Emɔzo Buluku ne 5:2 - BAEBOLO ANZƐƐ BULUKU NWUANZANWUANZA

² “Belamunli Yizilayɛ ɛdɔ aze, Ɔnrɛdwazo bieko ɛlɛ! Bɛkpo ye, wɔ ɔdaye ye azɛlɛ zo, Awie biala ɛnrɛkpogya ye zo.”

Emɔzo Buluku ne 5:2 ပူးပေါင်းရင်းမြစ်များ

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

2 Arl 17:16

Bɛbulule Ɛdɛnkɛma bɛ Nyamenle ne mɛla mɔɔ ɔvale ɔmanle bɛ la kɔsɔɔti azo, na bɛvale ninyɛne bɛholole bɛguale nlankɛ nyinli ananze nwiɔ bɛzonlenle bɛ. Eza bɛyɛle bɛ bozonle raalɛ Ahyela ne ananze, na bɛzonlenle anwomanyunlu ninyɛne nee bozonle Beeyale.

Ayezaya Buluku ne 14:21

Bɛhu ɔ mra mrenya ne mɔ: Bɛ ze mɔ ɛtane ne mɔ ati ɔwɔ kɛ bɛwu, anrɛɛ bɛkɛdwazo bɛkɛva ewiade ne na bɛkɛkyekye azuamgbole.”

Ayezaya Buluku ne 24:20

Azɛlɛ ye ɛyɛ konikoni kɛ sonla mɔɔ ɛbo nza la, na yehyea kɛ kpɔda. Ye ɛtane ɛbo ɔ nwo zo, na ɔbagolo yeagua mɔɔ ɔnrɛdwazo bieko ɛlɛ a.

Ayezaya Buluku ne 3:8

Dwuda maanle ne ɛzɛkye, Gyɛlusalɛm ɛbɔ, ɔboalekɛ bɛ ɛdendɛlɛ nee bɛ nyɛleɛ muala tia Ɛdɛnkɛma. Bɛngulo kɛ bɛnwu ye anyunlunyia ne.

Ayezaya Buluku ne 37:22

Na kɛ medame Ɛdɛnkɛma mese la ɛne: Sɛnakɛlebe, Gyɛlusalɛm suakpole ye azo amra ɛmbu wɔ bie, bɛsele wɔ ala.

Ayezaya Buluku ne 43:17

yemɔ mɔɔ ɔka konle ehwili nee mgbɔnwɔ ɔgua, ɔbɛlɛ ɛlɔnema nee ɛlɔne nu katakyiema aze; ɔka bɛ ɔgua mɔɔ bɛngola dwazo bieko, ɔnua bɛ kɛ senle, ɔminli bɛ bo zo la se,

Gyɛlɛmaya Buluku ne 14:17

Ɛdɛnkɛma zele me kɛ menga me nyane mengile menli ne mɔ kɛ: “Mesu meamaa monle abia me takaa alehyenlɛ nee aledwolɛ. Menrɛgyakyi ɛzunlɛ, ɔluakɛ bɛbodɛboda me menli ne, bɛanzuzu bɛamboda bɛ.

Gyɛlɛmaya Buluku ne 18:13

Zɔhane ati Ɛdɛnkɛma se, “Biza maanle maanle ne mɔ kɛ nwane a ɛde edwɛkɛ zɛhae bie ɛlɛ a? Yizilayɛma ɛyɛ bɛkyi debie ɛzulolɛ kpole kpalɛ.

Gyɛlɛmaya Buluku ne 2:27

mɔɔ ka kile baka kɛ, ‘Ɛle me ze,’ na bɛka bɛkile bolɛ kɛ, ‘Ɛdawɔ a ɛwole me a.’ Ɔluakɛ bɛhakyi bɛ nzi bɛzi me, bɛnva bɛ nyunlu bɛmba. Na ngyegyelɛ to bɛ a ɛnee bɛse, ‘Dwazo na die yɛ.’

Gyɛlɛmaya Buluku ne 31:4

O Yizilayɛma, mebatete bɛ, na bɛbanyi. Bɛbasesa bɛ ahenle ne mɔ bieko, yɛɛ bɛbazi agole bɛ nye alie.

Gyɛlɛmaya Buluku ne 4:20

Anwubɛnyunlu doa anwubɛnyunlu, maanle ne ɛbɔ bɔkɔɔ. Arɛlevilɛ nu, me ndanlɛ azua ne mɔ ɛzɛkye; me mgbɛnu ndanlɛ ne mɔ ɛtete nzokanzoka.

Gyɛlɛmaya Buluku ne 50:32

Babelonia adubɛnwo badu koti, akpo aze, na ɔnrɛnyia awie ɛnrɛdwazo ye. Mebado senle ye azuamgbole ne mɔ azo, na senle ne bayela debie biala mɔɔ ɛbɔ ɛyia ye la.

Gyɛlɛmaya Buluku ne 51:64

na ka kɛ, ‘Kɛ Babelonia bazi anloma la ɛne. Ɔnrɛdwazo bieko ɛlɛ, ɔboalekɛ melɛmaa munzule ara ɔ nwo zo.’ ” Gyɛlɛmaya edwɛkɛ ne awieleɛ ɛne.

Gyɛlɛmaya Buluku ne 8:4

Ɛdɛnkɛma zele me kɛ, “Biza menli ne kɛ saa sonla tɔ aze a, ɔndwazo ɔ? Saa sonla fo adenle a ɔnzia ɔ nzi ɔ?

Gyɛlɛmaya Buluku ne 9:21

Ewule ɛlua yɛ nvɛnzɛlɛ ne mɔ anu ɛra yɛ azua nu; yehu ngakula mɔɔ wɔ awɔdenle ne mɔ azo nee mgbavolɛ mɔɔ wɔ ɛleka kpatawienyi ne mɔ la.

Gyɛlɛmaya Buluku ne 9:9

Medame Ɛdɛnkɛma, mebiza kɛ: Ɔnle kɛ metea bɛ wɔ ninyɛndane ɛhye mɔ anwo ɔ? Ɔnle kɛ mesenra maanle mɔɔ le zɛhae la ɔ?

Gyɛlɛmaya Awolɛyelɛ 2:13

O Gyɛlusalɛmma, duzu a menga a, duzu a menva bɛ mendo nwo a? Duzu a menva bɛ mendo nwolɛ, amaa meakyekye bɛ rɛle a, O Gyɛlusalɛm? Ɔluakɛ mɔɔ ɛdo bɛ la le kpole tɛla nyevile tandane; awie ɛngola nwolɛ ɛhwee yɛ.

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Hozia Buluku ne 6:2

Kenle nwiɔ ne azo ɔbamaa yɛabɔzɔbɔzɔ, na ye kenle nsa ne azo yeadwazo yɛ, na yɛadɛnla ngoane nu.

Emɔzo Buluku ne 8:14

Bɛdabɛ mɔɔ bɛfa Samɛlea awozonle ananze ne mɔ bɛka ndane kɛ, ‘Meka Dan bozonle ne’, anzɛɛ ‘Meka Biyɛhyiba bozonle ne’ la amuala bagua aze, yɛɛ bɛnrɛdwazo bieko.”

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.