Emɔzo Buluku ne 5:4 - BAEBOLO ANZƐƐ BULUKU NWUANZANWUANZA

⁴ Ɛdɛnkɛma ɛlɛse Yizilayɛma kɛ, “Bɛkpondɛ me bo zo na bɛkɛnyia ngoane.

Emɔzo Buluku ne 5:4 ပူးပေါင်းရင်းမြစ်များ

2 Arl 20:3

“Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu yɛɛ mebɔ mɔdenle biala kɛ menwɔyɛ debie biala mɔɔ ɛkpondɛ kɛ meyɛ la.” Na ɔbɔle ɔ bo kɛ ɔsu.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 20:4

Na Dwudama amuala yiale kɛ bɛsɛlɛ Ɛdɛnkɛma moalɛ, menli vi Dwuda azuamgbole ne mɔ amuala azo rale nzɛlɛlɛ ne bie.

2 Edk 34:3

Belemgbunli Dwosaya lile ɛvolɛ mɔtwɛ wɔ ebia ne azo la, ɛnee ɔtɛde kakula bɔbɔ ɛdeɛ, noko ɔmanle ɔ nye bolole kɛ ɔsonle ɔ ze Devidi Nyamenle ne. Ɔlile ɛvolɛ bulu nee nwiɔ wɔ ebia ne azo la, ɔbɔle ɔ bo kɛ ɔtu awozonle ɛzonlenlɛ bo wɔ Dwuda nee Gyɛlusalɛm amuala, na ɔyeyele bɛ bozonle raalɛ Ahyela ne ananze ne mɔ, nee ananze ngakyile mɔɔ bɛgua nee mɔɔ bɛze la amuala.

Edwɛndolɛ Buluku ne 14:2

Ɛdɛnkɛma bele ɔ nye anwuma lɔ nea menli, ɔnea saa nrɛlɛbɛvolɛma bie wɔ nu mɔɔ sonle Nyamenle a.

Edwɛndolɛ Buluku ne 22:26

Ehyianli bali ɔ ko ayi, bɛdabɛ mɔɔ bɛkpondɛ Ɛdɛnkɛma la baye ye ayɛlɛ. Ɛdɛnkɛma ɛmaa bɛnyi bɛhyɛ!

Edwɛndolɛ Buluku ne 27:8

Wɔha kɛ, “Kpondɛ me nyunlu.” Meka ye me ahonle nu mekile wɔ kɛ, “Ɛdɛnkɛma, ɛ nyunlu ala a mekpondɛ a.”

Edwɛndolɛ Buluku ne 69:32

Maa bɛdabɛ mɔɔ bɛlɛsisi bɛ la ɛnwu ɛhye na bɛ nye ɛlie, bɛdabɛ mɔɔ bɛkpondɛ Nyamenle la, bɛzi bɛ ahonle.

Edwɛndolɛ Buluku ne 69:33

Ɔluakɛ Ɛdɛnkɛma te bɛdabɛ mɔɔ bɛhyia la ane, yɛɛ ɔmkpo ye ɛdeɛ ne mɔ mɔɔ wɔ ngyelelɛ nu la.

Ayezaya Buluku ne 31:1

Munzule ɛha bɛdabɛ mɔɔ bɛkɔ Yigyibiti kɛ bɛkabiza moalɛ, na bɛva bɛ rɛle bɛdo mgbɔnwɔ nwo zo la. Munzule ɛha bɛ kɛ bɛva bɛ rɛle bɛdo konle ehwili dɔɔnwo nee mgbɔnwɔ kavolɛma mɔɔ anwo yɛ se la anwo zo na bɛnnea Yizilayɛ Nwuanzanwuanza Ko ne anzɛɛ bɛmbiza Ɛdɛnkɛma la!

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Gyɛlɛmaya Buluku ne 38:20

Gyɛlɛmaya hanle kɛ, “Bɛnrɛye wɔ bɛnrɛmaa bɛ. Wɔmɔ tie edwɛkɛ mɔɔ Ɛdɛnkɛma ɛva ɛzoa me, mɔɔ melɛka meahile wɔ la na ɔbayɛ boɛ yeamaa wɔ, bɛnrɛhu wɔ.

Yizikeɛle Buluku ne 18:9

ɔdi me mɛla zo na ɔnea ɔdi me ngyehyɛlɛ ne mɔ kɔsɔɔti azo a, sonla zɛhae, ɔle tenlenenli, ɔbadɛnla ngoane nu, medame Awulae Nyamenle a mese a.

Hozia Buluku ne 10:12

Menganle kɛ, ‘Bɛlua tenleneyɛlɛ ma na bɛabu ɛhulolɛ kpundii. Bɛzo azɛlɛ ne mɔɔ la mgbane la, ɔluakɛ mekɛ ɛdwu mɔɔ ɔwɔ kɛ bɛkpondɛ medame, Ɛdɛnkɛma me bo zo a, amaa meara na mearawola ngoanelielɛ meagua bɛ nwo zo.’

Emɔzo Buluku ne 5:6

Bɛkpondɛ Ɛdɛnkɛma abo zo, na bɛnyia ngoane. Saa bɛamkpondɛ ɔ bo zo a, ɔbayɛ senle yeazɔ Dwosefi sua nu, yeayela Bɛtɛle, na awie ɛnrɛhola ye nua ɛlɛ.

Zɛfanaya Buluku ne 2:3

Bɛdabɛ mɔɔ bɛbɛlɛ bɛ nwo aze wɔ azɛlɛ ne azo, na bɛyɛ mɔɔ Ɛdɛnkɛma kɛze bɛ la, bɛkpondɛ Ɛdɛnkɛma. Bɛyɛ mɔɔ le tenlene na bɛbɛlɛ bɛ nwo aze kɛ wɔannea a bɛkɛheda bɛ nwo zo wɔ Ɛdɛnkɛma ɛya kenle ne anu.

Edwɛkpa ne kɛmɔ Mateyu hɛlɛle la 7:8

Ɔluakɛ awie biala mɔɔ biza la asa ka ye; mɔɔ kpondɛ la nwu ye, yɛɛ mɔɔ bɔ nu la, bɛbuke ye.

Mɛla 32:46

ɔzele bɛ kɛ, “Bɛva mɛla mɔɔ meva memaa bɛ ɛnɛ la amuala bɛzie bɛ ahonle nu na bɛli zolɛ, amaa bɛaha bɛahile bɛ mra, na bɛdabɛ noko bɛali zolɛ.

Mɛla 32:47

Ɔnle nwɔwe edwɛkɛ; ɔle bɛ ngoane. Bɛdi zolɛ a bɛbanyi bɛahyɛ wɔ azɛlɛ ne mɔɔ bɛlɛkɔ bɛahɔva wɔ Azule Dwɔdan ne anzi lɔ la azo.”

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.