Emɔzo Buluku ne 5:7 - BAEBOLO ANZƐƐ BULUKU NWUANZANWUANZA

⁷ Bɛmɛ, bɛmaa pɛlepɛlelilɛ yɛ ɛnwonle, na bɛtietia tenleneyɛlɛ zo.

Emɔzo Buluku ne 5:7 ပူးပေါင်းရင်းမြစ်များ

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 36:3

Ɔle ngunzi yɛɛ ɔbɔ adalɛ, yegyakyi nrɛlɛbɛ ɛbɛlabɔlɛ nee boɛlilɛ.

Mrɛlɛbulɛ Buluku ne 21:7

Amumuyɛma konle ɛhulolɛ bahu bɛdabɛ mumua ne, ɔboalekɛ bɛkpo kɛ bɛnrɛli boɛ.

Ayezaya Buluku ne 1:23

Bɛ arelemgbunli le atuadelɛma yɛɛ bɛva nwule agɔnwolɛ. Awie biala kulo ndoloboa yɛɛ bɛpele bɛkpondɛ ahyɛlɛ ninyɛne. Bɛnlie mɔɔ ɛnlɛ ɔ ze la ati, yɛɛ bɛndwenle ahunlanvolɛ mraalɛ ne mɔ anwo.

Ayezaya Buluku ne 10:1

Munzule ɛha bɛdabɛ mɔɔ bɛdi amumuyɛ mɛla bɛfa bɛsisi me menli ne la; nee bɛdabɛ mɔɔ bɛtɛnla aze bɛkɛlɛ nzisi mɛla la.

Ayezaya Buluku ne 46:12

“Bɛmɛ mɔɔ bɛsolo na bɛ ngoanelielɛ wɔ moa a, bɛdie me!

Ayezaya Buluku ne 5:20

Munzule ɛha menli mɔɔ nwu ɛtane a bɛse ɔle kpalɛ na bɛnwu kpalɛ a bɛse ɔle ɛtane la. Bɛfa wienyi bɛyɛ awozinli na bɛava awozinli bɛayɛ wienyi, ɛnwonle yɛ bɛ menlemenle, yɛɛ menlemenle yɛ bɛ ɛnwonle.

Ayezaya Buluku ne 5:7

Ɔluakɛ Tumivolɛ Ɛdɛnkɛma vanye egyinli ne, yemɔ a le Yizilayɛ abo zo amra ne; menli mɔɔ wɔ Dwuda la amuala, bɛmɛ a bɛle ye ma ngɛnlɛma ne mɔɔ ɔluale la. Ɛdɛnkɛma nleanle kɛ ɔkɛnwu pɛlepɛlelilɛ bɛ nu, na ɔnwunle mogyahanlɛ; ɔnleanle kɛ ɔkɛnwu tenleneyɛlɛ, na nea, ɔnwunle ɛsisilɛ nee ɛzunlɛ.

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Yizikeɛle Buluku ne 3:20

“Saa tenlenenli bɔ ɔ bo kɛ ɔdi ɛtane, ɔyɛ amumuyɛ a, mebamaa yeadu koti. Kɛmɔ ɛtɛbɔle ye kɔkɔ la ati, ɔbawu wɔ ye ɛtane ti, yɛɛ ye debie kpalɛ biala mɔɔ ɔyɛle la, menrɛhakye ye bieko; na ye ewule ne ɛdeɛ, mebabiza wɔ nwolɛ edwɛkɛ.

Yizikeɛle Buluku ne 33:18

Saa tenlenenli sia fi ye tenleneyɛlɛ nwo na ɔyɛ ɛtane a, ye ɛtane ne ati, ɔbawu.

Hozia Buluku ne 10:4

Bɛbuke bɛ nloa bɛkeha bie ala; bɛfa adalɛ ndane bɛkyekye ngyekyeleɛ, yemɔti ndeanlɛ fifi bɛ nwo kɛ ɛya nu ɛzezeane kuma nu ndile mɔɔ le pɔezen la.

Emɔzo Buluku ne 2:3

Mebahu Mowabe belemgbunli ne nee ye mgbanyima mɔɔ wɔ azɛlɛ ne azo la amuala.”

Emɔzo Buluku ne 3:10

Ɛdɛnkɛma se, “Menli ɛhye mɔ ɛnze boɛlilɛ deɛ holɛ yɛɛ bɛva konle nee awule ninyɛne bɛyiyi bɛ aranemgbole ne mɔ.

Emɔzo Buluku ne 6:12

Asoo mgbɔnwɔ kola wuluwulu bodane zo? Asoo menli kola fa nlankɛ nyinli so ɛya wɔ nyevile nye? Noko bɛmɛ, bɛmaa pɛlepɛlelilɛ ɛhakyi pɔezen, yɛɛ bɛmaa tenleneyɛlɛ ɛyɛ ɛnwonle.

Maeka Buluku ne 3:9

Bɛmɛ Yizilayɛ mbusua mgbanyinli nee Yizilayɛ mgbanyima mɔɔ bɛkyi pɛlepɛlelilɛ na bɛdi mɔguazo la, bɛdie ɛhye.

Habakɛke Buluku ne 1:4

Ɔlua zolɛ mɛla nwo ɛnlɛ nvasoɛ yɛɛ pɛlepɛlelilɛ ɛnle ɛkɛ bieko. Ɔluakɛ amumuyɛma ɛbɔ tenlenema ɛnlo ɛmaa pɛlepɛlelilɛ ɛwie.

Zɛfanaya Buluku ne 1:6

nee bɛdabɛ mɔɔ bɛhakyi bɛ nzi bɛzi Ɛdɛnkɛma, mɔɔ bɛmkpondɛ ye, yɛɛ bɛmbiza ye ɛkɛ ne edwɛkɛ la, mebazɛkye bɛ muala.”

Mɛla 29:18

Bɛnlea boɛ na bɛ bie, raalɛ o, nrenya o, mbusua ekpulike anzɛɛ abusua ekpunli, andwe ɔ nwo anvi Ɛdɛnkɛma yɛ Nyamenle ne anwo angɔnzonle maanle zɔhane mɔ awozonle ne mɔ. Bɛnlea boɛ na bɛ bie anyɛ ɔ nwo ndinli ɛtane mɔɔ fifi so ma ɛnwonle mɔɔ ku sonla la.