ azo wɔ ɛya anzɛɛ kpɔkɛ nu wɔ Yigyibiti maanle ne kɔsɔɔti anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:9

Na ɔhanle kɛ, “O Awulae, mebodo wɔ, Awulae, menli ne le dapele bɔbɔ ɛdeɛ, noko mesɛlɛ wɔ, saa me nyunlu ɛra anyia wɔ ɛ nyunlu a, ɛnee ɛ nee yɛ ɛhɔ, fa yɛ munzule nee yɛ ɛtane ne mɔ kyɛ yɛ, na fa yɛ yɛ wɔ menli.”

Ayezaya Buluku ne 37:4

Aselea belemgbunli ne ɛzoa ye Safohyenlema Kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma wɔ Nyamenle ne dele mɔɔ ɔhanle la, na ɔbadea menli mɔɔ hanle la. Yemɔti sɛlɛ Ɛdɛnkɛma maa ye menli ekyi ne mɔɔ ɛha la!’ ”

Ayezaya Buluku ne 51:19

Edwɛkɛ mgbole nwiɔ ɛhye mɔ ɛsisi bɛ nwo zo: Konle ɛzɛkye bɛ maanle ne, ɛhɔne nee ewule ɛhu menli ne; awie ɛnyɛ bɛ gyakɔ ɛnkyekye bɛ rɛle.

Gyɛlɛmaya Buluku ne 14:7

Akee me menli ne bazu avɛlɛ me kɛ, ‘Yɛ ɛtane ne mɔ ɛbu ɛzia yɛ bɔbɔ ɛdeɛ, O Ɛdɛnkɛma, keha ɛ nwo wɔ wɔ duma ne ati. Yɛhakyi yɛ nzi yɛzi wɔ fane dɔɔnwo, yɛyɛ ɛtane yɛtia wɔ.

Gyɛlɛmaya Buluku ne 42:2

rahanle hilele Gyɛlɛmaya kɛ, “Gyɛlɛmaya, yɛbodo wɔ, yɛ mɔɔ yɛlɛbiza la maa yɛ. Sɛlɛ Ɛdɛnkɛma wɔ Nyamenle ne maa yɛdayɛ mɔɔ yɛha la, ɔluakɛ kɛmɔ ɛdawɔ ɛkola ɛnwu ye la, yɛdayɛ menli ɛwolaa ne, akee yɛwie, yɛha ekyi bie.

Yizikeɛle Buluku ne 11:13

Mɔɔ me nloa wɔ zolɛ melɛka Nyamenle nrɛlaleɛ ne la, Pɛlataya mɔɔ ɔ ze a le Bɛnaya la wule. Ɛkɛ ne ala, membutule mutule nu, na mendeanle nuhua kpole kɛ, “O, Awulae Nyamenle, ɛbɔ Yizilayɛma ekyi mɔɔ ɛha la abo zo ɔ?”

Yizikeɛle Buluku ne 9:8

Mɔɔ bɛlɛku menli ne mɔ na ɔhale me ngome la, mendule mendɔle mutule nu na mendeanle nu kɛ, “O, Awulae Nyamenle! Ɛfa Gyɛlusalɛm anwo ɛya wɔahu Yizilayɛma mɔɔ ɛha la ɔ?”

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Dwowɛle Buluku ne 2:17

Bɛmaa sɛlɛvolɛma mɔɔ ɛlɛsonle Nyamenle wɔ Ɛdɛnkɛma Ɛzonlenlɛ Sua ne anuhɔlɛ ne nee azukponle ne avinli la ɛzu ɛzɛlɛ kɛ, “O Ɛdɛnkɛma, nwu wɔ menli ne anwunvɔne. Mmamaa maanle maanle ne mɔ kpo yɛ, bɛsi yɛ amgbu bɛka kɛ, ‘Bɛ Nyamenle ne wɔ nienwu?’ ”

Emɔzo Buluku ne 4:9

“Memanle ewia katekate rayelale bɛ bɛyɔba ne mɔ. Memanle abɛbɛ ralile bɛ tola nee bɛ vanye avule ne mɔ anu ninyɛne, bɛ feege mbaka nee bɛ ɔlivi mbaka ne mɔ; noko bɛanzia bɛamba me ɛkɛ.

Emɔzo Buluku ne 7:5

Na menganle kɛ, “O Awulae Nyamenle, mebodo wɔ, gyakyi! Kɛ ɔkɛyɛ na Yizilayɛma adɛnla ngoane nu ɛ? Bɛ nwo anzo!”

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Yekile 9:4

Bɛzele bɛ kɛ bɛmmasɛkye ndile anzɛɛ mbaka nee nya amolɛ biala, na bɛkeka menli mɔɔ ɛnlɛ Nyamenle nzonlɛ ne bie bɛ nwoma azo la.