Emɔzo Buluku ne 6:2 - BAEBOLO ANZƐƐ BULUKU NWUANZANWUANZA

² Bɛhɔnlea suakpole Kaleni. Akee bɛhɔ suakpole Heemate maanzinli ne anu na bɛtele zolɛ bɛhɔ Filisitia suakpole Gate azo. Ɛnee bɛle kpalɛ bɛtɛla Dwuda nee Yizilayɛ arelemgbunli maanle ne mɔ ɔ? Ɛnee bɛ maanzinli ne le kpalɛ tɛla bɛ maanzinli ɛdeɛ ne ɔ?

Emɔzo Buluku ne 6:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:10

Alumua ne ɛnee Ɛlɛke, Akade, yɛɛ Kaleni, azuamgbole nsa ɛhye mɔ mɔɔ wɔ Babelonia maanle nu la amuala boka Nemelɔdo maanle ne anwo.

2 Sam 8:9

Mɔɔ Heemate Belemgbunli Towae dele kɛ Belemgbunli Devidi ɛli Hadadizɛ ɛlɔnema ne anwo zo konim la,

1 Arl 8:65

Yemɔti Sɔlɔmɔn nee Yizilayɛma lile Kpɔda Bo Ɛdɛnlanlɛ Ɛvoyia ne toonwo kenle nsuu. Yizilayɛ maanlema yiale kpole bie. Menli vi ɛbɔ ye Heemate Ademgbole nu dedee mɔɔ bagua Yigyibiti ɛweɛne zo la rale.

2 Arl 17:24

Aselea belemgbunli ne vale menli vile azuamgbole Babelɔn, Kuutu, Yeva, Heemate, yɛɛ Sifaveeyem azo na ɔmanle bɛradɛnlanle Samɛlea azuamgbole ne mɔ azo. Menli mɔɔ vi azua ɛhye mɔ azo la radɛnlanle Samɛlea azuamgbole ne mɔ azo kpɔkpɔ.

2 Arl 17:30

Babelɔnoma yɛle bɛ bozonle Sɛko Bino ananze; Kuutuma yɛle bɛ bozonle Nɛgale ananze; Heematema yɛle bɛ bozonle Ahyaema ananze;

2 Arl 18:34

Menli zɔhane wɔ nienwu kɛkala, Heemate awozonle anzɛɛ Aapade? Sifaveeyem, Hina, yɛɛ Ayeva awozonle hale nienwu? Asoo bɛ bie holale liele Samɛlea?

2 Arl 19:13

Arelemgbunli mɔɔ wɔ Heemate, Aapade, Sifaveeyem, Hina, yɛɛ Ayeva la wɔ nienwu?”

2 Edk 26:6

Ɛzaya nee Filisitiama nyianle konle, na ɔbubule Gate, Gyabenɛ (Gyamenea) nee Ahyedɔdo bane ne mɔ, na ɔkyekyele azuamgbole wɔ Ahyedɔdo afoa nu, nee Filisitia maanle ne anu ɛleka dɔɔnwo.

Gyɛlɛmaya Buluku ne 49:23

Edwɛkɛ mɔɔ fane Dɛmasekɛse anwo la ɛne. Ɔse, “Heematema nee Aapadema adwenle ɛzɛkye, ɔboalekɛ bɛde amaneɛ ɛtane. Ɛzulolɛ ɛha bɛ ɛmaa bɛyɛ begyebegye kɛ nyevile mɔɔ ɛzɛkye na ɔngua la.

Nahum Buluku ne 3:8

Nenɛvɛ, asoo ɛle kpalɛ ɛtɛla suakpole Tibise, Yigyibiti suakpole ne, mɔɔ la azule Naele ne anloa, na azule nee nyevile ɛbɔ ye ɛyia la?

1 Sam 17:23

Mɔɔ ɔ nee bɛ ɛlɛtendɛ la, Golayate vi Filisitiama avinli ragyinlanle ɔ bo zo ne na ɔdeanle nu kɛ ɔkpondɛ nrenya aye ɔ nyunlu nee ye araho. Ɔhehanle edwɛkɛ mɔɔ ɔkeha ye dɛba la. Na Devidi dele.

1 Sam 17:4

Nrenya bie, bɛfɛlɛ ye Golayate, ɔvi Gate, na yemɔ yɛɛ ɔgyi Filisitia ɛlɔnema ne ati a. Ɔvi Filisitiama avinli ɔvindele. Ye tendenle kɛyɛ mita nsa.

1 Sam 5:10

Yemɔti bɛyele Nyamenle Ngyekyeleɛ Ɛlɛka ne ɛkɛ bɛhɔle Ɛkelɔn. Ɛkelɔnoma nwunle Nyamenle Ngyekyeleɛ Ɛlɛka ne la, bɛzunle bɛdeɛdeanle nu bɛzele kɛ, “Bɛva Yizilayɛ Nyamenle ne Ngyekyeleɛ Ɛlɛka ne bɛra kɛ bɛbahu yɛ kɔsɔɔti.”

1 Sam 5:8

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Yizilayɛ Nyamenle ne Ngyekyeleɛ Ɛlɛka ne kɛ bɛyɛ ye la bɛyɛ ye. Ɔboa yɛ nwo ɛke bieko a ɔnrɛyɛ boɛ.” Bɛbuale kɛ, “Bɛye ye ɛke bɛhɔ Gate.” Yemɔti bɛvale Ɛlɛka ne bɛhɔle suakpole Gate azo.