Emɔzo Buluku ne 4:9 - BAEBOLO ANZƐƐ BULUKU NWUANZANWUANZA

⁹ “Memanle ewia katekate rayelale bɛ bɛyɔba ne mɔ. Memanle abɛbɛ ralile bɛ tola nee bɛ vanye avule ne mɔ anu ninyɛne, bɛ feege mbaka nee bɛ ɔlivi mbaka ne mɔ; noko bɛanzia bɛamba me ɛkɛ.

Emɔzo Buluku ne 4:9 ပူးပေါင်းရင်းမြစ်များ

1 Arl 8:37

“Saa ɛhɔne anzɛɛ ewule nzane ba azɛlɛ ye azo, anzɛɛ ahumu nee abɛbɛ sɛkye bɛ aleɛ, saa bɛ kpɔvolɛma bɔbɔ fa konle batoa bɛ, anzɛɛ anwonyane bɔ bie mɔ na bɛbasɛlɛ wɔ wɔ ɛke a,

2 Edk 6:28

“Saa ɛhɔne ba azɛlɛ ye azo, anzɛɛ ahumu nee ngɛkɛba sɛkye bɛ aleɛ, saa bɛ kpɔvolɛma fa konle batoa bɛ, bɛbɛnra bɛ azuamgbole bɛyia mɔɔ awie ɛngola ɛnvi sua zo ɛnvinde la, anzɛɛ ewule nzane bie tɔ bɛ avinli, anwonyane biala mɔɔ kɛbɔ bɛ la,

Ayezaya Buluku ne 1:5

Fane nyɛ yɛɛ bɛkpondɛ kɛ bɛtea bɛ kolaa na bɛagyakyi atuadelɛ a? Bɛ ti kanrɛlɛ mumua ne ɛnde kpɔkɛ, yɛɛ bɛ ahonle ɛwu.

Ayezaya Buluku ne 50:11

Bɛdabɛ mɔɔ bɛwuda menli nzi senle, na bɛsɔ menli nwo tɛkɛ la, bɛnlea! Bɛlua bɛ senle ne mɔɔ bɛwuda, nee bɛ tɛkɛ ne mɔ wienyi ne anwo bɛhɔ! Debie mɔɔ bɛbanyia ye bɛavi me ɛkɛ ne la ɛne: nyane ala a baha bɛ a.

Ayezaya Buluku ne 9:12

Seleama mɔɔ vi aduduleɛ bara yɛɛ Filisitiama mɔɔ vi adɔleɛ bara la ɛbuke bɛ nloa anu wanaanwo kɛ bɛbahye Yizilayɛma bɛali. Ɛhye mɔ amuala anzi, Ɛdɛnkɛma ɛya ne ɛnrɛdwo; ɔbadenrɛ ɔ sa yeadea bɛ.

Gyɛlɛmaya Buluku ne 3:10

Ɛhye amuala zile, noko Yizilayɛ adiema raalɛ Dwuda ngunzi anva ye ahonle kɔsɔɔti ammaa me; ɔ nee me lile egyele zo amanie ala. Medame Ɛdɛnkɛma a mese a.”

Gyɛlɛmaya Buluku ne 5:3

O Ɛdɛnkɛma, wɔmɔ ɛkulo nɔhalɛ. Ɛdeanle bɛ, na yɛanyɛ bɛ nyane; ɛhanle bɛ senle, noko bɛangakyi. Bɛsolo bɔkɔɔ; bɛtɛnunle bɛ nwo.

Hozia Buluku ne 11:5

“Bɛkpole kɛ bɛnrɛzia bɛnrɛra me nwo bieko, yemɔti bɛbazia bɛahɔ Yigyibiti, na Aselea bazie bɛ.

Dwowɛle Buluku ne 1:4

Mɔɔ abɛbɛ mɔɔ pɛ la pɛle na mɔɔ hale la, abɛbɛ tɔka ralile. Mɔɔ abɛbɛ tɔka ne gyakyile la, abɛbɛ bɛnyebɛnye ne mɔ ralile, yɛɛ mɔɔ abɛbɛ bɛnyebɛnye ne mɔ gyakyile la, abɛbɛ sɛkyevolɛma ralile.

Dwowɛle Buluku ne 1:7

Bɛzɛkye yɛ vanye mbaka ne mɔ, na bɛli yɛ feege mbaka ne mɔ. Bɛli, bɛkeka mbaka ne anwo abonle ne mɔ bɛgua; bɛmaa ngane ne mɔ anwo ɛyɛ nwohyee.

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Emɔzo Buluku ne 4:6

Ɛdɛnkɛma se, “Medame a memanle ɛhɔne zile bɛ azuamgbole ne mɔ azo na aleɛ wiele bɛ azua nu a, noko bɛanzia bɛamba me ɛkɛ.

Emɔzo Buluku ne 4:8

Yemɔti azuamgbole nwiɔ anzɛɛ nsa dule hɔle suakpole ko mɔɔ bɛ nye la kɛ bɛkɛnyia nzule bɛkɛnlua bɛ ahonle la azo, na bɛannyia nzule mɔɔ sa bɛ no la, noko bɛanzia bɛamba me ɛkɛ.

Habakɛke Buluku ne 3:17

Feege mbaka ɛnrɛzo bɔbɔ ɛdeɛ, yɛɛ ma ɛnrɛra vanye mbaka zo, ɔlivi mbaka ɛnrɛzo bɔbɔ ɛdeɛ, yɛɛ aleɛ ɛnrɛvinde kpɔkɛ nu, mboane ne mɔ amuala bawu bɔbɔ ɛdeɛ, yɛɛ nlankɛ adunli ne mɔ badɔ mgbane,

Hagae Buluku ne 2:17

Menvale anwoma anu wuluwulu, adubue, yɛɛ ezuawolɛ menzɛkyele bɛ nee debie biala mɔɔ bɛyɛle la, noko bɛanzia bɛamba me nwo ɛkɛ.

Malakae Buluku ne 3:11

Menrɛmaa ngɛkɛba ɛnrɛli bɛ aleɛ, yɛɛ bɛ vanye mbaka ɛnrɛkpolo bɛ ndotolo nee ma ɛnrɛgua.

Mɛla 28:22

Ɛdɛnkɛma bamaa avinli ewule adɔ bɛ nwo ahu bɛ. Ɔbamaa ebunlu ahye bɛ, bɛ nwo anwunwu. Ɔbavi ewia katekate yeadua ezule, na yeamaa ahumu kpole mɔɔ anu dɔ la ayela bɛ egyinli nu ninyɛne. Debie zɛhae bahɔ zolɛ toonwo yeahɔdwu kɛ ɔkɛzɛkye bɛ muala la.

Mɛla 28:42

Mbɛbɛ bali bɛ mbaka nee bɛ egyinli nu aleɛ muala.