Emɔzo Buluku ne 6:6 - BAEBOLO ANZƐƐ BULUKU NWUANZANWUANZA

⁶ Bɛno nwanye wɔ ahyɛnze bonkuma nu na bɛgua anatele evuanlɛ, na bɛnzu Yizilayɛ nee ye ɛzɛkyelɛ.

Emɔzo Buluku ne 6:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:22

“Dwosefi le kɛ baka mɔɔ so na ɔgyi azule nloa la, Ye ngane ne mɔ twenlehwenle bane ti.

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

Ɛseta Buluku ne 3:15

Menli mɔɔ bɛzoanle bɛ la manle bɛ nwo yɛle ndɛ bɛhɔle na eza bɛbɔle mɛla ne nolo wɔ Susa mɔɔ le maanle maanle ne suakpole la azo. Akee belemgbunli ne nee Heeman dɛnlanle aze nlonle, liele bɛ nye, noko wɔ Susa suakpole ne azo ɛdeɛ, ɛnee menli adwenle ɛzɛkye kpalɛ.

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Ayezaya Buluku ne 5:12

Getaa mgbole nee ngyikyi, fulutu nee akɛya yɛɛ bɛbɔ na bɛno nwanye wɔ bɛ ɛvoyialilɛ bo a; bɛmbu Ɛdɛnkɛma gyima mɔɔ yeli la bie, yɛɛ bɛnnwu ɔ sa anloa gyima mɔɔ yeyɛ la.

Gyɛlɛmaya Buluku ne 30:7

Bɛ gyakɔ! Ɔluakɛ kenle zɔhane yɛ ɛzulolɛ kpole; kenle biala nee ye ɛnzɛ. Ɔle nyanenwunlɛ mekɛ ɔmaa Yizilayɛma, noko bɛbalie bɛ bɛavi nuhua.”

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Hozia Buluku ne 3:1

Ɛdɛnkɛma zele me kɛ, “Kɔ bieko na kɔhulo awuvolɛ raalɛ mɔɔ ɛlɛto awuvolɛvalɛ mɛla ne na ye kulovolɛ ne le nrenya mɔɔ gya raalɛ la. Kulo ye kɛmɔ kɛkala medame Ɛdɛnkɛma mesi mekulo Yizilayɛma mɔɔ kakyi bɛ nwo kɔ nyamenle gyɛne gyɛne anwo, na bɛkulo vanye mra la.”

Emɔzo Buluku ne 2:8

Bɛkundohundo bɛ nwo aze wɔ azukponle biala anyunlu, wɔ adɛladeɛ mɔɔ bɛva bɛwula bɛ lɔ awoba la azo, na bɛno nwanye mɔɔ bɛbɔ menli kakɛ bɛlie la wɔ bɛ Nyamenle ne ɛzonlenlɛ sua ne anu.

Emɔzo Buluku ne 4:1

Bɛdie edwɛkɛ ɛhye, bɛmɛ Beehyan nlankɛ mbelɛ mɔɔ wɔ Samɛlea boka zo, mɔɔ sisi ehyianvolɛma, mɔɔ fa atisesebɛ amaamuo bu menli mɔɔ ehyia na bɛka bɛkile bɛ hu mɔ kɛ bɛva bɛrɛla bɛmaa bɛnlo la.

Dw 12:3

Mɛle vale nwole evuanlɛ bie mɔɔ ye bolɛ yɛ se kpalɛ na bɛfɛlɛ ye “naade” la toba kpole ko mɔɔ kɛyɛ litili ko la rawolale guale Gyisɛse agyakɛ anwo, na ɔvale ɔ ti enrinli ɔkyikyile. Nwole ne evuanlɛ vale sua ne anu amuala.

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

1 Kɔl 12:26

Saa sonlabaka ne nvɛyeba ko nwu nyane a, ɔka mɔɔ ɛha la amuala; yɛɛ saa bɛye ko ayɛlɛ a, mɔɔ ɛha la amuala nee ye di fɛlɛko.

1 Tem 5:23

Mmano nzule ngome ala, ɛ ko ne nee ɛ nwo ne mɔɔ toto wɔ wazowazo la ati, anrɛɛ no nwanye ekyi.