Emɔzo Buluku ne 5:10 - BAEBOLO ANZƐƐ BULUKU NWUANZANWUANZA

¹⁰ Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Emɔzo Buluku ne 5:10 ပူးပေါင်းရင်းမြစ်များ

1 Arl 18:17

Ehabe anye bobɔle Yilaegya ala la, ɔbizale ye kɛ, “Ɛnee ɛdawɔ Yilaegya, mɔɔ wɔgyegye Yizilayɛ maanle ye kpole la ɛhye ɔ?”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Mrɛlɛbulɛ Buluku ne 15:12

Adubɛnwo sonla biala ɛngulo folɛdulɛ; ɔyɛ se kɛ ɔkɛhɔ nrɛlɛbɛvolɛ ɛkɛ.

Ayezaya Buluku ne 29:21

Menli zɛhae mɔ fa bɛ nloa maa sonla yɛ ɛtane, bɛsua mɔɔ de anlenkɛ kpole ne anloa twi bɛ nyunlu la ɛhane, na bɛfa adalɛbɔlɛ mgbane mgbane bɛbua mɔɔ di benle la mgbɔvondɛne.

Ayezaya Buluku ne 59:15

Nɔhalɛ ɛnle ɛleka biala, yɛɛ sonla mɔɔ kɛhwe ɔ nwo kɛvi ɛtaneyɛlɛ nwo la tɔ donvula.” Ɛdɛnkɛma nwunle ye, na yeanyɛ ye fɛ kɛ pɛlepɛlelilɛ ɛnle ɛkɛ a.

Gyɛlɛmaya Buluku ne 38:7

Sudanenli Yibɛdemɛlɛke mɔɔ le sonvolɛ kpanyinli wɔ suakunlu ɛkɛ ne la dele kɛ bɛdwula Gyɛlɛmaya bula ne anu. Mekɛ zɔhane ɛnee belemgbunli ne de Bɛngyaman Anlenkɛ Kpole ne anloa.

Hozia Buluku ne 4:4

Ɛdɛnkɛma se, “Awie biala mmasu ɛhye anwo kpolera, yɛɛ awie biala mmato menli ne ɛzonle; ɔluakɛ bɛmɛ sɛlɛvolɛma bɔbɔ yɛɛ me nee bɛ lɛ edwɛkɛ a.

Sɛlɛ 13:10

Sɛlɛvolɛ ne banleɛnlea ahenle anwo kpalɛ, na saa debie fufule bie ɛnwu ahenle anwo, ɛmaa ye enrinli ne ɛyɛ fufule, na hanlɛ ne kpolo nzule a,

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Dw 15:19

Saa bɛle ewiade ɛdeɛ a ɛnee ewiade bahulo bɛ kɛ ɔ ti anwo ɛdeɛ la. Na mekpa nu meye bɛ mevi ɛtane ewiade ɛhye anu amra avinli, yemɔti bɛnle ɛtane ewiade ɛdeɛ. Ɛhye ati ɛtane ewiade ɛhye anu amra kpɔ bɛ.

Dw 3:20

Awie biala mɔɔ yɛ ninyɛndane la kyi wienyi ne yɛɛ ɔnrɛlua nu ɛlɛ, ɔboalekɛ ɔnrɛhulo kɛ ɔkɛye ye nyɛleɛ ɛtane ne mɔ ɔkɛhile.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:16

Na kɛ ɔyɛ mɔɔ kɛkala angome bɛmaa meyɛ bɛ kpɔvolɛ kɛ meha nɔhalɛ ne mehile bɛ la ɛ?

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.