Emɔzo Buluku ne 5:13 - BAEBOLO ANZƐƐ BULUKU NWUANZANWUANZA

¹³ Yemɔti mɔɔ ze nrɛlɛbɛ la bayɛ koonwu wɔ mekɛ zɛhae anu, ɔluakɛ ɔle munzule mekɛ.

Emɔzo Buluku ne 5:13 ပူးပေါင်းရင်းမြစ်များ

2 Arl 18:36

Menli ne mɔ yɛle ngungoonwu, kɛmɔ Belemgbunli Hɛzikaya zele bɛ la. Bɛambuke bɛ nloa.

Dwobu Buluku ne 32:16

Kɛmɔ bɛndɛ bɛ nloa anu, na bɛgyigyi ɛkɛ ne, na bɛnlɛ mualɛ biala la ati, ɛnee ɔnle kɛ metendɛ ɔ?

Edwɛndolɛ Buluku ne 38:14

Ɛhɛe, mele kɛ anzondiliravolɛ, ɔmbuke ɔ nloa ɔndwi awie anyunlu.

Nolo 3:7

mekɛ mɔɔ bɛsuosua nu, yɛɛ mekɛ mɔɔ bɛkpomgba; mekɛ mɔɔ bɛyɛ koonwu, yɛɛ mekɛ mɔɔ bɛtendɛ;

Nolo 9:12

Sonla ɛnze ye mekɛ; kɛmɔ avonle kola yɛ munzule kye fɛlɛ, yɛɛ ɛhane kola kye anloma la, zɔhane ala yɛɛ ɛhane kola kye dasanli wɔ munzule mekɛ mɔɔ ɔ nye ɛnla la a.

Ayezaya Buluku ne 36:21

Na Hɛzikaya mbɔlɔba ne mɔ andɛ bɛ nloa anu, ɔluakɛ ɛnee belemgbunli ne ɛze bɛ kɛ, “Bɛmmabua ye.”

Ayezaya Buluku ne 37:3

Nrɛlaleɛ mɔɔ bɛ nee ye hɔle la a le kɛ, “Belemgbunli Hɛzikaya se yɛraze wɔ kɛ, ‘Ɛnɛ le nyanelilɛ kenle; abule ɛbu yɛ, anyiemgba ɛha yɛ. Yɛyɛ kɛ raalɛ mɔɔ ɛvo awolɛ zo na ɔ nwo ɛbɛlɛ ye, na ɔngola ɔ nwo twe la.

Hozia Buluku ne 4:4

Ɛdɛnkɛma se, “Awie biala mmasu ɛhye anwo kpolera, yɛɛ awie biala mmato menli ne ɛzonle; ɔluakɛ bɛmɛ sɛlɛvolɛma bɔbɔ yɛɛ me nee bɛ lɛ edwɛkɛ a.

Emɔzo Buluku ne 6:10

Awie mɔɔ kɛwu la anwo sonla, ahenle ne mɔɔ ɛlɛnea yeamaa bɛayela funli ne la baye funli ne wɔ sua ne anu avinde, na yeadea nu yeavɛlɛ awie mɔɔ wɔ sua ne anu la kɛ, “Awie bieko tɛbɔ ɛkɛ ɔ?” Ahenle babua kɛ, “Kyɛkyɛ!” Akee funli ne anwo sonla ne baha kɛ, “Yɛ koonwu! Ɔnle kɛ yɛbɔ Ɛdɛnkɛma duma bɔbɔ.”

Maeka Buluku ne 2:3

Yemɔti Ɛdɛnkɛma se, “Mebamaa munzule ado menli ne mɔɔ ɛyɛ kpomgbolo ɛkpolo bɛ kɔme na bɛngola ye ye la. Menli zɔhane ɛnrɛhola tia memaa bɛ bati zo, ɔluakɛ mekɛ ne bayɛ munzule mekɛ amaa bɛ.

Habakɛke Buluku ne 3:16

Mete na me nwo wozo me, ɔ ne maa me nloa babonle wozo; me nwo golo me, me gyakɛ to bɛka nu. Mebayɛ koonwu meahendɛ amaneɛnwunlɛ kenle ne mɔɔ Nyamenle bava adea menli mɔɔ ko fa yɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:13

Zɔhane ati bɛwula Nyamenle konle tɛladeɛ ne amuala, amaa saa kenle ɛtane ne ba a, bɛahola bɛagyinla kpɔvolɛ ne anyunlu, amaa mɔɔ konle ne kawie la ɛnee bɛgyi bɛ gyakɛ anu kpundii.

2 Tem 3:1

Mekpondɛ kɛ ɛnwu ye kɛ, awieleɛ mekɛ ne anu, anwongyelelɛ dɔɔnwo bara.