Emɔzo Buluku ne 6:8 - BAEBOLO ANZƐƐ BULUKU NWUANZANWUANZA

⁸ Ɛdɛnkɛma, Tumivolɛ Nyamenle ne se, “Medame Awulae Nyamenle, meka me ngome me nwo kɛ: Mekyi Yizilayɛma mgbanyizonleyɛlɛ ne, mekpo bɛ azua mgbole ne mɔ mɔɔ bɛbɔ nwolɛ bane la. Mebava bɛ suakpole ne nee zolɛ debie biala meamaa kpɔvolɛma!”

Emɔzo Buluku ne 6:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:16

na ɔzele ye kɛ, “Ɛdɛnkɛma se, ‘Meka medame mumua ne me nwo kɛ, ɛhye mɔɔ wɔyɛ, na wɔanva ɛ ra nrenya kokye ne wɔanyɛ me abokɛ la,

Edwɛndolɛ Buluku ne 106:40

Akee Ɛdɛnkɛma vale ye menli ne anwo ɛya, na ɔkpole ye agyadeɛ.

Edwɛndolɛ Buluku ne 47:4

Ɔkpale nu ɔyele yɛ agyadeɛ ɔmanle yɛ, agyadeɛ mɔɔ ye kulovolɛ Gyekɔbo abo zo amra fa tu bɛ nwo.

Edwɛndolɛ Buluku ne 50:12

“Saa ɛhɔne ku me a, menrɛha menrɛhile bɛ, ɔluakɛ ewiade nee nuhua ninyɛne kɔsɔɔti le me ɛdeɛ.

Edwɛndolɛ Buluku ne 78:59

Nyamenle nwunle ye la, ɔvale ɛya kpole, na ɔkpole Yizilayɛma bɔkɔɔ.

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Gyɛlɛmaya Buluku ne 12:8

Menli ne mɔɔ le me agyadeɛ la ɛhakyi me nwo kpɔkɛmile nu awenade; ɛkpolɛ ala a bɛkpo me a, yemɔti mekyi bɛ.

Gyɛlɛmaya Buluku ne 22:14

Munzule ɛha sonla ne mɔɔ ka kɛ, “Mesi me sua kpole ko mɔɔ lɛ anwuma ekpumgbunli mgbole”, na ɔkɛduodua ye nvɛnzɛlɛ mɔɔ bɛva sida adaboa bɛbobɔ, na ɔkɛha ye ayile kɔkɔlɛ la.

Gyɛlɛmaya Buluku ne 22:5

Na saa bɛanli me edwɛkɛ zo a, meka medame me ngome me nwo kɛ awuke ɛhye babɔ. Medame Ɛdɛnkɛma a mese a.”

Gyɛlɛmaya Buluku ne 44:26

Akee bɛdabɛ Dwudama mɔɔ bɛde Yigyibiti la amuala, bɛdie. Medame Ɛdɛnkɛma, meka medame me ngome me duma kpole ne kɛ Dwudanli biala mɔɔ de Yigyibiti la ɛnrɛbɔ me duma ɛnrɛze kɛ, ‘Mekɛ ala mɔɔ Ɛdɛnkɛma Nyamenle de aze la’, ɛlɛ.

Gyɛlɛmaya Buluku ne 49:13

Medame Ɛdɛnkɛma, meka, meka kɛ, Bɔzela bayɛ ɛzulolɛ ɛleka, ndeanlɛ ɛleka, ɛleka mgbane bie, yɛɛ munzule ɛleka; ye azuamgbole ne mɔ amuala badɔ mgbane mɔɔ bɛnrɛdwazo bieko ɛlɛ a.”

Gyɛlɛmaya Buluku ne 51:14

Medame Tumivolɛ Ɛdɛnkɛma meha medame me ngome me nwo kɛ: Mebamaa menli abu Babelonia kɛ abɛbɛ kpolane, na bɛ ne babo ɛ nwo zo; bɛbayɛ alɛra mɔɔ kile kɛ bɛli konim la.”

