Emɔzo Buluku ne 5:12 - BAEBOLO ANZƐƐ BULUKU NWUANZANWUANZA

¹² Ɔluakɛ meze bɛ mɛladonlɛ mgbole ne mɔ nee kɛ bɛ ɛtane ne mɔ mgbole si de la. Bɛkile tenlenema nyane, bɛdie ndoloboa, na bɛdi bɛtia ehyianvolɛma.

Emɔzo Buluku ne 5:12 ပူးပေါင်းရင်းမြစ်များ

Dwobu Buluku ne 20:19

Ɔluakɛ yesisi ehyianvolɛma na yekpo bɛ, yelie sua mɔɔ tɛ ɔdaye a ɔzile la.

Dwobu Buluku ne 31:21

“Saa mesisi arisa ɛlɛ, ɔluakɛ melɛ moalɛ wɔ mgbanyima ne mɔ ɛkɛ a,

Edwɛndolɛ Buluku ne 127:5

Nyilalɛ ɛha sonla ne mɔɔ ye ɛda mbaka boa ne ɛyi la. Saa ɔ nee ye kpɔvolɛma nyia ɛdendɛlɛ wɔ anlenkɛ kpole ne anloa a, ɔ nyunlu ɛnrɛgua aze ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:3

Bɛdi ehyianli edwɛkɛ a, bɛmmadi mɔguazo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:6

“Saa ehyianvolɛ nyia edwɛkɛ a, bɛmmakyea nɔhalɛ ne anye.

Mrɛlɛbulɛ Buluku ne 17:8

Ndoloboa ɛmanlɛ le kɛ ngonyia bolɛ wɔ mɔɔ fa maa la anye zo; ɛleka biala mɔɔ ɔkɛdo ɔ sa la, ɔkpazi.

Mrɛlɛbulɛ Buluku ne 22:22

Mmawua ehyianli na ɔyɛ anwunvɔne, anzɛɛ mmamia mɔɔ ɛnyia edwɛkɛ na ɔgyi bagua nu la,

Ayezaya Buluku ne 1:23

Bɛ arelemgbunli le atuadelɛma yɛɛ bɛva nwule agɔnwolɛ. Awie biala kulo ndoloboa yɛɛ bɛpele bɛkpondɛ ahyɛlɛ ninyɛne. Bɛnlie mɔɔ ɛnlɛ ɔ ze la ati, yɛɛ bɛndwenle ahunlanvolɛ mraalɛ ne mɔ anwo.

Ayezaya Buluku ne 10:2

Bɛyɛ ɛhye bɛfa bɛsisi menli mɔɔ ɛhyia la, yɛɛ bɛnli pɛlepɛle bɛmmaa me menli ne anu ehyianvolɛma. Bɛyɛ ɛhye amaa bɛakpokpo ahunlanvolɛ mraalɛ na bɛaza mɔɔ ɛnlɛ ɔ ze la bɛalie ye ninyɛne.

Ayezaya Buluku ne 29:21

Menli zɛhae mɔ fa bɛ nloa maa sonla yɛ ɛtane, bɛsua mɔɔ de anlenkɛ kpole ne anloa twi bɛ nyunlu la ɛhane, na bɛfa adalɛbɔlɛ mgbane mgbane bɛbua mɔɔ di benle la mgbɔvondɛne.

Ayezaya Buluku ne 33:15

Sonla ne mɔɔ dua tenlene adenle nu na ɔtendɛ fɔɔnwo, mɔɔ kpo nzisima nvasoɛ, ɔkpɔlɔkpɔla ɔ sa anwo wɔ ndoloboalielɛ nwo, ɔtuodua ɔ nzo wɔ kɔdiawu ɛbɛla nwo, na ɔmuomua ɔ nye wɔ ɛtaneyɛlɛ nwo la,

Ayezaya Buluku ne 47:9

Ninyɛne nwiɔ ɛhye bazi ɛ nwo zo, bɛbazi ɛ nwo zo arɛlevilɛ nu, kenle kokye; wɔ ninsinlima baye ngonyia, bɛbahye sili, na ɔnrɛyɛ boɛ; bɛ ayɛne tumi kpole ne amuala anzi ɛbali kunlane, wɔaminli ɛ mra ne mɔ amuala.

Ayezaya Buluku ne 5:23

Bɛdie ndoloboa na bɛgyakyi menli mɔɔ di fɔlɛ la, na bɛmaa menli mɔɔ ɛnze nwolɛ bie la anwo kyele bɛ.

