Emɔzo Buluku ne 5:6 - BAEBOLO ANZƐƐ BULUKU NWUANZANWUANZA

⁶ Bɛkpondɛ Ɛdɛnkɛma abo zo, na bɛnyia ngoane. Saa bɛamkpondɛ ɔ bo zo a, ɔbayɛ senle yeazɔ Dwosefi sua nu, yeayela Bɛtɛle, na awie ɛnrɛhola ye nua ɛlɛ.

Emɔzo Buluku ne 5:6 ပူးပေါင်းရင်းမြစ်များ

2 Sam 19:20

ɔluakɛ menwu ye wienyi kɛ meyɛ ɛtane; yemɔti a mera la. Mame a mele sonla mɔɔ ɛlumua ɛvi Dwosefi abusua ekpunli ne anu ɛra kɛ meba mearayia me awulae belemgbunli a.”

1 Arl 11:28

ɛnee Gyɛlɔbowam le kpavolɛ katakyie mɔɔ anwo yɛ se a. Sɔlɔmɔn nwunle ye zɛhae la ɔvale ye ɔziele kpanyinli mɔɔ nea Dwosefi sua nu amra mɔɔ ɛlɛyɛ mialeranu gyima la anwo zo.

2 Edk 34:25

Bɛgyakyi me ɛzonlenlɛ na bɛyela ɛyɛlɛ bɛmaa nyamenle gyɛne na bɛlua bɛ sa anloa gyima zo bɛyɛ nyɛleɛ bɛha me ɛya. Yemɔti mebadea azɛlɛ ɛhye azo amra kpalɛ kpalɛ. Bɛkpɔda me a menrɛdie!

Edwɛndolɛ Buluku ne 27:8

Wɔha kɛ, “Kpondɛ me nyunlu.” Meka ye me ahonle nu mekile wɔ kɛ, “Ɛdɛnkɛma, ɛ nyunlu ala a mekpondɛ a.”

Edwɛndolɛ Buluku ne 69:33

Ɔluakɛ Ɛdɛnkɛma te bɛdabɛ mɔɔ bɛhyia la ane, yɛɛ ɔmkpo ye ɛdeɛ ne mɔ mɔɔ wɔ ngyelelɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:6

“Saa awie to senle na ɔmaa ɔsɔ ɔkɔyela awie abɛlɛ mɔɔ yebu yehua anzɛɛ gyigyi anzɛɛ ɔyela ɛya avule a, ahenle mɔɔ dole senle ne la ɔwɔ kɛ sie ye kɔsɔɔti abo zo.

Ayezaya Buluku ne 1:31

Bɛdabɛ mɔɔ bɛ nwo yɛ se la, bɛbahwenle bɛ aze, na bɛ nyɛleɛ bayɛ senle mgbomgbɔ ayela bɛ nee bɛ gyima, na awie ɛnrɛhola ye nua.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Ayezaya Buluku ne 55:6

Bɛkpondɛ Ɛdɛnkɛma na bɛkɛnwu ye, bɛbodo bɛzɛlɛ ye na ɔbikye;

Gyɛlɛmaya Buluku ne 38:20

Gyɛlɛmaya hanle kɛ, “Bɛnrɛye wɔ bɛnrɛmaa bɛ. Wɔmɔ tie edwɛkɛ mɔɔ Ɛdɛnkɛma ɛva ɛzoa me, mɔɔ melɛka meahile wɔ la na ɔbayɛ boɛ yeamaa wɔ, bɛnrɛhu wɔ.

Gyɛlɛmaya Buluku ne 4:4

Bɛmɛ Dwudama nee Gyɛlusalɛmma, bɛdu bɛ nwo bɛmaa medame Ɛdɛnkɛma, na bɛde bɛ ahonle nu, anrɛɛ bɛ ninyɛmunli ne mɔ mɔɔ bɛyɛ la ati, me ɛya ne bazɔ kɛ senle, na awie biala ɛnrɛhola ye nua.”

