Emɔzo Buluku ne 4:7 - BAEBOLO ANZƐƐ BULUKU NWUANZANWUANZA

⁷ Eza memanle ezule gyakyile ɛdɔlɛ wɔ mekɛ mɔɔ yeha siane nsa na ɛbuhenle ne adwu la. Memaa suakpole ko nyia ezule, na suakpole ko ɛnnyia bie. Memaa ɛya avule ko nyia ezule a, avule ko ɛnnyia bie, yɛɛ ɛya mɔɔ ezule andɔ nu la anu ninyɛne sɛkye.

Emɔzo Buluku ne 4:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:22

Yemɔti Mosisi dendenle ɔ sa anwomanyunlu na awozinli kabikabi vale Yigyibiti maanle ne kenle kɔkɔlɛ nsa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:23

Yigyibitinli biala annwu ɔ gɔnwo, yɛɛ Yigyibitinli biala anvinde toonwo kenle nsa. Na ɛleka mɔɔ Yizilayɛma de la ɛdeɛ, wienyi dale ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:22

Kenle zɔhane mebaye Gohyɛn, azɛlɛ ne mɔɔ me menli ne de zolɛ la meazie ahane, amaa nrɛzenra adɔka ne bie angɔ ɛkɛ, na bɛanwu kɛ medame a mele Ɛdɛnkɛma wɔ azɛlɛ ye azo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:26

Gohyɛn azɛlɛ zo, ɛleka mɔɔ Yizilayɛma wɔ la yɛɛ ezuawolɛ ne bie andɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:4

Ɛdɛnkɛma bava ɛweɛne ado Yizilayɛma nee Yigyibitima nlankɛ ne mɔ avinli, na Yizilayɛma nlankɛ ne mɔ anu ko bɔbɔ ɛnrɛwu.’ ”

Ayezaya Buluku ne 5:6

Meto ye ɛkɛ ne mgbane, bɛnrɛbɔ nuhua ndile, yɛɛ bɛnrɛpepɛ vanye mbaka ne mɔ azo. Ndile nee mbowule bafifi ava ye. Eza menrɛmaa ezule ɛnrɛdɔ ɛnrɛgua zolɛ.”

Gyɛlɛmaya Buluku ne 14:22

Asoo maanle maanle ne mɔ nyamenle ne mɔ kola tɔ ezule? Asoo anwomanyunlu angome kola tɔ ezule? Tɛ wɔmɔ Ɛdɛnkɛma yɛ Nyamenle ne a tɔ ezule a? Yɛ anyelazo a le wɔ, ɔluakɛ ɛdawɔ a ɛyɛ ninyɛne ɛhye mɔ amuala a.

Gyɛlɛmaya Buluku ne 14:3

Menli mɔɔ de boɛ la soa bɛ ngɛkɛlɛ kɛ bɛhɔ azule; bɛba azule ne mɔ azo a bɛnnyia nzule; bɛfa dwora ne mɔ mgbane bɛsia. Nyiane ku bɛ, bɛ adwenle ka bɔ nu na bɛkeda bɛ ti zo.

Gyɛlɛmaya Buluku ne 14:4

Kɛmɔ ezule ɛndɔ na azɛlɛ nwo ɛwe resee la, nyiane ɛlɛku ɛyazonlɛma na ɔmaa bɛkeda bɛ ti zo.

Gyɛlɛmaya Buluku ne 3:3

Yemɔti ezule ne ɛgyakyi ɛdɔlɛ, yɛɛ nyenyensuo ne ɛgyakyi ɛnyenyenlɛ. Bɛ ɛlualɛ nu kile kɛ bɛle tuutuuma, yɛɛ bɛnze nwolɛ nyiane.

Dwowɛle Buluku ne 2:23

“Bɛli fɛlɛko, O Zayɔnoma, na bɛmaa bɛ nye ɛlie Ɛdɛnkɛma bɛ Nyamenle ne anwo, ɔluakɛ yemaa ezule ɛdɔ ndɛ ɛbua bɛ benle, yemaa ezule ɛdɔ, nzule ɛbu bɛ nwo zo, alumua nee amozi ezule ɛdɔ kɛ dɛba ne ala la.

Zɛkalaya Buluku ne 14:17

Na saa azɛlɛ ye azo abusua ekpulike bie wɔ ɛkɛ na yeangɔ Gyɛlusalɛm yeangɔnzonle Belemgbunli ne, Tumivolɛ Ɛdɛnkɛma a, ezule ɛnrɛdɔ bɛ azɛlɛ ne azo.

Dw 4:35

Bɛmɛ bɛse, ‘Yeha siane nna na ɛbuhenle ne adwu.’ Na meka meahile bɛ kɛ bɛdo bɛ nye bɛnlea ɛya nu lɔ boɛ; nzoleɛ ɛbolo, na yedwu mɔɔ ɔwɔ kɛ bɛbu a.

1 Kɔl 4:7

Nwane a zele bɛ kɛ bɛle kpalɛ bɛtɛla bɛ gɔnwo mɔ a? Tɛ Nyamenle a manle bɛ mɔɔ bɛlɛ la amuala ɔ? Saa ɔle zɔhane a, ɛnee duzu ati a bie kɛmemaa ɔ nwo zo kɛ asɛɛ mɔɔ ɔlɛ la ɛnle Nyamenle ahyɛlɛdeɛ ɛ?

Mɛla 11:17

Bɛyɛ ye zɔhane a, Ɛdɛnkɛma bava bɛ nwo ɛya, ɔnrɛmaa ezule ɛnrɛdɔ na bɛ ɛya ne mɔ anyia nzule ayɛ kpalɛ. Ɛhye bamaa bɛ muala bɛawu ndɛndɛ wɔ azɛlɛ kpalɛ ne mɔɔ Ɛdɛnkɛma ɛlɛfa amaa bɛ la azo.

Gyemise Kɛlata ne 5:17

Yilaegya le sonla kɛ yɛdayɛ ala la; noko ɔzɛlɛle kɛ ezule mmatɔ la, ezule andɔ azɛlɛ ye azo dedee ɛvolɛ nsa siane nsia.

Yekile 11:6

Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.