Emɔzo Buluku ne 6:4 - BAEBOLO ANZƐƐ BULUKU NWUANZANWUANZA

⁴ Munzule ɛha bɛdabɛ mɔɔ bɛda ɛzɛlɛ ɛkpa zo na bɛtenrɛdenrɛ bɛ nwo wɔ mbia ndendenle nu bɛdi mboane nee nlankɛ la.

Emɔzo Buluku ne 6:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:25

Akee bɛdɛnlanle aze kɛ bɛdi debie; na bɛmanle bɛ nye zo la, bɛnwunle kɛ Yehyemeeyɛle adendulɛma ekpunli bie ɛlɛba. Bɛvi Geleade, bɛlɛ bɛ afunlumu mɔɔ zozo ɛyɛlɛ, alufuanlɛ, yɛɛ ayile ndɔkɛ bɛlɛkɔ Yigyibiti.

Ɛseta Buluku ne 1:6

Bɛvale ninyɛne ngɛnlɛma ngakyile dɔɔnwo bɛzieziele suakunlu ɛkɛ ne: mgbɛnu ndanlɛ fufule nee buluwu mɔɔ bɛva lenen ndanlɛ kɔkɔlɛ ndenrɛndenra ngɛnlɛma bɛbobɔ bɛ avinli, na dwɛtɛ fufule ngɛba sosɔ bɛ nloa la hendɛhenda mpila mɔɔ bɛvale awolɛ memeamemea mɔɔ sonle bolɛ la a bɛsisile la. Mbia mɔɔ gyigyi alie nwo ɛkɛ ne la, bɛvale ezukoa nvutuke nee dwɛtɛ fufule a bɛyɛle a. Azɛlɛ ne anwo bɔbɔ, bɛvale awolɛ memeamemea mɔɔ sonle bolɛ la a bɛdole a.

Edwɛndolɛ Buluku ne 73:7

Ɛhyenlɛ ngome ɛmaa bɛ nyunlu ɛyɛ totofoo, mgbane mgbane ɛyɛlɛ ɛyi bɛ ahonle ne mɔ.

Ayezaya Buluku ne 22:13

na nea, bɛmanle bɛ nye liele, bɛlile fɛlɛko, bɛhunle nlankɛ nee mboane, bɛlile nane na bɛnlonle nwanye, na bɛhanle kɛ, “Bɛmaa yɛli na yɛnlo, na ɛhyema ɛnee yɛwu.”

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Gyɛlɛmaya Buluku ne 16:8

“Mmawolo awuke mɔɔ bɛlɛdi, bɛanlo, bɛalie bɛ nye la anu, ɛkɔtɛnla aze ɛ nee bɛ di, no.

Yizikeɛle Buluku ne 16:49

Nea, ɛ diema raalɛ Sodɔm fɔlɛ mɔɔ lile la a le kɛ, ɔ nee ye namunamu ne mɔ dule bɛ nwo kɛ bɛlɛ mɔɔ sa bɛ di la, bɛkpazi na bɛde anzonudwolɛ nu, noko bɛamboa anwunvɔnema nee ehyianvolɛma.

Yizikeɛle Buluku ne 23:41

bɛdɛnlanle ehwili kɛnlɛma mɔɔ bɛzie ɛkponle nu na bɛva me ɛyɛlɛ evuanlɛ ne nee me nwole ne bɛzie zolɛ la anu.

Emɔzo Buluku ne 3:12

Ɛdɛnkɛma se, “Kɛmɔ awenade kye boane na mboaneneavolɛ ne kɔ ye ɛlielɛ a debie mɔɔ ɔnwu ye ala la a le ye ndwɛlɛ nwiɔ anzɛɛ ɔ nzo ko la, zɔhane ala yɛɛ Yizilayɛma mɔɔ de Samɛlea la ɛlielɛ bayɛ a; bɛbanwu ebia mɔɔ bɛda nu la ebule na bɛanwu ɛkpa sinli.

Emɔzo Buluku ne 8:3

Kenle zɔhane edwɛne mɔɔ bɛto wɔ suakunlu ɛkɛ ne la amuala bahakyi awolɛyelɛ. Ɛleka biala bayɛ avunli ngome, bɛbayɛ koonwu bɛavuandi bɛ bɛagua.”

Maeka Buluku ne 6:12

Suakpole ye azo sukoavolɛma le ahɔdiawu, menli mɔɔ wɔ zolɛ la kɔsɔɔti bɔ adalɛ, bɛ nloa anu le menlemenle.

Edwɛkpa ne kɛmɔ Luku hɛlɛle la 16:19

“Nrenya sukoavolɛ bie woale ɛkɛ; ɔhedale ndanlɛ ngɛnlɛma mɔɔ awolɛ yɛ se la na ɔlile ɔ ti dahuu.

Gyemise Kɛlata ne 5:5

Bɛ ɛbɛlabɔlɛ wɔ ewiade ye anu ɛyɛ anyelielɛ nee fɛlɛkolilɛ ngome; bɛli bɛ nwo adane, bɛyɛ mbelane kɛ nlankɛ mɔɔ bɛ mekɛ ɛdwu mɔɔ bɛ nee bɛ ɛlɛkɔ ahunleɛ la.