Emɔzo Buluku ne 5:5 - BAEBOLO ANZƐƐ BULUKU NWUANZANWUANZA

⁵ Bɛmmakɔ Biyɛhyiba bɛkɔsonle. Bɛmmakpondɛ me wɔ Bɛtɛle, Bɛtɛle bayɛ mgbane. Bɛmmakɔ Gelegale noko, ɔluakɛ bɛbahye ye menli ne kɔsɔɔti bɛahɔ nlɔnu.”

Emɔzo Buluku ne 5:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:31

Ɛhye ati bɛvɛlɛle ɛleka ne Biyɛhyiba, ɔboalekɛ ɛkɛ ne yɛɛ bɛ mu nwiɔ bɛlile amonle a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:33

Ebileham luale “Tamaleseke” baka wɔ Biyɛhyiba ɛkɛ, na ɔzonlenle Ɛdɛnkɛma, Damɛnlangoate Nyamenle ne wɔ ɛkɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:23

Ayezeke vi ɛkɛ ne la ɔhɔle Biyɛhyiba.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:33

“Yɛnyia nzule.” Ɔvɛlɛle ye Hyiba. Yemɔti ɛnɛ nee ɛnɛ, bɛfɛlɛ suakpole ne Biyɛhyiba.

1 Arl 12:28

Yemɔti ɔdwenlenle nwolɛ na ɔvale ezukoa nvutuke ɔguale nlankɛ mralɛ ananze nwiɔ na ɔhanle ɔhilele menli ne kɛ, “Bɛhɔ Gyɛlusalɛm bɛvɛ bie ala, yeyɛ boɛ! Yizilayɛma, bɛnlea! Bɛ nyamenle ne mɔ mɔɔ nee bɛ vi Yigyibiti rale la ɛne.”

1 Arl 12:29

Ɔvale nlankɛ ne mɔ ko ɔziele Bɛtɛle na ɔvale ko ɔziele Dan.

2 Arl 23:8

Ɔmanle bɛ nee sɛlɛvolɛma mɔɔ wɔ Dwuda maanle ne anu la amuala rale Gyɛlusalɛm na ɔzɛkyele azukponle biala mɔɔ bɛyɛle maanle ne anu, ɔvi Giba mɔɔ kɔdwu Biyɛhyiba la. Eza ɔmanle bɛbubule azukponle ne mɔ mɔɔ bɛsisile bɛmanle mmonle ne mɔ mɔɔ ɛnee wɔ anlenkɛ kpole ne mɔɔ Dwɔhyua, mɔɔ le suakpole ne azo neavolɛ ne zile la anloa la. Mmonle zɔhane, saa ɛlɛwolo suakpole ne azo anuhɔlɛ kpole ne anu a ɛnee ɔwɔ bɛne zo.

Dwobu Buluku ne 8:22

Menli mɔɔ kpɔ wɔ la baheda anyiemgba ɛdanlɛ, na amumuyɛma awuke ne mɔ abɔ tɔɔ.”

Edwɛndolɛ Buluku ne 33:10

Ɛdɛnkɛma maa maanle maanle adwenle ngyehyɛlɛ yɛ mgbane; ɔsɛkye menli ngyehyɛlɛ mɔɔ bɛkɛhyehyɛ la.

Ayezaya Buluku ne 29:20

Ɔluakɛ atisesebɛma ɛnrɛnyia ɛleka ɛnrɛgyinla yɛɛ agolobɛnwo bazi aze, na bɛbazɛkye bɛdabɛ mɔɔ bɛtetɛ bɛdi ɛtane la kɔsɔɔti.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Gyɛlɛmaya Buluku ne 48:13

Na Mowabe anyunlu bagua aze, ɔlua ye bozonle Kimɔhye ati, kɛmɔ Yizilayɛma anyunlu guale aze wɔ Bɛtɛle mɔɔ ɛnee bɛ rɛle wɔ ye nu la.

Hozia Buluku ne 10:8

Bɛbazɛkye awoka zo ɛzonlenlɛ ɛleka ne mɔ mɔɔ wɔ Evɛn mɔɔ Yizilayɛma kɔ ɛkɛ kɔsonle na bɛyɛ ɛtane la. Mbowule nee ndile bafifi bɛ azukponle ne mɔ azo. Na bɛbaha bɛahile awoka ne mɔ kɛ, “Bɛheda yɛ nwo zo!” na bɛaha bɛahile awoka ngyikyi kɛ, “Bɛdu bɛgua yɛ nwo zo.”

Hozia Buluku ne 12:11

Saa ninyɛndane bie tɛbɔ Geleade a, zolɛ ɛnrɛra nvasoɛ biala. Saa bɛfa nlankɛ nyinli bɛbɔ azu wɔ Gelegale a, azukponle ne mɔ mɔɔ wɔ ɛkɛ la bayɛ awolɛ edukue wɔ ɛya nu kofie ne mɔ avinli.”

Hozia Buluku ne 4:15

“Saa bɛmɛ Yizilayɛma, bɛbɔ tuutuu ɛbɛla a, Dwudama ɛnli nwolɛ fɔlɛ. Bɛmmakɔ Gelegale anzɛɛ Bɛteevɛn kɛ bɛkazonle, yɛɛ bɛmmafa ‘Tease Ɛdɛnkɛma’ duma bɛka ndane.

