Emɔzo Buluku ne 7:17 - BAEBOLO ANZƐƐ BULUKU NWUANZANWUANZA

¹⁷ Yemɔti, Amazaya, Ɛdɛnkɛma se menga mengile wɔ kɛ, ‘Ɛ ye bayɛ tuutuu ala suakpole ye azo, yɛɛ ɛ mra mrenya nee ɛ mra mraalɛ badɔ dadeɛ nloa. Bɛbahyɛ wɔ azɛlɛ ne bɛamaa awie mɔ, yɛɛ ɛdawɔ mumua ne ɛbawu menli mɔɔ ɛnze Nyamenle la maanle nu. Na Yizilayɛma ɛdeɛ, bɛbahye bɛ bɛ nee bɛ avi bɛ maanle ye anu ahɔ nlɔnu.’ ”

Emɔzo Buluku ne 7:17 ပူးပေါင်းရင်းမြစ်များ

2 Arl 17:6

mɔɔ ɛnee Hohyia ɛli ɛvolɛ ngɔnla wɔ Yizilayɛ ebia ne azo la, Aselea belemgbunli ne honle vale Samɛlea na ɔhyele Yizilayɛma bie mɔ nuokɛ ɔhɔle Aselea maanle nu. Ɔmanle bie mɔ dɛnlanle Aselea suakpole ne mɔɔ bɛfɛlɛ ye Heela la azo nee Azule Heebɔ ne anloa wɔ Gozan maanzinli nu. Ɔvale bie mɔ noko ɔhɔguale Midea azuamgbole ne mɔ azo.

Edwɛndolɛ Buluku ne 78:55

Ɔvoanle maanle maanle ɔvile bɛ nye zo; ɔhyɛle azɛlɛ ne ɔmanle bɛvale bɛyɛle bɛ ɛdeɛ, na ɔmanle Yizilayɛma dɛnlanle bɛ azua ne mɔ anu.

Ayezaya Buluku ne 13:16

Bɛbava bɛ mra ne mɔ bɛafifi debie bɛatete bɛ wɔ bɛdabɛ bɛ nye zo, bɛbave bɛ sua nu ninyɛne kɔsɔɔti na bɛamia bɛ ye mɔ bɛ nee bɛ adeda.”

Ayezaya Buluku ne 22:18

na yeavuandi wɔ kɛ bɔlo la yeade azɛlɛ tɛtɛlɛ bie azo; ɛkɛ ne yɛɛ ɛbawu na wɔ konle ehwili kɛnlɛma ne aha a. Anyiemgbanli, ɛ nwo yɛ nyiane wɔ ɛ menle sua nu bɔbɔ.

Gyɛlɛmaya Buluku ne 14:16

Bɛbahu menli ne mɔɔ bɛka adalɛ nrɛlaleɛ ne bɛkile bɛ la noko wɔ konle nu, yɛɛ bie mɔ bawu ɛhɔne nu: bɛdabɛ, bɛ ye mɔ, bɛ mra mrenya, yɛɛ bɛ mra mraalɛ. Mebamaa bɛ munzule abɔ bɛ ti. Bɛbawu bɛagua Gyɛlusalɛm guabile zo. Bɛnrɛnyia awie ɛnrɛzie bɛ.”

Gyɛlɛmaya Buluku ne 20:6

Bɛbahye ɛdawɔ Pahyɛ nee wɔ sua nu amra amuala nuokɛ bɛazoa bɛ bɛahɔ Babelonia. Nehane yɛɛ ɛ nee wɔ sua nu amra nee ɛ gɔnwo mɔ mɔɔ ɛka adalɛ nrɛlaleɛ ne ɛkile bɛ la bawu na bɛazie bɛ a.”

Gyɛlɛmaya Buluku ne 28:12

Mɔɔ Nyamenle Kpɔmanvolɛ Hananaya bubule gyɛnvayile ne mɔɔ la Nyamenle Kpɔmanvolɛ Gyɛlɛmaya akɔme la, nzinlii Ɛdɛnkɛma dendɛle hilele Gyɛlɛmaya kɛ, “Kɔ kɔha kile Hananaya kɛ:

Gyɛlɛmaya Buluku ne 28:16

Yemɔti Ɛdɛnkɛma se, ‘Nea, mebaye wɔ meavi azɛlɛ ye azo. Ɛvolɛ ɛhye anu ala, ɛbawu, ɔboalekɛ wɔbɔ adalɛ wɔmaa menli ne ɛde Ɛdɛnkɛma anwo atua.’ ”