Ayezaya Buluku ne 66:18

Ɔluakɛ meze bɛ gyima nee bɛ adwenle ne mɔ. Na melɛba mearaboɔboa maanle maanle nee aneɛ aneɛ ne mɔ anloa, na bɛbara bɛaranwu me anyunlunyia ne,

Gyɛlɛmaya Buluku ne 29:23

Ɔboalekɛ bɛbɔ koasea ɛbɛla wɔ Yizilayɛ. Bɛva bɛ gɔnwo mɔ mraalɛ, yɛɛ bɛva me duma bɛha Nyamenle nrɛlaleɛ bɛbɔ adalɛ wɔ mekɛ mɔɔ meanze bɛ zɔhane la. Medame a meze mɔɔ bɛyɛ la a, yɛɛ medi bɛ nyɛleɛ nwo daselɛ. Medame Ɛdɛnkɛma a mese a.”

Gyɛlɛmaya Awolɛyelɛ 3:34

Sonla mɔɔ bɛdo ye efiade la nyanelilɛ,

Yizikeɛle Buluku ne 13:22

“Bɛva bɛ adalɛ ne mɔ bɛbɔ menli mɔɔ di boɛ, na mengulo kɛ bɛ nwo bu ɛbonle la arɛle; bɛzi amumuyɛnli ne adua bɛammaa yeangakyi ye ɛbɛla ɛtane ne yeanlie ɔ nwo ngoane.

Hozia Buluku ne 5:3

Meze Yifelaem, yɛɛ Yizilayɛ ɛnvea me nye zo. Na kɛkala, wɔmɔ Yifelaem, wɔbɔ tuutuu ɛbɛla, evinli ɛha Yizilayɛ.”

Emɔzo Buluku ne 2:16

Kenle zɔhane menli mɔɔ akɛnra yɛ se wɔ katakyiema avinli bɔbɔ la bagua bɛ adu aze alɛ bɛ sa mgbane agua ndwɛlɛ aze.” Kɛ Ɛdɛnkɛma se la ɛne.

Emɔzo Buluku ne 2:3

Mebahu Mowabe belemgbunli ne nee ye mgbanyima mɔɔ wɔ azɛlɛ ne azo la amuala.”

Emɔzo Buluku ne 5:10

Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Emɔzo Buluku ne 5:7

Bɛmɛ, bɛmaa pɛlepɛlelilɛ yɛ ɛnwonle, na bɛtietia tenleneyɛlɛ zo.

Emɔzo Buluku ne 8:4

Bɛdie, bɛmɛ mɔɔ bɛmbu menli mɔɔ ɛhyia, na bɛmaa ehyianvolɛma mɔɔ wɔ maanle ye anu la anwo ɛwie bɛ kyele,

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 7:3

Ɛtane ala a bɛdi a, yɛɛ bɛdi ye nrɛlɛbɛ nu kpalɛ. Belemgbunli o, ndɛnebuavolɛ o, biala kpondɛ ndoloboa, yɛɛ menli mgbole ne mɔ ka ɛtane mɔɔ bɛkulo kɛ bɛdi la bɛkile bɛ, bɛ muala bɛdi bɛwula bɛ nwo.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Mɛla 16:18

“Bɛye ndɛnebuavolɛma na bɛdu maanle mgbanyima wɔ bɛ azua ne mɔ mɔɔ Ɛdɛnkɛma bɛ Nyamenle ne kɛva kɛmaa bɛ la azo, kɛmɔ bɛ mbusua ekpunli ekpunli ne mɔ de la. Ɔwɔ kɛ menli ɛhye mɔ nea di menli ne mɔ edwɛkɛ wɔ pɛlepɛle adenle zo; ɔnle kɛ bɛnea sonla nyunlu.

Mɛla 31:21

Na saa edwɛkɛ to bɛ na munzule si bɛ nwo zo a, edwɛne ɛhye bara bɛ ti anu yeamaa bɛ ti anu aze bɛ, ɔboalekɛ bɛ bo zo amra bɔbɔ arɛle ɛnrɛvi edwɛne ɛhye. Bɛbahakye ye dahuu. Bɛtɛdwule azɛlɛ ne mɔɔ meva mebɔ bɛ ɛwɔkɛ la azo bɔbɔ, noko meze mɔɔ kɛkala angome bɛlɛdwenle debie mɔɔ bɛdwu a bɛbayɛ la anwo.”

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.

Gyemise Kɛlata ne 5:6

Bɛbua sonla mɔɔ ɛnli fɔlɛ la ewule fɔlɛ bɛku ye; noko ɔndɛ ɔ nloa anu!

Wulu 4:1

Bowaze hɔle suakpole ne anlenkɛ kpole ne anloa, ɛleka mɔɔ ɔyɛ a bɛyia la na ɔdɛnlanle aze. Yeangyɛ biala yɛɛ kɔliagya ne mɔɔ Bowaze lile ye edwɛkɛ la rale ɛkɛ ne a. Bowaze zele ye kɛ, “Ayi, bɛla badɛnla aze.” Na ɔradɛnlanle aze.

1 Sam 8:3

Noko bɛanva bɛ ze agyakɛ. Bɛ nye bolole ezukoa, bɛliele ndoloboa na bɛbule bɛ nye bɛguale pɛlepɛlelilɛ zo.