Hozia Buluku ne 9:15

Ɛdɛnkɛma se, “Bɛ ɛtane ne mɔ kɔsɔɔti bɔle ɔ bo wɔ Gelegale. Ɛkɛ ne yɛɛ membɔle ɔ bo kɛ mekyi bɛ a. Ɔlua bɛ amumuyɛ nyɛleɛ ne mɔ ati, mebadu bɛ me sua nu ɛkɛ. Menrɛhulo bɛ bieko ɛlɛ; bɛ arelemgbunli ne mɔ kɔsɔɔti ɛde me nwo atua.

Emɔzo Buluku ne 1:5

Mebagologolo suakpole Dɛmasekɛse nlenkɛ mgbole ne mɔ na meaye Evɛn Bɔnza ne anu amra nee Bɛteyidɛn meavi me nye zo. Bɛbahye Seleama bɛahɔ nlɔnu wɔ Kɛɛ.”

Emɔzo Buluku ne 3:14

Kenle mɔɔ menwɔdea Yizilayɛma wɔ bɛ ɛtane ne mɔ ati la, mebazɛkye Bɛtɛle azukponle ne mɔ, na azukponle biala mgbɛne zo nna ne azo kpokpɔkoo ne mɔ babubu agua aze.

Emɔzo Buluku ne 4:4

Awulae Nyamenle se, “Yizilayɛma, bɛhɔ Bɛtɛle ɛleka nwuanzanwuanza ne na bɛhɔdo mɛla ne mɔ. Bɛhɔ Gelegale bɛhɔtietia mɛla ne azo! Bɛhɔ zolɛ bɛbɔ azu nwonlomɔ biala, na bɛva bɛ ngyɛnu bulu ɛkpɔ ko ne bɛrɛla kenle nsa nsa.

Emɔzo Buluku ne 7:10

Amazaya, Bɛtɛle sɛlɛvolɛ ne hɔdoanle Emɔso hilele Yizilayɛ Belemgbunli Gyɛlɔbowam kɛ, “Emɔso ɛlɛmaa menli ne ɛ nwo adwenle ɛtane. Ye ngehanleɛ ne mɔ ɛbo maanle ne anwo zo.

Emɔzo Buluku ne 7:13

Mmaka Nyamenle nrɛlaleɛ bieko wɔ Bɛtɛle ɛke. Ɛke a le belemgbunli ne ɛleka nwuanzanwuanza ne a, yɛɛ ɔle maanle ne ɛzonlenlɛ sua.”

Emɔzo Buluku ne 7:17

Yemɔti, Amazaya, Ɛdɛnkɛma se menga mengile wɔ kɛ, ‘Ɛ ye bayɛ tuutuu ala suakpole ye azo, yɛɛ ɛ mra mrenya nee ɛ mra mraalɛ badɔ dadeɛ nloa. Bɛbahyɛ wɔ azɛlɛ ne bɛamaa awie mɔ, yɛɛ ɛdawɔ mumua ne ɛbawu menli mɔɔ ɛnze Nyamenle la maanle nu. Na Yizilayɛma ɛdeɛ, bɛbahye bɛ bɛ nee bɛ avi bɛ maanle ye anu ahɔ nlɔnu.’ ”

Emɔzo Buluku ne 7:9

Ɛleka ne mɔ mɔɔ Ayezeke zonlenle la, mebazɛkye bɛ. Mebazɛkye Yizilayɛ ɛleka nwuanzanwuanza ne mɔ. Mebamaa belemgbunli Gyɛlɔbowam abo zo amra amuala awu dadeɛ nloa.”

Emɔzo Buluku ne 8:14

Bɛdabɛ mɔɔ bɛfa Samɛlea awozonle ananze ne mɔ bɛka ndane kɛ, ‘Meka Dan bozonle ne’, anzɛɛ ‘Meka Biyɛhyiba bozonle ne’ la amuala bagua aze, yɛɛ bɛnrɛdwazo bieko.”

1 Kɔl 1:28

Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

Mɛla 28:41

Bɛbawo mralɛ mrenya nee mralɛ mraalɛ, noko bɛnrɛyɛ bɛ ɛdeɛ, ɔluakɛ bɛbahye bɛ nuokɛ.

Dwɔhyua Buluku ne 5:9

Ɛdɛnkɛma zele Dwɔhyua kɛ, “Ɛnɛ kenle ye, nyiane ne mɔɔ kile kɛ bɛle ngɛkɛlɛ wɔ Yigyibiti azɛlɛ zo la, meye mevi ɛkɛ.” Yemɔti bɛvɛlɛle ɛkɛ ne Gelegale, duma ne tɛbɔ ɛkɛ ne kɛkala.

Yekile 18:17

Yemɔ a dɔnehwele ko ala ye anwonyia ne amuala ɛminli la!” Menli mɔɔ ka meli nee bɛdabɛ mɔɔ bɛyɛ gyima wɔ nu nee adendulɛma nee bɛdabɛ mɔɔ nyevile nye a bɛdidi la amuala gyinlanle amozi moa moa,

1 Sam 11:14

Na Samoɛle zele bɛ kɛ, “Bɛmaa yɛ kɔsɔɔti yɛhɔ Gelegale yɛhɔzi zolɛ bieko kɛ Sɔɔlo le yɛ belemgbunli.”

1 Sam 7:16

Ɔde aze la ɛvolɛ biala ɔkpɔsa bɛ nwo zo; ɔkɔ Bɛtɛle, Gelegale nee Mezepa na ɔsiezie manzonle manzonle mɔɔ wɔ azuamgbole ɛhye mɔ azo la amuala.

1 Sam 8:2

Bɛfɛlɛ ɔ ra nrenya kpanyinli ne Dwowɛle yɛɛ bɛfɛlɛ ekyi ne Abaegya; bɛyɛle maanlebuvoma wɔ Biyɛhyiba.