Gyɛlɛmaya Buluku ne 29:21

“Medame Tumivolɛ Ɛdɛnkɛma, Yizilayɛ Nyamenle ne, meha ɛhye noko wɔ Kolaya ara nrenya Ehabe nee Meeyasaya ara nrenya Zɛdikaya mɔɔ ɛlɛfa me duma aha adalɛ Nyamenle nrɛlaleɛ la anwo. Mese, bɛnlea, mebaye bɛ meamaa Babelonia Belemgbunli Nɛbukadenɛza, na ɔbahu bɛ wɔ bɛdabɛ bɛ nye zo.

Gyɛlɛmaya Awolɛyelɛ 5:11

Bɛkye yɛ mraalɛ bɛfa bɛ wɔ Zayɔn; bɛyɛ mbɛlɛra mɔɔ ɛnze mrenya la zɔhane wɔ Dwuda.

Yizikeɛle Buluku ne 4:13

Na Ɛdɛnkɛma zele kɛ, “Zɛhae adenle zo yɛɛ Yizilayɛma bali bɛ aleɛ mɔɔ nwolɛ ɛnde la, wɔ mekɛ mɔɔ menwɔbɔ bɛ asande menwɔhɔgua maanle gyɛne gyɛne zo la a.”

Hozia Buluku ne 9:3

Yizilayɛma ɛnrɛdɛnla Ɛdɛnkɛma azɛlɛ ne azo; Yifelaemma bazia ahɔ Yigyibiti na bɛali aleɛ mɔɔ nwolɛ ɛnde la wɔ Aselea.

Emɔzo Buluku ne 6:7

Yemɔti bɛdabɛ a bɛbalumua bɛahye bɛ bɛahɔ nlɔnu a. Bɛ ɛvoyialilɛ nee bɛ ɛkponledolɛ ne mɔ kɔsɔɔti bara awieleɛ.

Emɔzo Buluku ne 7:11

Ye edwɛkɛ mɔɔ ɔka la ɛne: ‘Gyɛlɔbowam bawu dadeɛ nloa, yɛɛ bɛbahye Yizilayɛma bɛavi bɛ maanle nu bɛ nee bɛ ahɔ nlɔnu.’ ”

Emɔzo Buluku ne 8:1

Eza Tumivolɛ Ɛdɛnkɛma yele ɛhye hilele me. Menwunle kɛndɛne mɔɔ mbakama wɔ nu la.

Emɔzo Buluku ne 9:1

Menwunle kɛ Ɛdɛnkɛma gyi azukponle ne anwo, na ɔzele me kɛ: “Si Ɛzonlenlɛ Sua ne mpila ndendenle ne mɔ ati ne mɔ ɛsesebɛ maa nwolodo ne mɔ ɛkpusu. Bubu bɛ maa bɛha bɛgua menli ne amuala ati zo. Mebava dadeɛ meahu menli mɔɔ kɛha la; ko bɔbɔ ɛnrɛhola nriandi; kokye bɔbɔ ɛnrɛvi ɛsalɛ.

Emɔzo Buluku ne 9:8

Medame, Awulae Nyamenle, melɛnea ɛtane belemgbunli maanle Yizilayɛ, na mebazɛkye ye, meaye ye meavi azɛlɛ ye azo. Noko menrɛzɛkye Gyekɔbo abo zo amra ne amuala.

Maeka Buluku ne 1:16

Yizilayɛma, bakpa bɛ ti, bɛbapepɛ bɛ nwo enrinli kɔsɔɔti wɔ bɛ mra ne mɔ mɔɔ bɛ nye die bɛ nwo la ati. Bɛkpa bɛ ti koabekoabe kɛ ɛkpɔtɛ, ɔluakɛ bɛbahye bɛ mra ne mɔ bɛahɔ nlɔnu.”

Zɛkalaya Buluku ne 14:2

Mebaboɔboa maanle maanle ne mɔ kɔsɔɔti anloa meamaa bɛ nee Gyɛlusalɛm aho na bɛava suakpole ne. Bɛbave bɛ ninyɛne na bɛafunlofunla bɛ mraalɛ ne mɔ. Bɛbahye suakpole ne azo amra foa ko bɛahɔ nlɔnu, na bɛdabɛ mɔɔ bɛkɛha la, bɛbadɛnla ɛkɛ ne.