Emɔzo Buluku ne 5:14 - BAEBOLO ANZƐƐ BULUKU NWUANZANWUANZA

¹⁴ Yɛ mɔɔ le kpalɛ la, mmayɛ mɔɔ le ɛtane la, amaa wɔadɛnla ngoane nu, na Ɛdɛnkɛma, Tumivolɛ Nyamenle ne nee wɔ alua, kɛmɔ ɛdawɔ wɔha la.

Emɔzo Buluku ne 5:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:23

Yeanvane nrenya ne mɔɔ nea pilizama anwo zo la anwo kɛ ɔkɛnlea debie mɔɔ bɛvale bɛwulale Dwosefi asa anu la, ɔboalekɛ ɛnee Ɛdɛnkɛma nee ye a lua a, yɛɛ debie biala mɔɔ ɔyɛle la, Ɛdɛnkɛma manle ɔyɛle kpalɛ.

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 97:10

Ɛdɛnkɛma kulo bɛdabɛ mɔɔ bɛkyi ɛtane la; ɔbɔ ɔdaye ye menli ne anwo bane; ɔdie bɛ ɔfi amumuyɛma asa anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12

Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Mrɛlɛbulɛ Buluku ne 11:27

Sonla mɔɔ pele kpondɛ kpalɛ bo zo la nyia ɔ nyunlu, yɛɛ munzule to mɔɔ kpondɛ munzule bo zo la.

Ayezaya Buluku ne 55:2

Duzu ati a bɛsɛkye bɛ ezukoa wɔ mɔɔ ɛnle aleɛ la anwo, na bɛsɛkye bɛ anwosesebɛ wɔ mɔɔ ɛmmaa ahunlundwolɛ la anwo ɛ? Bɛdie me kpalɛ, bɛli mɔɔ le kpalɛ la, na bɛmaa bɛ nye ɛlie aleɛ sosɔɔ nwo na bɛyɛ mbelane.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Emɔzo Buluku ne 3:3

Menli nwiɔ ɛngola ɛmbɔ nu ɛndu adenle, kyesɛ bɛka bɛsie.

Emɔzo Buluku ne 5:6

Bɛkpondɛ Ɛdɛnkɛma abo zo, na bɛnyia ngoane. Saa bɛamkpondɛ ɔ bo zo a, ɔbayɛ senle yeazɔ Dwosefi sua nu, yeayela Bɛtɛle, na awie ɛnrɛhola ye nua ɛlɛ.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Zɛfanaya Buluku ne 2:3

Bɛdabɛ mɔɔ bɛbɛlɛ bɛ nwo aze wɔ azɛlɛ ne azo, na bɛyɛ mɔɔ Ɛdɛnkɛma kɛze bɛ la, bɛkpondɛ Ɛdɛnkɛma. Bɛyɛ mɔɔ le tenlene na bɛbɛlɛ bɛ nwo aze kɛ wɔannea a bɛkɛheda bɛ nwo zo wɔ Ɛdɛnkɛma ɛya kenle ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:3

Na bɛzele bɛ kɛ, “Akee bɛyɛ bɛmaa yebo zolɛ! Ɛlɔne ne kɔsɔɔti le Ɛdɛnkɛma menli, yɛɛ Ɛdɛnkɛma nee yɛ muala lua. Duzu ati a bɛvo bɛdɛnla Ɛdɛnkɛma menli ne akɔme zo zɛhae a?”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”