Gyɛlɛmaya Awolɛyelɛ 2:5

Awulae ɛyɛ kɛ kpɔvolɛ, yebɔ Yizilayɛ bɔkɔɔ; yebubu ye suakunlu kɔsɔɔti, yegologolo ye aranemgbole ne mɔ; yemaa Dwudama nyanelilɛ nee awolɛyelɛ ɛyɛ kpole.

Yizikeɛle Buluku ne 24:21

Awulae Nyamenle ne se: Bɛnlea, mebagua me Ɛzonlenlɛ Sua ne anwo evinli. Ɔle debie mɔɔ bɛfa bɛtu bɛ nwo a, bɛ nye ɛralɛ mɔɔ bɛ nye kuku nwolɛ a. Bɛ mra mrenya nee bɛ mra mraalɛ mɔɔ bɛgyakyile bɛ bɛ nzi la badɔ dadeɛ nloa.

Hozia Buluku ne 11:6

Konle bava bɛ azuamgbole ne mɔ aze, abubu bɛ azuamgbole nlenkɛ mgbole ne mɔ.

Sɛlɛ 26:11

Me nee bɛ badɛnla yɛɛ menrɛkpo bɛ ɛlɛ.

Sɛlɛ 26:30

Eza mebazɛkye bɛ ɛleka ne mɔ mɔɔ bɛkɔsonle la, na meabubu bɛ ɛyɛlɛ evuanlɛ azukponle ne mɔ, na meavuandi bɛdabɛ bɛ avunli meagua bɛ mmonle avunli ne mɔ azo, na meahyi bɛ bɔkɔɔ.

Emɔzo Buluku ne 3:10

Ɛdɛnkɛma se, “Menli ɛhye mɔ ɛnze boɛlilɛ deɛ holɛ yɛɛ bɛva konle nee awule ninyɛne bɛyiyi bɛ aranemgbole ne mɔ.

Emɔzo Buluku ne 3:11

Yemɔti medame Awulae Nyamenle mese: Kpɔvolɛma babɔ ayia bɛ azɛlɛ ne, abubu bɛ nwo banebɔlɛ ne na bɛave bɛ aranemgbole ne mɔ anu ninyɛne kɔsɔɔti.”

Emɔzo Buluku ne 4:2

Ɛdɛnkɛma ɛha ye nwuanzanwuanzayɛlɛ ne kɛ, “Bɛnlea na mekɛ ne mɔɔ bɛbabobɔ bɛ koba bɛahwe bɛ bɛahɔ la ɛlɛba. Ko biala bayɛ kɛ fɛlɛ mɔɔ ɛva koba la.

Emɔzo Buluku ne 5:21

Ɛdɛnkɛma se, “Mekyi yɛɛ mekpo bɛ nyamenlezonlenlɛ ɛvoyia ne mɔ; yɛɛ me nye ɛnlie bɛ ɛzonlenlɛ ne mɔ anwo.

Emɔzo Buluku ne 8:3

Kenle zɔhane edwɛne mɔɔ bɛto wɔ suakunlu ɛkɛ ne la amuala bahakyi awolɛyelɛ. Ɛleka biala bayɛ avunli ngome, bɛbayɛ koonwu bɛavuandi bɛ bɛagua.”

Emɔzo Buluku ne 8:7

Ɛdɛnkɛma, Yizilayɛ Nyamenle ne ɛha ndane kɛ, “Me rɛle ɛnrɛvi bɛ nyɛleɛ ne mɔ.

Zɛkalaya Buluku ne 11:8

Akee menyɛnenle mboane ne mɔ. Siane ko anu, menzɛkyele mboaneneavolɛma nsa. Me kunlu andwo bɛ nwo fee, yɛɛ bɛdabɛ noko bɛangulo me edwɛkɛ.

Mɛla 32:19

“Ɛdɛnkɛma nwunle ye na ɔkpole bɛ, ɔboalekɛ ɔ mra mrenya nee mraalɛ hanle ye ɛya.