Emɔzo Buluku ne 5:18 - BAEBOLO ANZƐƐ BULUKU NWUANZANWUANZA

¹⁸ Munzule ɛha bɛdabɛ mɔɔ bɛ kunlu a anrɛɛ Ɛdɛnkɛma kenle ne ɛdwu la! Duzu nvasoɛ a kenle zɔhane bayɛ amaa bɛ a? Ɔluakɛ ɔle awozinli kenle, ɔnle kenle mɔɔ anu te a.

Emɔzo Buluku ne 5:18 ပူးပေါင်းရင်းမြစ်များ

Ayezaya Buluku ne 13:6

Bɛzu bɛye awolɛ, ɔluakɛ Ɛdɛnkɛma kenle ne ɛbikye; ɔle kenle mɔɔ Tumivolɛ ne bava azɛkye ninyɛne a.

Ayezaya Buluku ne 24:18

Mɔɔ kɛde ɛzulolɛ nganeɛ na ɔkɛnriandi la bahɔdɔ ewule kuma nu, yɛɛ mɔɔ kɛbɔ mɔdenle kɛvo file zo kɛvi ewule kuma nu la badɔ ɛhane nu. Ɔluakɛ bɛbukebuke anwuma nvɛnzɛlɛ ne mɔ, na azɛlɛ ye adiabo ne mɔ ɛlɛkpusu.

Ayezaya Buluku ne 5:19

Dahuu bɛ edwɛkɛ a le kɛ, “Bɛmaa ɔha ɔ nwo ɔyɛ ye waa, ɔyɛ ye gyima ne ndɛndɛ ɔmaa yɛnlea. Bɛmaa Yizilayɛ Nwuanzanwuanza Ko ne ɛrɛla, ɛrayɛ mɔɔ yehyehyɛ la ɔmaa yɛnlea!”

Ayezaya Buluku ne 5:30

Mekɛ ne anu, bɛbahulu kɛ nyevile. Na saa awie to ɔ nye nea maanle ne a, ɔbanwu kɛ awozinli nee nyane ɛva ye, na amungu ɛheda zo.

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Ayezaya Buluku ne 8:22

bɛanlea aze, na mɔɔ bɛbanwu ye la a le arɛlebɔlɛ, awozinli, yɛɛ abodelɛ; na bɛbavuandi bɛ bɛagua awozinli kabii nu.

Ayezaya Buluku ne 9:19

Tumivolɛ Ɛdɛnkɛma ɛya mɔɔ ɛva la ɛzɔ ɛyela azɛlɛ ne, na menli ne ɛyɛ kɛ ɛyɛne mɔɔ wɔ senle nu la; adiema bɔbɔ ɛnze ɔ diema anwunvɔne.

Gyɛlɛmaya Buluku ne 13:16

Bɛwula Ɛdɛnkɛma bɛ Nyamenle ne anyunlunyia kolaa na yeamaa awozinli ava bɛ, na bɛandu koti wɔ awoka ne mɔ azo, amaa saa bɛkpondɛ wienyi a yeangakyi awozinli kabii.

Gyɛlɛmaya Buluku ne 17:15

Nea, menli ne ka kile me kɛ, “Ɛdɛnkɛma edwɛkɛ ne wɔ nienwu? Ɔva ɔrɛla ɛ!”

Gyɛlɛmaya Buluku ne 30:7

Bɛ gyakɔ! Ɔluakɛ kenle zɔhane yɛ ɛzulolɛ kpole; kenle biala nee ye ɛnzɛ. Ɔle nyanenwunlɛ mekɛ ɔmaa Yizilayɛma, noko bɛbalie bɛ bɛavi nuhua.”

Yizikeɛle Buluku ne 12:22

Ɔse, “Sonla ra, ɛrɛlɛ ɛhye mɔɔ Yizilayɛma ta bu la a le duzu? Bɛse, ‘Mekɛ ne ɛzenlɛ ala a se a, noko bɛ ɛnyelɛzodeɛnwunlɛ ne ɛnyɛ zɔhane.’

Yizikeɛle Buluku ne 12:27

“Sonla ra, nea, Yizilayɛma se, ‘Debie mɔɔ bɛkɛye bɛkɛhile ye wɔ ɛnyelɛzodeɛnwunlɛ nu kazi la, ɛnee yehyɛ, yɛɛ ye Nyamenle nrɛlaleɛ mɔɔ ɔfa ɔbɛlɛ ye la, kayɛ zɔhane la, ɛnee yehyɛ.’

Dwowɛle Buluku ne 1:15

Ɔbayɛ ɛzulolɛ kpole wɔ kenle ne! Ɔluakɛ Ɛdɛnkɛma kenle ne ɛbikye, ɔle kenle mɔɔ Tumivolɛ ne bava azɛkye ninyɛne a.

Dwowɛle Buluku ne 2:10

Saa bɛlɛba a azɛlɛ kpusu, anwumaneamra anwo wozo bɛ. Sɛnzɛne ne nee siane ne du, na nwɔlɔra gyakyi ɛdalɛ.

Dwowɛle Buluku ne 2:11

Ɛdɛnkɛma tendɛ ɛsesebɛ zo kile ye ɛlɔne ne. Ɔluakɛ ye ɛlɔne ne le kpole; mɔɔ di ye mɛla zo la anwo yɛ ɛzulolɛ. Ɔluakɛ Ɛdɛnkɛma kenle ne le kpole, ɔyɛ ɛzulolɛ. Nwane a kɛhola gyinla a?

Dwowɛle Buluku ne 2:31

Sɛnzɛne ne balu kisii, na siane ne ayɛ kɔkɔlɛ kɛ mogya kolaa na Ɛdɛnkɛma kenle kpole anu ɛzulolɛ ne ara.

Obadaya Buluku ne 1:15

“Mekɛ ne asɛɛ ɛdwu mɔɔ medame, Ɛdɛnkɛma, mebadea maanle omaanle ne mɔ a. Mɔɔ bɛdabɛ Yidɔmma bɛyɛle la, bɛbayɛ bɛ bie bɛadua, bɛ munzule babɔ bɛ ti.

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

Mɛla 32:24

Ɛhɔne bazɛkye bɛ muala, ewia samɛnlakɛ nee ewulenzane bayela bɛ wee. Mebamaa nanemgbole ahye bɛ ali, na nwɔlɛ akeka bɛ ahu bɛ.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

2 Pit 3:4

na bɛabiza kɛ, “Se ɔbɔle ɛwɔkɛ kɛ ɔbara, na ɔwɔ nienwu? Sumunli mɔmoane mɔɔ yɛ nlenya mɔ wule la, kɛ debie biala de, ɔvi aloamɔleɛ la yɛɛ ɔde a.”