Emɔzo Buluku ne 5:11 - BAEBOLO ANZƐƐ BULUKU NWUANZANWUANZA

¹¹ Yemɔti, kɛmɔ bɛsisi ehyianvolɛma na bɛwua bɛ hwiiti ne mɔ la ati bɛva awolɛ bɛsisi azua ngɛnlɛma, noko bɛnrɛla nuhua, yɛɛ bɛyɛ vanye egyinli ngɛnlɛma, noko bɛnrɛnlo bɛ ma ne mɔ anu nwanye.

Emɔzo Buluku ne 5:11 ပူးပေါင်းရင်းမြစ်များ

Dwobu Buluku ne 20:19

Ɔluakɛ yesisi ehyianvolɛma na yekpo bɛ, yelie sua mɔɔ tɛ ɔdaye a ɔzile la.

Ayezaya Buluku ne 16:10

Fɛlɛko nee anyelielɛ ɛvi bɛ ma egyinli ne mɔ anu, awie ɛndeɛdea nu wɔ ɛkɛ. Awie ɛndwihwi nwanye ɛnvi vanye ma nu; vanye ma ɛtetelɛ nu anyelielɛ ɛdeɛdeanlɛ ne ɛwie.

Yizikeɛle Buluku ne 26:12

Ɛlɔnema ne bave bɛ nwo ninyɛne kɔsɔɔti, bɛ anwonyia nee bɛ ninyɛne adɔne, bɛbabubu bɛ azuamgbole bane ne mɔ nee bɛ azua ngɛnlɛma ne mɔ bɛagua. Bɛbavuandi bɛ awolɛ, dubinli nee ɛnwea bɛagua azule ne mɔ anu.

Yizikeɛle Buluku ne 34:21

Kɛmɔ bɛfa bɛ nvenle nee bɛ bati bɛsuhuzuhu mboane nwanlera ne mɔ, na bɛfa bɛ mɛne bɛwowɔ bɛ bɛmaa bɛbɔ asande bɛkɔ maanle zo la ati,

Hozia Buluku ne 9:2

Aleɛ nee nza mɔɔ bɛbanyia bɛ wɔ ma ɛwozolɛ ɛleka nee nwanyezielɛ ɛleka ne mɔ la ɛnrɛzɔ bɛ yɛɛ bɛnrɛnyia nwanye fofolɛ.

Sɛlɛ 26:16

mɔɔ mebava meayɛ bɛ la ɛne: Mebamaa ɛzulolɛ kpole bie araheda bɛ nwo zo, meamaa ewule mɔɔ maa nwonane wie la, nee ebunlu fufule aha bɛ, azi bɛ nye na yeahu bɛ. Bɛbalua ma na bɛnrɛnyia bie, ɔluakɛ bɛ kpɔvolɛma barali.

Emɔzo Buluku ne 2:6

Ɛdɛnkɛma se, “Yizilayɛma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛtɔne tenlenema bɛdie dwɛtɛ fufule, yɛɛ bɛtɔne ehyianvolɛma bɛdie mgbɔlaboa.

Emɔzo Buluku ne 2:7

Bɛtietia menli mɔɔ bɛ anwosesebɛ ɛwie nee menli mɔɔ ɛnlɛ boavolɛ la anwo zo, na bɛsuhu menli mɔɔ ɛlɛdi nyane la bɛsie ahane. Ralɛ nrenya nee ɔ ze fa raalɛ ko na bɛgua me duma nwuanzanwuanza ne anwo evinli.

Emɔzo Buluku ne 3:15

Mebabubu bɛ fɔsɛlɛ nee wawaa mekɛ azua ne mɔ. Azua mɔɔ bɛva ɛzɛlɛ bɛziezie nuhua la bagologolo agua; azua mgbole ne mɔ abo zo baminli. Medame Ɛdɛnkɛma a mese a.”

Emɔzo Buluku ne 3:9

Bɛbɔ ye nolo bɛhile bɛdabɛ mɔɔ bɛwɔ Yigyibiti nee Ahyedɔdo aranemgbole ne mɔ anu la kɛ, “Bɛboɔboa bɛ nloa wɔ Samɛlea awoka ne mɔ azo, na bɛnlea ninyɛmunli mɔɔ bɛlɛyɛ, nee nzisi mɔɔ bɛlɛdi wɔ zolɛ la.”

