Emɔzo Buluku ne 5:3 - BAEBOLO ANZƐƐ BULUKU NWUANZANWUANZA

³ Awulae Nyamenle ne se, “Suakpole mɔɔ vale ɛlɔnema apenle ko hɔle la bava ɛya ko ala a azia ara a; yɛɛ suakpole mɔɔ vale ɛya ko hɔle la, bulu ala a bazia ara Yizilayɛ a.”

Emɔzo Buluku ne 5:3 ပူးပေါင်းရင်းမြစ်များ

Edwɛndolɛ Buluku ne 144:14

Maa yɛ nlankɛ ɛnrenzɛnrenzɛ; mmamaa bɛ ko kpɔne yɛɛ mmamaa bɛdi abawuo. Mmamaa yɛte nyane ɛzunlɛ biala wɔ yɛ kpalɛ ne mɔ azo.

Ayezaya Buluku ne 1:9

Saa Tumivolɛ Ɛdɛnkɛma anvavi, angyakyi yɛ menli ekyi a anrɛɛ yɛyɛle kɛ Sodɔm nee Gomɔla la.

Ayezaya Buluku ne 10:22

Ɔluakɛ saa wɔ menli Yizilayɛma anwo zonle kɛ ɛnweazo anwea bɔbɔ a, bɛdabɛ mɔɔ bɛhale la anu ekyi bie a bazia ara a. Ɛdɛnkɛma ɛbɔ kpɔkɛ kɛ ɔsɛkye bɛ, na bɛbalua pɛlepɛlelilɛ zo a bɛazɛkye bɛ a.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Yizikeɛle Buluku ne 12:16

Noko mebamaa bɛ nuhua ekyi avi ɛsalɛ, mɔɔ bɛnrɛhu bɛ, yɛɛ ewulenzane nee ɛhɔne ɛnrɛmaa bɛnrɛwu, amaa bɛaha bɛ bɛkyi nyɛleɛ ne mɔ mɔɔ bɛyɛle la bɛahile maanle maanle mɔɔ bɛkɛhɔdo bɛ la, na bɛanwu kɛ medame a mele Ɛdɛnkɛma a.”

Emɔzo Buluku ne 6:9

Saa menli bulu ka awuke ko anu a bɛbawu.

Wulo 9:27

Ayezaya hanle ye wɔ Yizilayɛma anwo kɛ, “Saa Yizilayɛma zonle kɛ ɛnweazo anwea bɔbɔ a, ekyi bie yɛɛ bɛbalie bɛ ngoane a,

Mɛla 28:62

Kɛkala, bɛ nwo zonle kɛ anwomanyunlu nwɔlɔra, noko saa bɛandie Ɛdɛnkɛma bɛ Nyamenle ne ane a, bɛ nwo baha ekyi.

Mɛla 28:63

Na kɛ Ɛdɛnkɛma anye zile liele bɛ nwo mɔɔ yemaa bɛ nwo ɛzo zɛhae la, zɔhane ala yɛɛ ɔbayɛ yeava munzule yeara bɛ nwo zo, na yeazɛkye bɛ wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo a.

Mɛla 4:27

Na Ɛdɛnkɛma bakponde bɛ wɔ maanle maanle ne mɔ avinli. Maanle biala noko mɔɔ Ɛdɛnkɛma kɛhɔgua bɛ nu la, bɛ nwo ɛnrɛzo, bɛbaha ekyi,