Gyɛlɛmaya Buluku ne 7:20

Yemɔti medame Awulae Nyamenle, mese: Mebawola me ɛya ne meagua Ɛzonlenlɛ Sua ye azo. Mebawola meagua menli nee nyɛmoa nwo zo, ɛbɔ nu mbaka nee azɛlɛ ye azo bɛyɔba zo. Me ɛya ne bazɔ kpole kpalɛ mɔɔ awie ɛnrɛhola ye nua a.”

Yizikeɛle Buluku ne 21:3

na ka kɛ, Ɛdɛnkɛma se: Bɛnlea, mele bɛ kpɔvolɛ, mebahwe me dadeɛ ne wɔ ye boa ne anu, na meahu amumuyɛma nee tenlenema amuala.

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Yizikeɛle Buluku ne 37:19

ka kile bɛ kɛ, Awulae Nyamenle ne se: Bɛnlea, meyɛ kɛ mefa Dwosefi baka ne (mɔɔ Yifelaem lɛ ye ɔ sa nu la) nee Yizilayɛ mbusua ekpunli ekpunli ne mɔ mɔɔ nee ye ɛyɛ ko la, na meava ye nee Dwuda baka ɛdeɛ ne meabɔ bɛ nu meayɛ bɛ baka ko wɔ me sa nu.

Emɔzo Buluku ne 3:14

Kenle mɔɔ menwɔdea Yizilayɛma wɔ bɛ ɛtane ne mɔ ati la, mebazɛkye Bɛtɛle azukponle ne mɔ, na azukponle biala mgbɛne zo nna ne azo kpokpɔkoo ne mɔ babubu agua aze.

Emɔzo Buluku ne 5:14

Yɛ mɔɔ le kpalɛ la, mmayɛ mɔɔ le ɛtane la, amaa wɔadɛnla ngoane nu, na Ɛdɛnkɛma, Tumivolɛ Nyamenle ne nee wɔ alua, kɛmɔ ɛdawɔ wɔha la.

Emɔzo Buluku ne 5:4

Ɛdɛnkɛma ɛlɛse Yizilayɛma kɛ, “Bɛkpondɛ me bo zo na bɛkɛnyia ngoane.

Emɔzo Buluku ne 6:6

Bɛno nwanye wɔ ahyɛnze bonkuma nu na bɛgua anatele evuanlɛ, na bɛnzu Yizilayɛ nee ye ɛzɛkyelɛ.

Zɛfanaya Buluku ne 2:3

Bɛdabɛ mɔɔ bɛbɛlɛ bɛ nwo aze wɔ azɛlɛ ne azo, na bɛyɛ mɔɔ Ɛdɛnkɛma kɛze bɛ la, bɛkpondɛ Ɛdɛnkɛma. Bɛyɛ mɔɔ le tenlene na bɛbɛlɛ bɛ nwo aze kɛ wɔannea a bɛkɛheda bɛ nwo zo wɔ Ɛdɛnkɛma ɛya kenle ne anu.

Zɛkalaya Buluku ne 10:6

“Mebamaa Dwudama anwo ayɛ se, yɛɛ mebalie Dwosefi sua nu amra. Mebanwu bɛ anwunvɔne, na me nee bɛ kɔsɔɔti azia ara sua nu. Bɛbayɛ kɛ asɛɛ metɛkpole bɛ, ɔluakɛ medame a mele Ɛdɛnkɛma bɛ Nyamenle ne a, mebadie bɛ nzɛlɛlɛ.

Mɛla 32:22

Ɔluakɛ me ɛya sɔ kɛ senle, ɔsɔ toonwo ɔdwu ɛbolɔ. Ɔyela azɛlɛ ye nee zolɛ debie biala, na ɔmaa awoka ne mɔ adiabo yela.

Mɛla 4:24

Ɔluakɛ Ɛdɛnkɛma bɛ Nyamenle ne le sendɔlɔra. Ɔle Nyamenle mɔɔ twe nungule.

Dwɔhyua Buluku ne 18:5

Bɛbahyɛ azɛlɛ ne anu nsuu bɛamaa bɛ: Dwuda badɛnla ye ɛdeɛ ne azo wɔ nyiakɛ, na Dwosefi adɛnla ye sɔlɔ.