Emɔzo Buluku ne 4:1

Bɛdie edwɛkɛ ɛhye, bɛmɛ Beehyan nlankɛ mbelɛ mɔɔ wɔ Samɛlea boka zo, mɔɔ sisi ehyianvolɛma, mɔɔ fa atisesebɛ amaamuo bu menli mɔɔ ehyia na bɛka bɛkile bɛ hu mɔ kɛ bɛva bɛrɛla bɛmaa bɛnlo la.

Emɔzo Buluku ne 6:11

Saa Ɛdɛnkɛma ka ye tumi edwɛkɛ ne a, azua mgbole nee ngyikyi kɔsɔɔti badwulu agua.

Emɔzo Buluku ne 6:12

Asoo mgbɔnwɔ kola wuluwulu bodane zo? Asoo menli kola fa nlankɛ nyinli so ɛya wɔ nyevile nye? Noko bɛmɛ, bɛmaa pɛlepɛlelilɛ ɛhakyi pɔezen, yɛɛ bɛmaa tenleneyɛlɛ ɛyɛ ɛnwonle.

Emɔzo Buluku ne 8:4

Bɛdie, bɛmɛ mɔɔ bɛmbu menli mɔɔ ɛhyia, na bɛmaa ehyianvolɛma mɔɔ wɔ maanle ye anu la anwo ɛwie bɛ kyele,

Emɔzo Buluku ne 9:14

Mebamaa me menli Yizilayɛma eza akpazi, bɛbakyekye bɛ azuadu ne mɔ na bɛadɛnla zolɛ; bɛbayɛ vanye egyinli na bɛanlo nuhua nwanye ne; bɛbayɛ tola na bɛali nuhua ninyɛne.

Maeka Buluku ne 1:6

Yemɔti Ɛdɛnkɛma se, “Mebazɛkye Samɛlea maanle ne amuala, meahakyi ye ɛleka mɔɔ bɛyɛ vanye egyinli la. Mebapiepia sua ne azo azua ne awolɛ ne mɔ meahɔgua bɔnza ne anu, na meaza bɛ adiabo ne mɔ meagua zolɛ.

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Maeka Buluku ne 6:15

Bɛbalua, na bɛnrɛbu; bɛbabua ɔlivi ma, na bɛnrɛva ye nwole ne bie bɛnrɛkpokpa; bɛbabua vanye ma, na bɛnrɛnlo nuhua nwanye ne bie.

Zɛfanaya Buluku ne 1:13

Bɛbawua bɛ nwo ninyɛne kɔsɔɔti, yɛɛ bɛ azua ne mɔ badɔ mgbane. Bɛbasisi azua, na bɛnrɛdɛnla nuhua; bɛbahye vanye tola, na bɛnrɛnlo nuhua nwanye.”

Hagae Buluku ne 1:6

Bɛlua ma dɔɔnwo, na bɛbu ekyi bie; bɛdi debie, noko bɛ ko ɛnyi; bɛno nwanye, noko bɛmbo; bɛkeda ndanlɛ, noko bɛ nwo ɛnyɛ wuluwulu, yɛɛ mɔɔ die ahatualɛ la die ezukoa ne gua kodoku mɔɔ abo le tokule la anu.

Malakae Buluku ne 1:4

Saa Yidɔmma ka kɛ, “Bɛzɛkye yɛ maanle ye bɔbɔ ɛdeɛ, noko yɛbazia yɛakyekye ye fofolɛ” a, ɛnee kɛ Tumivolɛ Ɛdɛnkɛma se la ɛne, “Bɛbakyekye bɛ azua ne mɔ, na mebagologolo bɛ meagua. Bɛbavɛlɛ bɛ azɛlɛ ne ‘Amumuyɛ Azɛlɛ’ na bɛavɛlɛ bɛdabɛ mumua ne ‘Menli mɔɔ Ɛdɛnkɛma ɛva bɛ nwo ɛya mɔɔ ɛnlɛ awieleɛ a.’ ”

Mɛla 28:30

“Bɛbayia raalɛ, na awie gyɛne a nee ye bala a; bɛbazi sua, na bɛnrɛla nuhua ɛlɛ; bɛbayɛ vanye egyinli, na bɛnrɛli ye ma ne bie.

Gyemise Kɛlata ne 2:6

Na bɛmɛ bɛmbu ehyianvolɛma bie. Asoo tɛ sukoavolɛma a sisi bɛ na bɛtwili bɛ bɛkɔ ndɛnebuavolɛma anyunlu la?