Emɔzo Buluku ne 5:8 - BAEBOLO ANZƐƐ BULUKU NWUANZANWUANZA

⁸ Mɔɔ bɔle nwɔlɔra Nsuu nee Apea Nsa, na ɔmaa awozinli kakyi alehyenlɛ, ɔmaa alehyenlɛ du yɛ aledwolɛ; yemɔ mɔɔ ɔtwe nyevile nu nzule ɔkɔ na ɔmaa ɔkakyi ezule ɔtɔ azɛlɛ ye azo la, ye duma a le Ɛdɛnkɛma.

Emɔzo Buluku ne 5:8 ပူးပေါင်းရင်းမြစ်များ

Dwobu Buluku ne 12:22

Ɔsa awozinli nu ninyɛne ɔgua zo, na ɔmaa awozinli kabikabi kakyi wienyi.

Dwobu Buluku ne 37:13

Saa bɛ nvonleɛ ɛdenrɛlɛ o, ye azɛlɛ ye ati o, anzɛɛ ye ɛhulolɛ ti o, ɔmaa ɔsi zɔ.

Dwobu Buluku ne 38:34

“Ɛkɛhola ɛkɛmaa ɛ ne zo ɛkɛze amungu kɛ azuyilɛ ɛmonla wɔ ɔ?

Dwobu Buluku ne 9:9

Ɔbɔle nwɔlɔra Ɛrelera nee ɔ mra nee Apeansa, Nwɔlɔra Nsuu nee nyiakɛ nwɔlɔra.

Edwɛndolɛ Buluku ne 104:20

Wɔbɔ awozinli, na ɔle aledwolɛ mɔɔ maa ɛbɔ nu nanemgbole finde a.

Edwɛndolɛ Buluku ne 105:28

Ɔmanle awozinli rale, na maanle ne anu yɛle kabii, noko Yigyibitima ne dele ye edwɛkɛ ne anwo atua.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 59:10

Yɛfuovua bane nwo kɛ anyenzinliravolɛma, na yɛdi nvuovua kɛ menli mɔɔ ɛnlɛ ɛnyelɛ la. Yɛ gyakɛ kpulokpula ewia henlema kɛ asɛɛ aledwolɛ nu la, yɛɛ yɛlua menli mɔɔ te kpɔkɛ la avinli a yɛle kɛ avunli la.

Gyɛlɛmaya Buluku ne 16:21

Na Ɛdɛnkɛma zele kɛ, “Yemɔti bɛnlea, mebamaa maanle maanle kɔsɔɔti anwu me. Mebayɛ ko ɛhye meamaa bɛanwu me tumi nee me anwosesebɛ na bɛanwu kɛ medame, me duma a le Ɛdɛnkɛma.”

Gyɛlɛmaya Buluku ne 33:2

Ɔse, “Medame Ɛdɛnkɛma mɔɔ membɔle azɛlɛ ye, menzieziele ye gyɛlɛɛnye, na me duma a le Ɛdɛnkɛma la, mese:

Emɔzo Buluku ne 4:13

Ɔluakɛ bɛnlea, Nyamenle ne mɔɔ bɔle awoka ne mɔ, na ɔbɔle anwoma, ɔda ye adwenle ali ɔkile sonla; ɔkakyi alehyenlɛ ɔmaa ɔyɛ aledwolɛ, na ɔtietia azɛlɛ ye azo awoka zo la, ye duma ɛne, bɛfɛlɛ ye “Ɛdɛnkɛma, Tumivolɛ Nyamenle!”

Emɔzo Buluku ne 8:9

Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Emɔzo Buluku ne 9:6

yemɔ mɔɔ ɔsi ye azua wɔ anwuma, na ɔsi ye ninyɛnezielɛ ɛleka wɔ azɛlɛ ye azo; yemɔ mɔɔ ɔtwe nyevile nu nzule, na ɔmaa ɔtɔ ezule ɔgua azɛlɛ ye azo la, ye duma a le Ɛdɛnkɛma.

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”